Home Loan / હોમ લોન સાથે ભરવા પડે છે ઘણા બધા ચાર્જ, તમે ઘર લેવાનું વિચારો છો જાણો વિગતે

દરેકની ઇચ્છા હોય છે કે તેનું પોતાનું એક ઘર હોય, ઘરનું ઘર. પરંતુ મોટાભાગના લોકો માટે ઘર ખરીદવું એ બહુ મોટી વાત હોય છે. સામાન્ય માણસ માટે ઘર તેના જીવનની સૌથી મોટી ખરીદી હોય છે. લોકો પાસે આટલી મોટી બચત હોતી નથી. આવી સ્થિતિમાં તેઓ હોમ લોનનો આશરો લે છે. લગભગ તમામ મોટી બેંકો અને ઘણી NBFC તેમના ગ્રાહકોને હોમ લોન ઓફર કરે છે. IRS નેગોશિયેટ કરતી વખતે ઘર ખરીદનારાઓએ ઘણી બધી બાબતોને ધ્યાનમાં રાખવાની હોય છે. જો તમે હોમ લોન લઈ રહ્યા છો, તો હોમ લોન સાથે સંકળાયેલા ચાર્જિસ વિશે ચોક્કસથી જાણી લો. 

અરજી ફી

હોમ લોન અરજીની પ્રક્રિયા કરવા માટે લેવામાં આવતી ફીને એપ્લિકેશન ફી અથવા અરજી ફી કહેવામાં આવે છે. તમને લોન મળે કે ન મળે, આ ફી લાગુ પડે છે. આ ફી રિફંડેબલ નથી હોતી. જો તમે બેંક અથવા NBFC ને લોન અરજી સબમિટ કરો છો અને પછી તમારો વિચાર બદલાઈ જાય છે, તો તમારી અરજી ફી વેડફાઈ જશે. તેથી, અરજી કરતા પહેલા, નક્કી કરી લો કે તમે કઈ બેંક અથવા NBFC પાસેથી લોન લેવા માંગો છો. તે લોનની અરજી સાથે એડવાન્સમાં લેવામાં આવે છે.

કમિટમેન્ટ ફી

જો લોનની પ્રક્રિયા અને મંજૂર થયા પછી ચોક્કસ સમય મર્યાદામાં લોન લેવામાં ન આવે તો કેટલીક બેંકો અથવા NBFCs કમિટમેન્ટ ફી વસૂલ કરે છે. આ એવી ફી છે જે અવિતરિત લોન પર વસૂલવામાં આવે છે. આ ફી સામાન્ય રીતે મંજૂર અને વિતરિત રકમ વચ્ચેના તફાવતની ટકાવારી તરીકે વસૂલવામાં આવે છે.

લીગલ ફી

બેંકો અથવા NBFC સામાન્ય રીતે મિલકતની કાનૂની સ્થિતિની તપાસ કરવા માટે બહારના વકીલોની નિમણૂક કરે છે. આ માટે વકીલો જે ફી લે છે તે નાણાકીય સંસ્થાઓ દ્વારા તેમના ગ્રાહકો પાસેથી લેવામાં આવે છે. પરંતુ, જો મિલકત પહેલેથી જ સંસ્થા દ્વારા કાયદેસર રીતે મંજૂર કરવામાં આવી હોય, તો આ ચાર્જ લાગુ પડતો નથી. તમારે સંસ્થા સાથે તપાસ કરવી જોઈએ કે તમે જે પ્રોજેક્ટમાં રોકાણ કરવા જઈ રહ્યા છો તે પહેલાથી જ મંજૂર થઈ ગયો છે કે કેમ. આ રીતે તમે લીગલ ફી બચાવી શકો છો.

પ્રીપેમેન્ટ પેનલ્ટી 

પ્રીપેમેન્ટનો અર્થ એ છે કે લોન ધારક લોનની મુદત પૂરી થાય તે પહેલાં સંપૂર્ણ અથવા બાકીની રકમ ચૂકવી નાખે છે. આના કારણે બેંકને વ્યાજ દરમાં નુકસાન થાય છે, તેથી આ નુકસાનને અમુક અંશે ભરપાઈ કરવા માટે, બેંકો દંડ લાદે છે. આ શુલ્ક અલગ-અલગ બેંકોમાં અલગ-અલગ હોય છે.

વધુ વાંચો: આ કંપની એક શેર પર આપશે 118 રૂપિયા ડિવિડન્ડ, જાણો ક્યારે છે રેકોર્ડ ડેટ

મોર્ટગેજ ડીડ ફી

આ ફી હોમ લોન પસંદ કરતી વખતે લેવામાં આવે છે. આ સામાન્ય રીતે હોમ લોનની ટકાવારી હોય છે અને લોન લેવા માટે ચૂકવવામાં આવતી કુલ ફીનો મોટો ભાગ બનાવે છે. કેટલીક સંસ્થાઓ હોમ લોન પ્રોડક્ટને વધુ આકર્ષક બનાવવા માટે આ ચાર્જને માફ કરી દે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો