માન્યતા / દર મંગળવારે કરો આ 6 ઉપાય, કુંડળીમાં મજબૂત થશે મંગળની સ્થિતિ, દૂર થશે તમામ કષ્ટ

• મંગળવારે હનુમાનજીની પૂજા કરવી
• કુંડળીમાં મંગળદોષ દૂર કરવા માટે કરો આ ઉપાય
• આ ઉપાય કરવાથી તમામ પરેશાનીઓ દૂર થશે

હિન્દુ ધર્મમાં ભગવાન હનુમાનને શક્તિ, હિંમત અને ભક્તિના દેવ માનવામાં આવે છે. મંગળવારનો દિવસ હનુમાનજીની પૂજા માટે શુભ માનવામાં આવે છે. આ દિવસે પૂજા અને ઉપવાસ કરવાથી ભક્તોની તમામ પરેશાનીઓ દૂર થઈ જાય છે અને મનોવાંચ્છિત ફળની પ્રાપ્તિ થાય છે. શ્રદ્ધાપૂર્વક બજરંગબલીની પૂજા કરવાથી કુંડળીમાં રહેલ મંગળદોષ દૂર થાય છે અને હનુમાનજીની વિશેષ કૃપા રહે છે. કુંડળીમાં મંગળદોષ હોય તો મંગળવારે પૂજા અને વ્રત કરવાની સાથે સાથે કેટલાક ઉપાય પણ કરવા જોઈએ. 

મંગળવાર ઉપાય

• ભગવાન હનુમાન મંગળ ગ્રહના સ્વામી છે. કુંડળીમાં મંગળદોષ હોય તો મંગળવારે હનુમાનજીની પૂજા કરવી. જેથી મંગળદોષ દૂર થવાની સાથે સાથે ગ્રહ પણ મજબૂત થશે. 
• આર્થિક પરેશાની દૂરક કરવા માટે મંગળવારે વાનરને ગોળ, ચણા, કેળા તથા મગફળી ખવડાવવી. સતત 11 મંગળવાર સુધી આ પ્રકારે કરવું જેથી ઘરમાં ધનનું આગમન થશે અને આવકના સ્ત્રોતમાં વૃદ્ધિ થશે. 
• નાણાંકીય પરેશાની દૂર કરવા માટે મંગળવારે હનુમાન મંદિરે જઈને પૂજા કરો. માટીના દીવામાં સરસિયાના તેલનો દીવો કરો અને હનુમાનજીની મૂર્તિ સામે બેસીને હનુમાન ચાલીસાના પાછ કરો. આ પ્રકારે કરવાથી બજરંગબલીના આશીર્વાદ પ્રાપ્ત થાય છે અને નાણાંકીય પરેશાની દૂર થશે. 
• દેવાના બોજા હેઠળ દબાયેલા છો, તો મંગળવારનું વ્રત કરો અને 108 વાર ओम हनुमते नम: મંત્રનો જાપ કરો. મંગળદોષ દૂર કરવા માટે સુંદરકાંડના પાઠ કરો. 
• મંદિરમાં પૂજા કરી રહ્યા છો તો ભગવાન હનુમાનને બુંદીનો પ્રસાદ ચઢાવો. આ પ્રસાદ ઘરે ના લાવવો અને 5-6 સપ્તાહ સુધી આ ઉપાય કરવો, જેથી લાભ થઈ શકે છે. 
• નાણાંકીય વૃદ્ધિ માટે નારિયેળનો ઉપાય કરો. એક નારિયેળ લો અને તમારા પરથી સાત વાર ઉતારી દો. હવે તે નારિયેળ હનુમાન મંદિરમાં અર્પણ કરો. જેથી તિજોરીમાં પૈસા ખૂટશે નહીં.