ક્રાઈમ / અમદાવાદમાં અપહરણ કરી વેપારી પાસેથી 34 લાખની લૂંટ, ગાંધીનગર પાસે ફેંકી લૂંટારુઓ ફરાર

અમદાવાદમાં ઓઢવમાં લાખોની લૂંટનો બનાવ સામે આવ્યો છે. વેપારી પાસેથી રૂ 34 લાખ લૂંટ થઈ છે. કેતન પરીખ નામના શખ્સ બેંકમાંથી 34 લાખ લઈને એક્ટિવા પર પેઢીએ જઈ રહ્યા હતા ત્યારે રાજેન્દ્ર પાર્ક બ્રિજ પર બે અજાણ્યા શખ્સોએ તેમને આંતર્યા હતા અને બંને શખ્સોએ વેપારીને પોતાની ગાડીમાં બેસાડ્યા હતા અને તેમની પાસે 34 લાખ લઈને ફરાર થઈ ગયા હતા.

ગાંધીનગરના ધોળાકુવા પાસે ઉતારીને ફરાર

34 લાખની લૂંટ કર્યાં બાદ લૂંટારાઓએ કેતન પરીખને ગાંધીનગરના ધોળાકુવા પાસે ઉતારીને ફરાર થઈ ગયા હતા. બનાવ અંગે ઓઢવ પોલીસ સ્ટેશનમાં ફરિયાદ નોંધવાની તજવીજ શરૂ કરી.

વધુ વાંચો : સુસાઈડ નોટ લખી ભાવનગર ACB કોન્સ્ટેબલ ગુમ, મોબાઈલ-ચાવી મળ્યા, DYSP-PI પર ઊઘરાણીનો આક્ષેપ

ઉચ્ચ પોલીસ અધિકારીઓનો કાફલો ઘટના સ્થળે

ઉચ્ચ પોલીસ અધિકારીઓનો કાફલો ઘટના સ્થળે અને લૂંટારુઓએ અપનાવેલા રૂટ પર તૈનાત થઈ ગયો છે. ઓઢવ પોલીસે લૂંટ અને અપહરણનો ગુનો નોંધી નારોલ-નરોડા હાઇવે તથા ગાંધીનગર રોડ પરના સીસીટીવી ફૂટેજ અને વાહનના નંબરના આધારે આરોપીઓની શોધખોળ હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ