ઓટો / ટુ-વ્હીલર ખરીદવાનું હોય તો 22 સપ્ટેમ્બર સુધી રાહ જુઓ, થશે હજારો રૂપિયાની બચત

જો તમે આવનારા દિવસોમાં નવું ટુ-વ્હીલર ખરીદવાનું વિચારી રહ્યા છો, તો આ GST ઘટાડાથી તમને મોટો ફાયદો થવાનો છે. આ ઘટાડો 350 સીસી સુધીની ક્ષમતા ધરાવતા ટુ-વ્હીલર પર લાગુ થશે, એટલે કે લગભગ 98 ટકા ટુ-વ્હીલરની કિંમતોમાં ઘટાડો જોવા મળશે. 22 સપ્ટેમ્બર પછી ટૂ-વ્હીલર ખરીદીને તમે હજારો રૂપિયાની બચત કરી શકો છો.

TVS Jupiterની કિંમતમાં કેટલો ઘટાડો થશે?

ભારતમાં ટુ-વ્હીલર સેગમેન્ટમાં TVS Jupiter એક લોકપ્રિય સ્કૂટર છે. GSTના નવા દરની અસર આ સ્કૂટરની કિંમત પર પણ પડશે. ઈકોનોમિક ટાઈમ્સના રિપોર્ટ મુજબ, હાલમાં TVS Jupiterની એક્સ-શોરૂમ કિંમત 78,632 રૂપિયા (28 ટકા GST સાથે) છે. 22 સપ્ટેમ્બર, 2025થી 18 ટકા GST લાગુ થતાં આ સ્કૂટરની કિંમત ઘટીને આશરે 70,767 રૂપિયા થઈ શકે છે. આનાથી ગ્રાહકોને લગભગ 7,865 રૂપિયાની બચત થશે.

વધુ વાંચો: માર્કેટમાં નવું સ્કેમ આવ્યું, મેસેજની લિંક પર ક્લિક કરતા જ તમારું ખાતું ખાલીખમ

શા માટે છે આ નિર્ણય મહત્વપૂર્ણ?

ઓટો સેક્ટરને બૂસ્ટ

GST ઘટાડાથી ટુ-વ્હીલરની માંગમાં વધારો થશે, જે ઓટો ઉદ્યોગને નવી ગતિ આપશે.

ગ્રાહકોને ફાયદો

ઓછી કિંમતોના કારણે વધુ લોકો નવા ટુ-વ્હીલર ખરીદવા પ્રોત્સાહિત થશે.

દિવાળીની ખરીદીને પ્રોત્સાહન

તહેવારોની સીઝનમાં આ નિર્ણય ગ્રાહકોના ખિસ્સા પર રાહત આપશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ