ધરપકડ / સુરતમાં સ્ટેટ GST વિભાગની મોટી કાર્યવાહી, 9 પેઢીના 21 સ્થળો પર દરોડા, 3 વેપારીની ધરપકડ, જુઓ સર્ચ ઓપરેશનમાં શું મળ્યું

Vishal Khamar

Last Updated: 07:40 PM, 17 September 2023

FOLLOW ON

શેર કરો

સ્ટેટ જીએસટી વિભાગની ટીમ દ્વારા કોપર આઈટમનાં વેપારીઓ સામે મોટી કાર્યવાહી કરવામાં આવી છે. જેને લઈ આજે વહેલી સવારે સુરત ખાતે કેટલીક પેઢીઓ પર જીએસટી વિભાગ દ્વારા દરોડા પાડવામાં આવ્યા હતા. જેને લઈ કરચોરોમાં ફફડાટ વ્યાપી જવા પામ્યો હતો.

સ્ટેટ જીએસટી વિભાગ દ્વારા સુરતના કેટલાક સ્થળો પર દરોડા
કોપર આઈટમ સાથે સંકળાયેલા 9 પેઢી ના 21 સ્થળો પર દરોડા
સ્ટેટ જીએસટી વિભાગની ટીમે સુરતનાં ત્રણ વેપારીની ધરપકડ કરી

સ્ટેટ જીએસટી વિભાગની ટીમો દ્વારા આજે વહેલી સવારે સુરતમાં કોપર આઈટમ સાથે સંકળાયેલી પેઢીઓનાં 21 જેટલા સ્થળો પર આકસ્મિક તપાસ હાથ ધરી હતી. ત્યારે હાલ સ્ટેટ જીએસટી વિભાગ દ્વારા 3 વેપારીની ધરપકડ કર છે.

કોપર આઈટમ સાથે સંકળાયેલા 9 પેઢી ના 21 સ્થળો પર દરોડા

સ્ટેટ જીએસટી વિભાગ દ્વારા સુરતનાં કેટલાક સ્થળો પર વહેલી સવારે દરોડા પાડવામાં આવ્યા હતા. જેમાં કોપર આઈટમ સાથે સંકળાયેલા 9 પેઢીનાં 21 સ્થળો પર તપાસ હાથ ધરવામાં આવી હતી. સ્ટેટ જીએસટી દ્વારા હાથ ધરાયેલ તપાસમાં રૂપિયા 670 કરોડનાં બોગસ બિલનાં આધારે રૂપિયા 120 કરોડની ખોટી વેરાશાખ ભોગવી હતી.

સ્ટેટ જીએસટી વિભાગ દ્વારા 3 વેપારીની ધરપકડ

સુરતમાં કોપર આઈટમ સાથે સંકળાયેલા 9 પેઢીનાં માલિકો દ્વારા બોગસ બિલનાં આધારે રૂપિયા 120 કરોડની ખોટી વેરાશાખ ભોગવી હોવાની માહિતી જીએસટી વિભાગનાં ધ્યાને આવતા સ્ટેટ જીએસટી વિભાગ દ્વારા 3 વેપારી કપીલ કોઠારી, ધર્મેશ કોઠારી તથા હિતેશ કોઠારી નામનાં વેપારીઓની ધરપકડ કરી છે.

સંકળાયેલા મુદ્દાઓ

Bogus Bills Raids arrests surat કોપર આઈટમ ધરપકડ વેપારીઓ સુરત સ્ટેટ જીએસટી રેડ surat