ગોલ્ડન બોયનું ઘર / VIDEO : આ રહ્યું નીરજ ચોપરાનું ઠેકાણું, શાહી મહેલ જેવા ઘરનો વીડિયો વાયરલ, કાર-બાઈકનું કલેક્શન

ભારતના ગોલ્ડન બોય નીરજ ચોપરાએ પેરિસ ઓલિમ્પિક જીતીને સિલ્વર મેડલ જીત્યો છે. નીરજને ભાલો ફેંકતો તો ઘણી વાર જોયો હશે પરંતુ આજે તમને નીરજના વૈભવી ઘરની મુલાકાત કરાવીએ. નીરજનું ઘર હરિયાણાના પાણીપતમાં આવેલું છે.

નીરજ પાસે કેવું ઘર, કેટલા વાહનો?

નીરજ ચોપરા એક આલીશાન ઘરનો માલિક છે. તેની પાસે કરોડો રૂપિયાના વાહનો છે, જેમાં લક્ઝરી કાર અને બાઇકનો સમાવેશ થાય છે. નીરજ ચોપરાનું ત્રણ માળનું ઘર ઘણું મોટું છે. તેના પ્રવેશ દ્વાર પર લખેલું છે, વસુધૈવ કુટુમ્બકમ, જેનો અર્થ થાય છે કે આ વિશ્વ એક પરિવાર છે. વીડિયોમાં જોઈ શકાય છે કે તેની પાસે કુલ પાંચ મોટા વાહનો છે, જેમાં રેન્જ રોવર સ્પોર્ટ, ફોર્ડ મસ્ટાંગ જીટી, ટોયોટા ફોર્ચ્યુનર, મહિન્દ્રા XUV700 અને મહિન્દ્રા થારનો સમાવેશ થાય છે. સાથે જ તેની પાસે અડધો ડઝન જેટલી બાઇક પણ છે. આ સિવાય તેની પાસે એક મોટું ટ્રેક્ટર પણ છે, જેના વડે તે કદાચ પોતાના ખેતરોમાં ખેડાણ કરે છે. ત્રણ માળના આલીશાન મકાન પર તમને ત્રિરંગાનો ધ્વજ લહેરાતો જોવા મળશે. ઘરમાં એક મોટું મંદિર પણ છે.

નીરજની નેટવર્થ 37 કરોડ

નીરજ ચોપરાની હાલની નેટવર્ક 37 કરોડથી વધુ છે. ટોક્યો ઓલિમ્પિકના ગોલ્ડ મેડલિસ્ટ નીરજ ચોપરાને તે સમયે ઈનામ તરીકે કરોડો રૂપિયા મળ્યા હતા. હરિયાણા સરકારે તેને 6 કરોડ રૂપિયા અને ચેન્નાઈ સુપર કિંગ્સે તેને 1 કરોડ રૂપિયાનું ઈનામ આપ્યું હતું. બીજી ઘણી કંપનીઓ અને લોકોએ તેને ઈનામ તરીકે મોટી રકમ આપી હતી અને હવે તે લગભગ 20 કંપનીઓનો બ્રાન્ડ એમ્બેસેડર બની ગયો છે, જ્યાંથી તે મોટી કમાણી કરે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ