રેસિપી / બનાવો ગુજરાતીઓના પ્રિય ઢોકળા નવા અંદાજમાં, ટેસ્ટ એવો કે પહેલા ક્યારેય નહીં ચાખ્યો હોય

ગુજરાતીઓના ઘરમાં ઢોકળા એવી વાનગી છે જે વારેઘડી બનતી જ રહે છે. પરંતુ શું તમે ક્યારેય ચીલી ઢોકળા ટ્રાય કર્યા છે, નહીં ને તો આજે આ ખાસ રીતે તિરુપતિ સિંગતેલમાં બનાવી લો ચિલિ ઢોકળા.

સામગ્રી

• 1 કપ ડુંગળી
• 2 ટેબલ સ્પૂન લીલી ડુંગળી
• 1 કપ કેપ્સીકમ
• 2 ટેબલ સ્પૂન મેંદો
• 2 ટેબલ સ્પૂન કોર્નફ્લોર
• પા ટેબલ સ્પૂન સોડા
• 1 લીલું મરચું
• 2-3 કળી લસણ
• તળવા માટે અને વધાર માટે તિરુપતિ સિંગતેલ
• 1 ઈંચ આદુ
• 2 ટેબલસ્પૂન ચીલી સોસ
• મીઠું સ્વાદ અનુસાર
• 2 ટેબલ સ્પૂન ટોમેટો સોસ
• 1 બાઉલ ખીરું (3 વાટકી ચોખા, 1 વાટકી ચણાની દાળ, પા વાટકી તુવેરની દાળ - 3-4 કલાક પલાળી રાખેલી)

રીત 

સૌ પહેલા તમામ દાળને મિક્સરમાં વાટી લો અને તેમાં પા ચમચી સોડા મિક્સ કરો. હવે તેમાં 1 ટેબલસ્પૂન તિરુપતિ સિંગતેલ મિક્સ કરો. એક થાળી લો અને તેને પણ તિરુપતિ સિંગતેલની મદદથી ગ્રીસ કરી લો. તેમાં આ ખીરું પાથરી લો. હવે સ્ટીમરમાં આ પ્લેટને મૂકો અને 7-8 મિનિટ માટે બફાવવા દો. હવે તેને ખોલો અને થાળીને ઠંડી થવા દો. તેના પીસ કરી લો અને તેને બાજુ પર રાખો.  હવે એક અન્ય વાસણ લો અને તેમાં મેંદો, કોર્નફ્લોર અને પાણી મિક્સ કરો. તેની ઘટ્ટ લઈ બનાવો. 

એક પેન લો અને તેમાં તિરુપતિ સિંગતેલને ગરમ થવા દો. હવે એક એક ઢોકળા લો અને તેને આ લઈમાં ડૂબાડીને ગરમ તિરુપતિ સિંગતેલમાં ક્રિસ્પી થાય ત્યાં સુધી તેને તળો. હવે ફરીથી એક પેન લો અને તેમં 2 ચમચી તિરુપતિ સિંગતેલ લો. તેમાં લીલા મરચાં, આદુ, લસણ, ડુંગળી મિક્સ કરો. હવે સોયા સોસ, ચીલી સોસ, ટામેટાનો સોસ મિક્સ કરીને મીઠું ઉમેરો. તેને બરોબર હલાવો અને પાણી  તથા કેપ્સીકમ ઉમેરો, તેમાં તળેલા ઢોકળા મિક્સ કરો. હવે લીલી ડુંગળી ઉમેરી લો અને હલાવો. થોડી વાર હલાવતા રહો અને એક પ્લેટમાં કાઢીને લીલી ડુંગળીથી ગાર્નિશ કરીને સર્વ કરો.