લોકડાઉનની વચ્ચે ગૃહિણીઓ માટે રાહતના સમાચાર છે. આજથી રસોઈ ગેસ સિલિન્ડરના ભાવમાં મોટો ઘટાડો કરવામાં આવ્યો છે
ગ્રાહકો માટે રાહતના સમાચાર
રસોઈ ગેસ સિલિન્ડરના ભાવમાં કરવામાં આવ્યો ઘટાડો
ગેસ સિલિન્ડરના ગ્રાહકોને આ મહિને મોટી રાહત મળી છે
એલપીજી ગેસ સિલિન્ડર ખરીદદારોને આ મહિને મોટી રાહત મળી છે. સરકારે સતત વધી રહેલાં સિલિન્ડરના ભાવથી રાહત આપી છે. જોકે, આ રાહત સામાન્ય લોકોને નહીં પરંતુ નાના દુકાનદારો અને હોટલના માલિકોને આપવામાં આવી છે. હકીકતમાં સરકારી પેટ્રોલિયમ કંપનીઓ દ્વારા આ મહિને એલપીજી સિલિન્ડરના ભાવમાં 45.50 રૂપિયાનો ઘટાડો કરવામાં આવ્યો છે. આ ઘટાડો ફક્ત 19 કિલોવાળા કોમર્શિયલ સિલિન્ડરમાં કરવામાં આવ્યો છે. 1 મેથી 19 કિલોના કોમર્શિયલ સિલિન્ડરના નવા દર અમલમાં આવ્યા છે.
આ છે નવા રેટ
14.2 કિલોવાળા ઘરેલુ સિલિન્ડરના ભાવમાં કોઈ ફેરફાર કરવામાં આવ્યો નથી. તમને જણાવી દઇએ કે ગત મહિને ઘરેલુ એલપીજી સિલિન્ડરના ભાવમાં 10 રૂપિયા ઘટાડો કરવામાં આવ્યો હતો. આજે દિલ્હીમાં એલપીજી સિલિન્ડરની કિંમત હવે 809 રૂપિયા છે. દિલ્હીમાં એલપીજી સિલિન્ડરની હાલની કિંમત 809 રૂપિયા છે. જ્યારે આ વર્ષે જાન્યુઆરીમાં એલપીજી સિલિન્ડરની કિંમત 694 રૂપિયા હતી, જે ફેબ્રુઆરીમાં વધીને 719 રૂપિયા કરી હતી. આ પછી 15 ફેબ્રુઆરીએ ભાવ વધીને 769 રૂપિયા થઈ ગયો. 25 ફેબ્રુઆરીએ એલપીજી સિલિન્ડરની કિંમત 794 રૂપિયા કરવામાં આવી હતી. સાથે જ માર્ચમાં એલપીજી સિલિન્ડરની કિંમત વધારીને 819 રૂપિયા કરવામાં આવી હતી.
દર મહિને કિંમતો બદલાતી રહે છે
ગયા વર્ષે ડિસેમ્બર -2020થી ઘરેલુ ગેસના ભાવમાં કોઈ ફેરફાર કરવામાં આવ્યો નથી. તે સમયે દિલ્હીમાં એલપીજી સિલિન્ડરની કિંમત 694 રૂપિયા હતી. આ પછી ઘરેલુ ગેસના ભાવમાં સતત વધારો થયો છે. આ મહિનામાં પણ એવી અપેક્ષા રાખવામાં આવી હતી કે ઓઇલ કંપનીઓ ફરીથી કિંમતોમાં ઘટાડો કરી શકે છે, પરંતુ એવું કંઈ થયું નહીં.