સુરત / પોલીસ ધારે તો શું ન થઈ શકે? સિનિયર સીટીઝનને એવી મુસીબતમાંથી ઉગાર્યા કે સૌ કોઈના દિલજીતી લીધા

• સુરત પોલીની સિનિયર સિટિઝનને ન્યાય અપાવ્યો
• સિનિયર સિટિઝનને દુકાન અને ભાડું પરત અપાવ્યો
• રમણીકભાઈએ પોલીસ કમિશનરને અરજી કરી હતી

રાજ્ય સરકારે સમગ્ર રાજ્યના સિનિયર સિટીઝનોને કોઈ તકલીફ ન પડે અને ખાસ કરીને એકલા રહેતા સિનિયર સિટીઝનોને રાહત થાય તે માટે પોલીસ તંત્રને મદદરૂપ થવા માટે જણાવ્યું છે, આવી જ એક ઘટનાક્રમમાં સુરતની રાંદેર પોલીસે સિનિયર સિટીઝન ફેમિલીને મદદરૂપ થઈ એક મોટી આફતમાંથી બચાવી લીધું છે

સુરત પોલીની સિનિયર સિટિઝનને ન્યાય અપાવ્યો
જીવનના અંતિમ પડાવ પર પહોંચેલા આ સિનિયર સિટિઝન રમણભાઈ અને  તેમના પુત્ર આશિષભાઈ, આમ તો મુશ્કેલીઓ અને આ પરિવારને ખૂબ જૂનો નાતો છે. સુરત શહેરના રાંદેર રોડ અડાજણ પાટીયા પાસે કલ્પના સોસાયટીમાં રહેતા આ મહેતા પરિવાર આમ પણ ખૂબ મુશ્કેલીનો સામનો કરી રહ્યુ છે. રમણીકભાઈ મહેતાની ઉંમર 85 વર્ષ છે તેમના પત્નીની ઉંમર 80 વર્ષ છે ત્યારે એક પુત્ર છે જેની ઉંમર 60 વર્ષ કરતા વધુ છે. એક ફેમિલના આ તમામ સભ્યો સિનિયર સિટીઝન છે, તેમને આવકનો કોઈ સ્તોત્ર નથી પરંતુ તેમની પાસે પાસે મોકાના જગ્યામાં એક દુકાન હતી જે ભાડે આપી હતી. પરંતુ ભાડુઆતે માત્ર ત્રણ મહિનાની ડિપોઝિટ આપવા સિવાય ભાડું ચૂક્યું નહીં અને આ ફેમિલી મુશ્કેલીમાં મુકાઈ ગયું છે.

રમણીકભાઈએ પોલીસ કમિશનરને અરજી કરી હતી
આશીષભાઈના પિતા રમણીક મહેતા સરકારના સિંચાઈ વિભાગમાં નોકરી કરીને નિવૃત્ત થયેલા છે, રમણીકભાઈ મહેતાને થોડું પેન્શન મળે છે, પરંતુ તેનો મોટોભાગ પુત્રની સારવારમાં ખર્ચાય જાય છે. કારણ કે જે પુત્ર છે એને 1995 માં અકસ્માત થયો હતો ત્યારબાદ તે પથારીવસ છે. આ  સંજોગોમાં ભાડે આપેલી દુકાનનું ભાડું જ ન મળતાં આ ફેમિલિએ પોલીસની મદદ માગવી પડી આશિષભાઈન પિતા રમણીકભાઈએ આ મામલે પોલીસ કમિશનર અજય કુમાર સોમરને લેખિતમાં અરજી કરી છે. સુરત પોલીસ કમિશનરને કરવામાં આવેલી એક અરજીના આધારે રાંદેર પોલીસ છે તાબડતો એક્શનમાં આવીને સિનિયર સિટીઝનના પરિવારના હકના ભાડના નાણા પરત અપાવવામાં મદદ કરી હતી.

સિનિયર સિટિઝનને દુકાન અને ભાડું પરત અપાવ્યો
આમ સામાન્ય નાગરિકોને હવે પોલીસના માનવીય ચહેરાના દર્શન થઈ રહ્યા છે. આજે  રાજ્યમાં વ્યાજખોરો સામે ઝુંબેશ ચાલી રહી છે તેના કારણે અનેક પરિવારોને ન્યાયની આશા બંધાઈ છે, તેવા સમયે એક સિનિયર સિટિઝન પરિવારને ત્વરિત હેલ્પ કરીને પોલીસે નાગરિકોના દિલજીત લીધા છે.
પોલીસની આ માનવીય પહેલ અનેક નાગરિકોમાં વિશ્વાસનું સર્જન કરનારી છે. પોલીસે આ પ્રકારની મદદ કરીને એ પણ સંદેશો આપ્યો છે કે અપરાધીઓ સામે કડક હાથે કામ લેનારી પોલીસ સમય આવ્યે નિર્દોષ લોકોને ન્યાય અપાવાવનું પણ કામ કરી શકે છે.