ઓટો મોબાઇલ / દિવાળી ધમાકા! Kia Sonet પર થશે રૂ. 50,000ની બચત? જાણો ઑફર ક્યાં સુધી સિમિત

જો તમે આ દિવાળી પર નવી SUV ખરીદવાની તૈયારીમાં છો, તો તમારા માટે એક મોટી ખુશખબર છે. ઓટોમોબાઈલ માર્કેટમાં હાલ ભારે સ્પર્ધા ચાલી રહી છે અને ગ્રાહકોને આકર્ષવા માટે કંપનીઓ એક પછી એક ઓફર આપી રહી છે. હવે, દક્ષિણ કોરિયાની જાણીતી કંપની Kia Motors એ પણ પોતાની લોકપ્રિય કોમ્પેક્ટ SUV Kia Sonet પર વિશેષ દિવાળી ઓફર જાહેર કરી છે.

બમ્પર ડિસ્કાઉન્ટ

કિયા કંપની આ ઓક્ટોબર મહિનામાં Sonet SUV પર ₹50,000 સુધીનો બમ્પર ડિસ્કાઉન્ટ આપી રહી છે. આ ડિસ્કાઉન્ટમાં રોકડ છૂટ, એક્સચેન્જ બોનસ અને કોર્પોરેટ ડિસ્કાઉન્ટનો સમાવેશ થાય છે. જો કોઈ વ્યક્તિ પોતાની જૂની કાર એક્સચેન્જ કરે છે, તો તેને વધુ લાભ મળી શકે છે. ગ્રાહકો આ ઓફર વિશેની વધુ માહિતી પોતાની નજીકની કિયા ડીલરશીપ પરથી મેળવી શકે છે. ખાસ બાબત એ છે કે આ ઓફર ફક્ત ઓક્ટોબર 2025 સુધી જ માન્ય રહેશે, એટલે કે મર્યાદિત સમય માટે જ છે.

કિયા સોનેટની શક્તિ

હવે વાત કરીએ કિયા સોનેટની શક્તિ અને સુવિધાઓની. આ SUV ત્રણ અલગ અલગ એન્જિન વિકલ્પો સાથે આવે છે. પ્રથમ 1.0 લિટર ટર્બોચાર્જ્ડ પેટ્રોલ એન્જિન છે, જે 120bhp પાવર અને 172Nm ટોર્ક આપે છે. બીજું 1.2 લિટર નેચરલી એસ્પિરેટેડ પેટ્રોલ એન્જિન છે, જે 83bhp પાવર અને 115Nm ટોર્ક ઉત્પન્ન કરે છે. ત્રીજો વિકલ્પ 1.5 લિટર ડીઝલ એન્જિનનો છે, જે 116bhp પાવર અને 250Nm ટોર્ક આપે છે — જે લાંબી મુસાફરી માટે ઉત્તમ છે.

કિયા સોનેટની કિંમત

કિયા સોનેટની કિંમત ₹7.30 લાખ (એક્સ-શોરૂમ) થી શરૂ થાય છે અને ટોપ મોડલ માટે ₹14 લાખ સુધી જાય છે. આ SUVમાં 10.25 ઇંચ ટચસ્ક્રીન ઇન્ફોટેનમેન્ટ સિસ્ટમ, ડિજિટલ ડ્રાઇવર્સ ડિસ્પ્લે, ઓટોમેટિક ક્લાઇમેટ કંટ્રોલ, કનેક્ટેડ કાર ટેકનોલોજી અને સનરૂફ જેવી આધુનિક સુવિધાઓ ઉપલબ્ધ છે.

આ પણ વાંચો : કમાણી 2900 કરોડ, નેટવર્થ 33,00,000,000, ફિલ્મો પણ રેકોર્ડબ્રેક, જાણો ભારતના મોંઘા ડાયરેક્ટર વિશે

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે vtvgujarati.com આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતીને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી છે

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ