5 ફોટો ગેલેરી

તમારા કામનું / દિવાળી પહેલાં દરેક ખેડૂતને ₹5,000 આપવાની જાહેરાત, જાણો કયા રાજ્યની સરકારે કરી મોટી જાહેરાત

Last Updated: 04:41 PM, 14 October 2026

FOLLOW ON

શેર કરો

5000 Rupee For Farmers:મહારાષ્ટ્રના મુખ્યમંત્રી દેવેન્દ્ર ફડણવીસે એક મહત્વપૂર્ણ જાહેરાત કરતા જણાવ્યું છે કે સરકાર દિવાળી પહેલાં રાજ્યના ખેડૂતોને 5,000 રુપિયાની આર્થિક સહાય પૂરી પાડશે.

1/5

1. મહારાષ્ટ્ર સરકારે લીધો મોટો નિર્ણય

સરકારે મહારાષ્ટ્રના ખેડૂતો માટે પોતાની તિજોરીના દ્વાર ખોલી દીધા છે. મુખ્યમંત્રી દેવેન્દ્ર ફડણવીસે એક મહત્વપૂર્ણ જાહેરાત કરતા જણાવ્યું હતું કે રાજ્યના ખેડૂતોને 5 હજાર રુપિયાની વચગાળાની આર્થિક સહાય આપવાનો નિર્ણય લેવામાં આવ્યો છે. આ રકમ દિવાળી પહેલાં ચૂકવવામાં આવશે. મુખ્યમંત્રીના જણાવ્યા અનુસાર, રાજ્યને દુષ્કાળગ્રસ્ત જાહેર કર્યા બાદ અને દિવાળી પહેલાં કેન્દ્ર સરકાર પાસેથી સહાય મળવાની કોઈ અપેક્ષા ન હોવાને કારણે સરકારે આ નિર્ણય લીધો છે.

આ તસવીર શેર કરો

2/5

2. રાજ્ય સરકાર કરશે મદદ

ઉલ્લેખનીય છે કે, આ મહિનાની શરૂઆતમાં ગંભીર દુષ્કાળની સ્થિતિને ધ્યાનમાં રાખીને મહારાષ્ટ્ર સરકારે 34 જિલ્લાઓના 305 તાલુકાઓમાં દુષ્કાળ જાહેર કર્યો હતો. શરૂઆતમાં દુષ્કાળની જાહેરાતમાં 265 તાલુકાઓનો સમાવેશ થતો હતો, જે સંખ્યા બાદમાં વધારીને 305 કરવામાં આવી હતી; આમાં રાજ્યના લગભગ 75% વિસ્તારનો સમાવેશ થાય છે.

આ તસવીર શેર કરો

3/5

3. સરકારની જાહેરાત એક મોટી રાહત સમાન

આ દુષ્કાળ રાજ્યના તમામ છ મહેસૂલી વિભાગોમાં ફેલાયેલો છે અને ખાસ કરીને મરાઠાવાડા, વિદર્ભ, ઉત્તર મહારાષ્ટ્ર અને પુણે વિભાગોના અનેક જિલ્લાઓને અસર કરી રહ્યો છે. સરકાર આ પરિસ્થિતિનો સામનો કરી રહેલા ખેડૂતોને વિવિધ રાહત પગલાં પૂરા પાડી રહી છે, જેમ કે પાક લોનની વસૂલાત પર કામચલાઉ રોક, વીજળીના બિલમાં માફી, પાણી પુરવઠાની વ્યવસ્થા અને આર્થિક સહાય. આ દરમિયાન, દિવાળી પહેલાં ખેડૂતોને 5 હજાર રુપિયાની આર્થિક સહાય આપવાની મહારાષ્ટ્ર સરકારની જાહેરાત એક મોટી રાહત સમાન છે.

આ તસવીર શેર કરો

4/5

4. સીએમએ દુષ્કાળગ્રસ્ત ગામોની મુલાકાત લીધી

મુખ્યમંત્રી દેવેન્દ્ર ફડણવીસે ગયા સપ્ટેમ્બરમાં દુષ્કાળગ્રસ્ત ગામોની મુલાકાત લીધી હતી અને આ પરિસ્થિતિનો સામનો કરી રહેલા ખેડૂતો માટે તાત્કાલિક રાહતનાં પગલાંની જાહેરાત કરવા અંગે વાત કરી હતી. તેમણે સ્પષ્ટ કર્યું હતું કે રાજ્ય સરકાર કેન્દ્રની સહાયની રાહ જોશે નહીં અને અસરગ્રસ્ત વિસ્તારોના ખેડૂતોને તાત્કાલિક રાહત પૂરી પાડશે. 5000 રુપિયાની આર્થિક સહાયની જાહેરાત એ આ દિશામાં લેવાયેલું એક પગલું છે.

આ તસવીર શેર કરો

5/5

5. અન્ય રાહત ઉપાયોમાં શું શું થશે?

અહેવાલો અનુસાર, સરકાર મહારાષ્ટ્રના દુષ્કાળગ્રસ્ત વિસ્તારોમાં ખેડૂતોને અન્ય ઉપાયો દ્વારા પણ રાહત આપી શકે છે. આ રાહતનાં પગલાંમાં વીજળીના બિલ માફ કરવા, પાક લોનનું પુનર્ગઠન અને શાળાની ફીમાંથી મુક્તિનો સમાવેશ થાય છે. આ ઉપરાંત, વિવિધ પાકો માટે નિર્ધારિત ધોરણો મુજબ તેઓ પાકના નુકસાન બદલ વળતર મેળવવાને પણ પાત્ર છે. 22 સપ્ટેમ્બર સુધીના આંકડા પર આધારિત અહેવાલમાં જણાવાયું છે કે, 1 જૂનથી 21 સપ્ટેમ્બર દરમિયાન મહારાષ્ટ્રમાં સરેરાશ વરસાદના માત્ર 80.82% વરસાદ નોંધાયો હતો. 17 જિલ્લાઓમાં સામાન્ય વરસાદના 50-75% વરસાદ નોંધાયો હતો, જ્યારે અન્ય 14 જિલ્લાઓમાં 75-100% વરસાદ થયો હતો. સોલાપુર સૌથી વધુ પ્રભાવિત જિલ્લો હતો, જ્યાં સરેરાશ વરસાદના માત્ર 48.65% વરસાદ નોંધાયો હતો.

આ તસવીર શેર કરો

સંકળાયેલા મુદ્દાઓ

interim help before diwali maharashtra govt give 5000 rs to farmers