ઇન્ડસ્ટ્રીમાં ખળભળાટ / તુનિષા બાદ વધુ એક અભિનેત્રીનું મોત: સરેઆમ કરી દેવાઇ હત્યા, કારણ જાણીને ચોંકી ઉઠશો

• અભિનેત્રી રિયા કુમારીની ગોળી મારીને કરાઈ હત્યા
• રિયા તેના પતિ સાથે કારમાં કરી રહી હતી ટ્રાવેલ
• તોફાની તત્વોએ અભિનેત્રીના પતિ સાથે લૂંટફાટનો પ્રયાસ કર્યો  

ઝારખંડની અભિનેત્રી રિયા કુમારીની ગોળી મારીને કરાઈ હત્યા

બાદમાં તોફાની તત્વોને રોકવા માટે રિયા વચ્ચે આવી ત્યારે ગુનેગારોએ તેના પર ગોળી મારી. અભિનેત્રી તુનિશા શર્માની આત્મહત્યાનો મામલો હજી શાંત પણ થયો નથી કે મનોરંજન ઈન્ડસ્ટ્રીમાંથી વધુ એક શોકિંગ સમાચાર સાંભળવા મળ્યાં છે. ઝારખંડની અભિનેત્રી રિયા કુમારીની ગોળી મારીને હત્યા કરવામાં આવી છે. રિયા કુમારી ઝારખંડના એક લોકલ સીરિયલ 'વહ ચલચિત્ર'ની અભિનેત્રી હતી. તે લોકપ્રિય યુટ્યુબર પણ હતી. 

કેવીરીતે થઇ દુર્ઘટના? 

આ ઘટના પશ્ચિમ બંગાળના હાઈવે પર ઘટી છે. રિયા કુમારી પોતાના પતિ પ્રકાશ કુમાર સાથે કારમાં ટ્રાવેલ કરી રહી હતી ત્યારે અચાનક અમુક તોફાની તત્વો તેના પતિને લૂંટવા લાગ્યા. અભિનેત્રીના પતિ સાથે લૂંટફાટ કરવાનો પ્રયાસ કર્યો ત્યારે તોફાની તત્વોને રોકવા માટે રિયા વચ્ચે આવી ત્યારે તોફાની તત્વોએ તેના પર ગોળી મારી. જેનાથી અભિનેત્રીનુ મોત થયુ. સુત્રો પરથી જાણવા મળ્યું છે કે રિયા કુમારીનો પરિવાર હાવડા થઇને કોલકત્તા જઇ રહ્યો હતો. કારમાં તેમના પતિ પ્રકાશ કુમાર અને અઢી વર્ષની પુત્રી હતી. 

તોફાની તત્વોએ લૂંટફાટ કરવાનો પ્રયાસ કર્યો હતો 

અભિનેત્રીના પતિ પ્રકાશ કુમાર કાર ચલાવી રહ્યાં હતા. બુધવારે સવારે 6 વાગ્યાની નજીક બગ્નાનના મહેશ ખેડા બ્રિજની નજીક કાર રોકતા અમુક તોફાની તત્વોએ તેમની સાથે લૂંટફાટ કરવાનો પ્રયાસ કર્યો. રિયાને રોકવાનો પ્રયાસ કર્યો તો તેના પર ફાયરિંગ કરવામાં આવી. ઘટના બાદ કોઈને પોતાની આસપાસ ના દેખતા તેમના પતિએ કાર ચલાવી રાજાપુર પોલીસ સ્ટેશન પહોંચી પિરતલ્લા પહોંચી સ્થાનિક પોલીસને આખી ઘટનાની જાણકારી આપી અને આ મામલે તપાસ શરૂ કરી દીધી છે.