અનોખી ગિફ્ટ / VIDEO: રાજકોટમાં લગ્નમાં લીંબુનો હાર, તેલનો ડબ્બો જેવી ગિફ્ટ્સ લઈને આવ્યા ફ્રેન્ડ્સ, દુલ્હનનું રિએક્શન જોવા જેવું હતું

• રાજકોટના વારા પરિવારના લગ્નમાં મોંઘવારીની થીમ
• લગ્નમાં મોંઘવારી ઉપર કટાક્ષ કરતી ભેટ અપાઈ
• લગ્નમાં નવદંપતિને લીંબુનો હાર ભેટમાં અપાયો

રાજકોટમાં લગ્નમાં મોંઘવારીના દર્શન થયાનો વધુ એક દાખલો જોવા મળ્યો છે. રાજકોટના વારા પરિવારના લગ્નમાં મોંઘવારી ઉપર કટાક્ષ કરતી ભેટ અપાઇ છે. લગ્નમાં નવદંપતિને લીંબુનો હાર ભેટમાં અપાયો છે. ભેટમાં તેલનો ડબ્બો પણ આપવામાં આવ્યો છે. તો બીજી બાજુ પેટ્રોલના વધતા ભાવ સામે હળદર મિશ્રિત પાણીની ભેટ પણ અપાઈ છે.

રાજકોટમાં સિંગતેલ અને કપાસિયા તેલના ભાવમાં વધારો

મહત્વનું છે કે, રાજકોટમાં સિંગતેલ અને કપાસિયા તેલના ભાવમાં પણ સતત વધારો થઇ રહ્યો છે. ત્યારે રાજકોટમાં સિંગતેલના ડબ્બાનો ભાવ 2760 રૂપિયાએ પહોંચ્યો છે તો કપાસિયા તેલના ડબ્બાનો ભાવ 2700 રૂપિયાએ પહોંચ્યો છે. જ્યારે અન્ય તેલના ભાવ પણ 2500 રૂપિયાને પાર પહોંચ્યા છે.

વધતી મોંઘવારી સામાન્ય લોકોના ખિસ્સા ખાલી કરી રહી છે.ઈંધણ, શાકભાજી સહિત તમામ રોજીંદા જીવનમાં ઉપયોગી ચીજ વસ્તુઓ મોંઘી થઈ રહી છે ત્યારે રાજકોટના ધોરાજીમાં લગ્ન પ્રસંગે વરરાજાને ગિફ્ટ રૂપે મિઠાઈના બોક્સમાં લીંબુ આપતા મહેમાનો અને વરરાજાના ચેહરા પર હાસ્ય લહેરાયું હતુ.ગિફ્ટનો આપવાનો હેતુ કદાચ એ હશે કે લીંબુના ભાવ એટલા ઉંચા થયા છે.કે લીંબુ કોઈને મોંઘી ભેટ તરીકે પણ આપી શકાય.

ધોરાજીમાં પણ લગ્ન પ્રસંગે મીઠાઈના બોક્સમાં લીંબુનું બોક્સ વરરાજાને અપાયું

રાજકોટ જીલ્લાના ધોરાજીમાં લગ્ન પ્રસંગે છાબમા અને મીઠાઈના બોક્સમા રૂપિયા અને દર દાગીના તથા મીઠાઈની જગ્યાએ લીંબુનું બોક્સ વરરાજાને અપાયુ હતું કારણ કે લીંબુના વધતા જતા ભાવને કારણે અનોખી રીતે સૌ કોઈનું ધ્યાન ખેંચવા આ હળવો વિરોધ કરવામાં આવ્યો.

લીબુના ભાવમાં ખટાસ

દિવસે ને દિવસે દરેક ચીજ વસ્તુઓ ના ભાવો આસમાને પહોંચી ગયા છે પેટ્રોલ ડીઝલ ખાદ્ય પદાર્થ શાકભાજીના ભાવમાં અસહ્ય વધારો થઈ રહ્યો છે ત્યારે ધોરાજીના હિરપરા વિસ્તારમાં રહેતા મોણપરા ફેમિલીમાં દિકરાના લગ્ન હતા અને પીઠી કાર્યક્રમ હતો ત્યારે હાલ શાકભાજી તથા લીંબુના ભાવો આસમાને છે. લીંબુનો ભાવ બસો થી ત્રણ સો રૂપિયા થઈ ગયો છે ત્યારે મોણપરા ફેમીલાના સગા સંબંધીઓએ મીઠાઈ કે રૂપિયા કે દાગીનાની જગ્યાએ છાબ મા જગ્યાએ લીંબુ આપ્યા હતાં.