નેશનલ / પત્ની કેન્દ્ર સરકારમાં મિનિસ્ટર, અને પતિ SIR વિરૂદ્ધ જોડાશે વિરોધમાં, જુઓ કોણ છે પરાકલા પ્રભાકર?

અર્થશાસ્ત્રી પરાકલા પ્રભાકર 23 ઓક્ટોબર 2026ના રોજ મતદાર યાદીના ખાસ સઘન સુધારા (SIR) સામે રાષ્ટ્રવ્યાપી વિરોધમાં જોડાશે. પ્રભાકર કોકરોચ જનતા પાર્ટીના સ્થાપક અભિજીત દીપકે, અભિનેતા અને કાર્યકર પ્રકાશ રાજ, એઆઇએસએના અધ્યક્ષ નેહા બોરા અને ખેડૂત નેતા રાકેશ ટિકૈત સહિત અનેક અગ્રણી વ્યક્તિઓ સાથે સ્ટેજ પર જોવા મળશે.

તમને જણાવી દઇએ કે આ પ્રદર્શન "પીપલ અગેંસ્ટ એસઆઇઆર" નામના ગઠબંધન દ્વારા આયોજિત કરવામાં આવી રહ્યું છે. ગઠબંધન કહે છે કે તેઓ SIR પ્રક્રિયાને સંપૂર્ણપણે બંધ કરાવવા માંગે છે અને મુખ્ય ચૂંટણી કમિશનર જ્ઞાનેશ કુમારના રાજીનામાની માંગણી કરે છે. આયોજકોનો આરોપ છે કે એસઆઇઆર દ્વારા ઘણા લાયક મતદારોને મતદાર યાદીમાંથી હટાવી દેવાયા છે, જેનાથી તેઓ મતદાનના અધિકારથી વંચિત રહી શકે છે.

પ્રભાકરની સોશિયલ મીડિયા જાહેરાત

સોશિયલ મીડિયા પ્લેટફોર્મ એક્સ પર એક પોસ્ટમાં પ્રભાકરે લખ્યું, "દરેક શેરીમાં જંતર મંતર! શુક્રવાર, 23 ઓક્ટોબર 2026. લોકશાહી પુનઃસ્થાપિત કરવા માટે લોકોની માર્ચ. ચાલો પડકારનો સામનો કરીએ." તેમણે લોકોને લોકશાહી બચાવવા માટે રસ્તાઓ પર ઉતરવાની અપીલ કરી. જોકે વિરોધ પક્ષોના નેતાઓને પણ આ વિરોધમાં જોડાવા માટે આમંત્રણ આપવામાં આવ્યું છે, પરંતુ હજુ સુધી તેમની ભાગીદારીની કોઈ સત્તાવાર પુષ્ટિ કરવામાં આવી નથી.

આયોજકોએ "દરેક હાથમાં ત્રિરંગો, દરેક શેરીમાં જંતર મંતર" ના નારા હેઠળ દેશભરમાં પ્રદર્શન કરવાની અપીલ કરી છે. તેમનું કહેવું છે કે લોકોએ તેમના વિસ્તારોમાં જંતર મંતર જેવું વાતાવરણ બનાવવું જોઈએ અને લોકશાહીના રક્ષણ માટે અવાજ ઉઠાવવો જોઈએ.

આ પણ વાંચોઃ બોલીવૂડ / અમિતાભ બચ્ચન, અક્ષય કુમાર અને આમીર ખાન... ટાઈગર શ્રોફના શૂટર્સના નિશાન પર હતા આ સ્ટાર્સ

પત્નીના હોદ્દા છતાં ખુલ્લેઆમ ટીકા

પરાકલા પ્રભાકર તેમની પત્ની નિર્મલા સીતારમણ કેન્દ્ર સરકારમાં નાણામંત્રી હોવા છતાં કેન્દ્ર સરકારની ખુલ્લેઆમ ટીકા કરતા રહ્યા છે. તેમણે વારંવાર સરકારની આર્થિક નીતિઓ, શાસન શૈલી અને ચૂંટણી પ્રક્રિયાઓ પર સવાલ ઉઠાવ્યા છે. વર્ષ 2024 માં તેમણે ઇલેક્ટોરલ બોન્ડ વિવાદને વિશ્વના સૌથી મોટા ગોટાળામાનો એક ગણાવ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ