VIDEO / લૉકડાઉનમાં પ્રકૃતિની સુંદરતા પરત ફરી, નર્મદાના ચોખ્ખા પાણીમાં પથ્થરો સુદ્ધાં દેખાય છે

• કોરોના વાયરસનો કહેર
• લોકડાઉનની હકારાત્મક અસર
• શુદ્ધ થઇ રહી છે નર્મદા નદી

લોકડાઉનના કારણે તમામ ધાર્મિક સ્થળો પણ બંધ કરવામાં આવ્યા છે. જેની એક હકારાત્મક અસર જોવા મળી છે. વર્ષોથી નર્મદા નદી પર પુજા સહિતની વિધિઓ કરવાના કારણે અને નદીમાં નહાવા સહિતની વિવિધ પ્રવૃત્તિઓના કારણે નદીમાં ગંદકી જોવા મળી રહી હતી. જો કે લોકડાઉનના કારણે હવે નર્મદા નદી સ્વચ્છ થઇ રહી છે. વિશ્વની સૌથી ઉંચી પ્રતિમા સ્ટેચ્યુ ઓફ યુનિટી પાસેના કેટલાક નર્મદા નદીના દ્રશ્યો સામે આવ્યા છે. જેમાં નર્મદા નદી સ્વચ્છ દેખાઇ રહી છે.

મધ્યપ્રદેશના અમર કંટકના મૈકલ પર્વતથી વહેતી નર્મદા મૈયા ગુજરાતમાં પ્રવેશતા નર્મદા બંધ પર અટકે છે અને ત્યાંથી તે ઉત્તર દિશા તરફ વહે છે એટલે ઉત્તરવાહિનીમાં નર્મદા સ્નાનનું અતિ મહત્વનું છે જે કેવડિયાથી 30 કિમી ચાંદોદ પોઇચા સુધી આખો પટ્ટ ઉત્તરવાહિની ગણાય છે જ્યાં અમાસ પૂનમ લાખોની સંખ્યામાં સ્નાન કરવા ભક્તો આવે છે. જો કે હાલ લોકડાઉનના કારણે તમામ વિધિઓ બંધ છે જેને લઇ નર્મદા નદીનું પાણી એકદમ શુદ્ધ થઇ ગયું છે.

બીજી તરફ અમદાવાદમાં હાલ કોરોનાના કારણે સ્થિતિ ગંભીર છે. લોકો ઘરમાં કેદ છે, બજારો બંધ છે, રસ્તાઓ સુમસામ છે છતાં અમદાવાદ ખુશ છે. કારણ કે, લોકડાઉનમાં બીજો કાંઈ ફરેફાર થયો કે નહીં તે તો નથી ખબર પરંતુ અમદાવાદનું વાતાવરણ ચોક્કસથી શુદ્ધ થઈ ચૂક્યું છે. હવા પ્રદૂષણની સાથે-સાથે ધ્વની પ્રદૂષણ ખતમ થઈ ગયું છે. જાણે અમદાવાદ એક નવી દુનિયામાં પ્રવેશી ચૂક્યું હોય. સાથે અમદાવાદમાંથી પસાર થતી સાબરમતી નદી પણ સ્વચ્છ થઇ રહી છે.