મનોરંજન / 'હું મારી લડાઈ...', વર્કિંગ અવર્સ ડિબેટ પર દીપિકાનું જોરદાર રિએક્શન, મેલ એક્ટર્સને લઈ આ શું કહી દીધું?

દીપિકા પાદુકોણ તાજેતરમાં ફિલ્મો સિવાય એક ડિમાન્ડને કારણે ભારે ચર્ચાઓમાં છે. છેલ્લા કેટલાક સમયથી તે પોતાના 8 કલાકની શિફ્ટવાળા નિવેદનને કારણે ચર્ચાઓમાં આવી ગઈ છે. દીપિકા થોડા સમય પહેલા જ સંદીપ વાંગા રેડ્ડીની "સ્પિરિટ" અને પ્રભાસ અભિનીત "કલ્કી 2898 એડી"ની સિક્વલથી બહાર થઈ ગઈ છે. હવે, તેણે વર્કિંગ અવરની ડિમાન્ડને લઈને પોતાનું મૌન તોડ્યું છે.

View this post on Instagram

A post shared by The Live Love Laugh Foundation (@tlllfoundation)

વિશ્વ માનસિક સ્વાસ્થ્ય દિવસના પ્રસંગે બોલિવૂડ અભિનેત્રી દીપિકા પાદુકોણ મધ્યપ્રદેશ પહોંચી, જ્યાં તેણે તેની સંસ્થા, "લીવ લવ લાફ" ની 10મી વર્ષગાંઠની ઉજવણી કરી. આ સંસ્થા દેશમાં માનસિક સ્વાસ્થ્ય માટે જાગૃતિ ફેલાવવામાં અને સમર્થન આપવામાં મહત્ત્વપૂર્ણ ભૂમિકા ભજવી રહી છે. અભિનેત્રી દીપિકા પાદુકોણ આ કાર્યક્રમમાં પોતાની સફર અને આ ફાઉન્ડેશનની અસર વિશે વાત કરી. તેની આ મુલાકાત માત્ર આ સંસ્થાની સિદ્ધિઓની ઉજવણી માટે નહીં પણ સાથે જ દેશમાં માનસિક સ્વાસ્થ્ય સાથે જોડાયેલા કલંકને તોડવાની તેની પ્રતિબદ્ધતા પણ દર્શાવે છે. જણાવી દઈએ કે દીપિકા પાદુકોણ છેલ્લા દસ વર્ષથી માનસિક સ્વાસ્થ્યને લઈને અવાજ ઉઠાવી રહી છે.

View this post on Instagram

A post shared by दीपिका पादुकोण (@deepikapadukone)

દીપિકાએ કહ્યું, "એક સ્ત્રી તરીકે, જો તે દબાણ અનુભવે છે કે કંઈક બીજું, તો એવું રહેવા દો. પરંતુ તે કોઈ રહસ્ય નથી કે ઘણા સુપરસ્ટાર, પુરુષ સુપરસ્ટાર પણ, ભારતીય ફિલ્મ ઉદ્યોગમાં વર્ષોથી 8 કલાક કામ કરી રહ્યા છે અને તે ક્યારેય ચર્ચામાં આવ્યું નથી." દીપિકાએ કહ્યું, "હું નામ લેવા અને મોટો મુદ્દો બનાવવા માંગતી નથી. પરંતુ તે જાણીતું છે કે પુરુષ કલાકારો ઘણા વર્ષોથી 8 કલાક કામ કરી રહ્યા છે. ઘણા લોકો સોમવારથી શુક્રવાર સુધી દિવસમાં 8 કલાક કામ કરે છે અને વિકેન્ડ પર કામ કરતા નથી."

જયારે તેને પૂછવામાં આવ્યું કે શું તેને ક્યારેય પણ પોતાના માટે યોગ્ય માંગ કરવાની કિંમત ચૂકવવી પડી? તે દીપિકાએ આનો એટલો શાનદાર જવાબ આપ્યો જે તેની સાદગી અને પ્રમાણિકતા બંને દર્શાવે છે. તેણે કહ્યું - "મેં આ ઘણા લેવલ પર કર્યું છે, મારા માટે આ કોઈ નવી વાત નથી. મને લાગે છે કે પેમેન્ટ જેવી વસ્તુઓના મામલે મને જે કશું પણ મળ્યું, મારે તેનો સામનો કરવો પડ્યો. મને નથી ખબર, આને શું કહું, પરંતુ હું હંમેશા પોતાની લડાઈ ચુપચાપ લડું છું. અને કોઈ વિચિત્ર કારણોસર કયારેક-ક્યારેક તે જાહેર થઈ જાય છે, જે મારી શૈલી નથી, ન તો હું આ રીતે ઉછરી છું. પરંતુ હા, મારી લડાઈઓ લડવી અને આને ચુપચાપ અને ગરિમા સાથે કરવી એ જ મારી રીત છે."

આ પણ વાંચો: ડીપ નેક ગાઉનમાં કરીના કપૂરનો હોટ અંદાજ, Photos જોતા જ ફેન્સ 'ક્લીન બોલ્ડ'!

દીપિકાના શબ્દો તેમની વ્યક્તિગત સફર દર્શાવે છે, સાથે જ ઇન્ડસ્ટ્રીમાં થઈ રહેલી વાતોને પણ ઉજાગર કરી, જ્યાં નિષ્પક્ષતા, સમાનતા અને સન્માનની ચર્ચાઓ થાય છે. પોતાના કામ અને શબ્દો દ્વારા દીપિકાએ ફરી એક વાર દર્શાવ્યું કે તાકાત હંમેશા અવાજ કરવામાં નથી હોતી પરંતુ ક્યારેક તે મૌન, સાદગી અને તમારા હેતુમાં પણ દેખાય છે. પોતાની ઓળખ પ્રમાણે, દીપિકા આજે પણ સરળતા, હિંમત અને પ્રામાણિકતા સાથે પોતાના લક્ષ્યોને આગળ ધપાવવાનું ચાલુ રાખે છે, પછી ભલે તે સ્ક્રીન પર હોય કે બહાર.

દીપિકા પાદુકોણનું આ યોગદાન માનસિક સ્વાસ્થ્ય પ્રત્યે જાગૃતિ વધારે છે, સાથે જ સમાજને એક વધુ સારી દિશામાં લઈ જવાની પ્રેરણા પણ આપે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ