મહામંથન / જગતનો તાત વરસાદની રાહમાં, આગામી 10 દિવસમાં કેવું રહેશે ચોમાસું, કયા જિલ્લામાં ક્યારે પડશે વરસાદ?

વરસાદની સૌથી વધુ જરૂર ખેડૂતોને હોય છે, પરંતુ ચોમાસુ સત્તાવાર ક્યારે બેસશે તેની રાજ્યભરના લોકો રાહ જોતા હોય છે. બિપરજોય વાવાઝોડાના કારણે ગુજરાતમાં ચોમાસુ મોડુ આવ્યું છે. હાલમાં ખેડૂતો વાવણી કરવા માટે વરસાદની રાહ જોઈ રહ્યા છે. હજુ પણ હવામાન વિભાગ મુજબ રાજ્યમાં સત્તાવાર ચોમાસુ શરૂ થયુ નથી.. ત્યારે આગામી 10 દિવસમાં ગુજરાતમાં ચોમાસુ કેવુ રહેશે. ક્યા જિલ્લામાં ક્યારે વરસાદ થશે.

• આગામી 24 કલાકમાં ચોમાસુ સક્રિય થવાની સંભાવના
• ઉત્તર અને મધ્ય ગુજરાતમાં ભારેથી અતિભારે વરસાદની આગાહી
• વડોદરા, આણંદ,પંચમહાલ,ખેડા,અમદાવાદમાં વરસાદની આગાહી
• દક્ષિણ ગુજરાતના નવસારી, સુરત,ડાંગમાં વરસાદની સંભાવના

આગામી 24 કલાકમાં ચોમાસુ સક્રિય થવાની સંભાવના છે. ઉત્તર અને મધ્ય ગુજરાતમાં ભારેથી અતિભારે વરસાદની આગાહી છે.  વડોદરા, આણંદ,પંચમહાલ,ખેડા,અમદાવાદમાં વરસાદની આગાહી છે.  દક્ષિણ ગુજરાતના નવસારી, સુરત,ડાંગમાં વરસાદની સંભાવના છે.  ઉત્તર ગુજરાતના બનાસકાંઠા,સાબરકાંઠામાં વરસાદની આગાહી છે.  આવતીકાલથી રાજ્યભરમાં વરસાદ વધુ થાય તેવી શક્યતા છે.  27 જૂનથી 2 જલાઈ સુધી કેટલાક જિલ્લામાં ભારેથી અતિભારે વરસાદની આગાહી છે.  દક્ષિણ ગુજરાતમાં આ મહિનામાં 12 ઈંચ સુધી વરસાદની શક્યતા છે.  અરબ સાગરના ભેજના કારણે વરસાદ થાય તેવી શક્યતા છે.  નર્મદા નદીના વિસ્તારમા વરસાદના કારણે નર્મદા બે કાંઠે થઈ શકે છે.  દક્ષિણ ગુજરાતમાં તાપી નદીમાં જળસ્તર વધી શકે છે. 

• મહારાષ્ટ્રના ઘણા ભાગોમાં વરસાદનું આગમન થયુ છે
• 24થી 36 કલાકમાં દક્ષિણ ગુજરાતમાં સત્તાવાર બેસી શકે છે ચોમાસુ
• બંગાળની ખાડીમાં થયેલી સિસ્ટમ મધ્યપ્રદેશથી ગુજરાત તરફ આવશે

પરેશ ગોસ્વામી મુજબ ક્યારે બેસશે ચોમાસુ?
મહારાષ્ટ્રના ઘણા ભાગોમાં વરસાદનું આગમન થયુ છે.  24થી 36 કલાકમાં દક્ષિણ ગુજરાતમાં સત્તાવાર ચોમાસુ બેસી શકે છે. બંગાળની ખાડીમાં થયેલી સિસ્ટમ મધ્યપ્રદેશથી ગુજરાત તરફ આવશે. બંગાળની ખાડીમાં સર્જાયેલી સિસ્ટમના કારણે વરસાદની શરૂઆત છે.  મધ્ય અને દક્ષિણ ગુજરાતમાં વરસાદની શરૂઆત થઈ.  સૌરાષ્ટ્ર અને કચ્છમાં 2 દિવસ છૂટાછવાયો વરસાદ થાય તેવી સંભાવના છે.  રાજ્યભરમાં 26થી 30 જૂન સુધી સારા વરસાદની આગાહી છે.  મધ્ય અને દક્ષિણ ગુજરાતમાં અતિભારે વરસાદની આગાહી છે.