મનોરંજન / કમાણી 2900 કરોડ, નેટવર્થ 33,00,000,000, ફિલ્મો પણ રેકોર્ડબ્રેક, જાણો ભારતના મોંઘા ડાયરેક્ટર વિશે

આજે એક આવા ભારતીય ડિરેક્ટરનો જન્મ દિવસ છે કે જેમણે પોતાની કારકિર્દીમાં એવી ફિલ્મો બનાવી છે કે વર્ષો પછી પણ લોકોને આ ફિલ્મો જોવી એટલી જ પસંદ છે જેટલી ફિલ્મ રિલીઝ થઈ ત્યારે પસંદ આવી હતી. આ વ્યક્તિએ ક્યારેય વિચાર્યું પણ ન હતું કે તે કલા અને સિનેમાની દુનિયામાં પ્રવેશ કરશે, પરંતુ તેમનું નસીબ તેમને આ રસ્તા પર લઈ આવ્યું. તેમણે પોતાની કલ્પના અને સર્જનાત્મકતાથી દર્શકોને મોહિત કર્યા. તેમની ફિલ્મો તમામ ઉંમરના દર્શકોને આકર્ષિત કરે છે. તેઓ ફક્ત એક કલાકાર જ નહીં, પરંતુ હાલમાં સમયમાં એક બ્રાન્ડ બની ગયા છે.

View this post on Instagram

A post shared by SS Rajamouli (@ssrajamouli)

51 વર્ષના થયા આ ડિરેક્ટર

આજે પણ લોકો મોટા પડદા પર તેમની નવી ફિલ્મની રિલીઝની આતુરતાથી રાહ જુએ છે. આપણે વાત કરી રહ્યા છીએ, એસ.એસ. રાજામૌલીની, જેમનો જન્મ 10 ઓક્ટોબર 1973ના રોજ કર્ણાટકના હિરેકોટ્ટંકલમાં થયો. તેમનું આખું નામ કોડુરી શ્રીસૈલા શ્રી રાજામૌલી છે. તેમણે એલુરુમાં સી.આર. રેડ્ડી કોલેજ ઓફ એન્જિનિયરિંગમાં અભ્યાસ શરૂ કર્યો, પરંતુ વચ્ચેથી અભ્યાસ છોડી દીધો. તેમના પિતા, વી. વિજયેન્દ્ર પ્રસાદ, એક પ્રખ્યાત લેખક અને દિગ્દર્શક છે. પિતા પાસેથી તેમને ફિલ્મો અને વાર્તા કહેવા માટે પ્રેરણા મળી. રાજામૌલીએ તેમની કારકિર્દીની શરૂઆત ટીવી સિરિયલથી કરી હતી.

View this post on Instagram

A post shared by Baahubali (@baahubalimovie)

ટીવીથી ફિલ્મ સુધીની સફર

રાજામૌલીએ 28 વર્ષની ઉંમરે તેમની ફિલ્મી કારકિર્દીની શરૂઆત કરી. તેમણે 2001માં ફિલ્મ 'સ્ટુડન્ટ નંબર 1' થી દિગ્દર્શનની દુનિયામાં પ્રવેશ કર્યો. તેમણે ડિરેક્ટર તરીકે 12 ફીચર ફિલ્મો બનાવી છે, જે બધીએ બોક્સ ઓફિસ પર સારી કમાણી કરી છે. તેમણે ભારતીય સિનેમામાં CGI અને વિઝ્યુઅલ ઇફેક્ટ્સના ઉપયોગને નવી ઊંચાઈએ પહોંચાડ્યા.

કરોડોમાં કમાણી કરે છે રાજામૌલીની ફિલ્મો

આજના સમયમાં રાજામૌલીને ભારતના સૌથી મોંઘા દિગ્દર્શક માનવામાં આવે છે. તેઓ એક ફિલ્મ માટે લગભગ 100થી 200 કરોડ ફી લે છે, જેમાં પ્રોફિટ શેર અને રાઇટ્સ પણ સામેલ છે. તેમની ફિલ્મો જેમ કે બાહુબલી 2, RRR, અને મગધીરાએ બોક્સ ઓફિસ પર કમાણીના કેટલાય રેકોર્ડ્સ તોડયા અને બનાવ્યા છે. બાહુબલી 2 પહેલી ભારતીય ફિલ્મ હતી જેને 1800 કરોડ રૂપિયાથી વધુ કમાણી કરી હતી. તેમની ફિલ્મોને ગોલ્ડન ગ્લોબ, ક્રિટિક્સ ચોઇસ એવોર્ડ્સ, સેટર્ન એવોર્ડ્સ અને RRRના ગીત માટે ઓસ્કાર જેવા ઇન્ટરનેશનલ એવોર્ડસ પણ મળ્યા છે.

આ પણ વાંચો: 'હું મારી લડાઈ...', વર્કિંગ અવર્સ ડિબેટ પર દીપિકાનું જોરદાર રિએક્શન, મેલ એક્ટર્સને લઈ આ શું કહી દીધું?

કરોડોની સંપત્તિના માલિક છે રાજામૌલી

51 વર્ષીય રાજામૌલીનો પરિવાર પણ ફિલ્મ ઉદ્યોગ સાથે જોડાયેલો છે. તેમની પત્ની રામા રાજામૌલી કોસ્ચ્યુમ ડિઝાઇનર છે, અને તેમને બે બાળકો છે - દીકરો એસ.એસ. કાર્તિકેય અને દીકરી એસ.એસ. માયુખા. તેમના પિતા વી. વિજયેન્દ્ર પ્રસાદે ઘણી મોટી ફિલ્મો માટે વાર્તાઓ લખી છે. રાજામૌલીની ટોટલ નેટવર્થ વિશે વાત કરીએ તો આજે તેમની નેટવર્થ 330 કરોડ રૂપિયા હોવાનો અંદાજ છે. તેમની આગામી ફિલ્મ SSMB29 છે, જેમાં મહેશ બાબુને એક મિસ્ટીરિયસ એક્સપ્લોરરનું પાત્ર ભજવી રહ્યા છે અને ફિલ્મનું બજેટ 1,000 કરોડ રૂપિયાથી વધુ હોવાનું કહેવાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ