કાર્યવાહી / વર્લ્ડકપ ફાઇનલમાં ટીમ ઇન્ડિયાની હાર પર જશ્ન મનાવવો ભારે પડ્યું, 7 કાશ્મીરી વિદ્યાર્થીઓની ધરપકડ

• શેર-એ-કાશ્મીર યુનિવર્સિટી 7 વિદ્યાર્થીઓની નાપાક હરકત
• ઓસ્ટ્રેલિયાની જીત બાદ પાકિસ્તાન ઝિંદાબાદના નારા લગાવ્યા
• ગેરકાનૂની પ્રવૃત્તિઓ એક્ટ હેઠળ ધરપકડ કરવામાં આવી

જમ્મુ અને કાશ્મીરના ગાંદરબલમાં શેર-એ-કાશ્મીર યુનિવર્સિટી ઓફ એગ્રીકલ્ચરલ સાયન્સ એન્ડ ટેક્નોલોજીના સાત કાશ્મીરી વિદ્યાર્થીઓની 19 નવેમ્બરે વર્લ્ડ કપમાં ઓસ્ટ્રેલિયાએ ભારતને હરાવ્યા બાદ પાકિસ્તાન ઝિંદાબાદના નારાઓ વચ્ચે ઉજવણી કરવા બદલ ધરપકડ કરવામાં આવી છે. ગેરકાનૂની પ્રવૃત્તિઓ એક્ટ હેઠળ ધરપકડ કરવામાં આવી છે. 

પોલીસે ઓળખ કરી
પોલીસે ધરપકડ કરાયેલા લોકોની ઓળખ તૌકીર ભટ, મોહસિન ફારૂક વાની, આસિફ ગુલઝાર વાર, ઓમર નઝીર ડાર, સૈયદ ખાલિદ બુખારી, સમીર રાશિદ મીર અને ઉબેદ અહેમદ તરીકે કરી છે. UAPA જમાનત કડક શરતો લાગુ કરવામાં આવે છે અને આ કાયદા હેઠળ પકડાયેલા શકમંદો માટે નીચલી અદાલતોમાંથી રાહત મેળવવી ઘણીવાર મુશ્કેલ હોય છે.

સટીક પુરાવાના આધારે UAPA લગાવ્યું
જમ્મુ અને કાશ્મીર પોલીસના વરિષ્ઠ અધિકારીઓએ આ કેસમાં સટીક પુરાવાના આધારે UAPA લાદવામાં આવ્યો હતો . ફરિયાદમાં બિન-કાશ્મીરી વિદ્યાર્થીએ આરોપ લગાવ્યો છે કે જોરથી ઉજવણી દરમિયાન જીવે જીવે પાકિસ્તાન જેવા સૂત્રોચ્ચાર અને ધમકીઓએ જમ્મુ અને કાશ્મીરની બહારથી આવતા અન્ય લોકોમાં ભય પેદા કર્યો હતો. ફરિયાદી કૃષિ યુનિવર્સિટીમાં વેટરનરી સાયન્સ અને પશુપાલન અભ્યાસક્રમનો અભ્યાસ કરે છે. જે વિદ્યાર્થીઓમાં મોટાભાગના જમ્મુ-કાશ્મીરના છે.

ફટાકડા ફોડ્યા !
ખાસ વાત એ છે કે,  ઓસ્ટ્રેલિયાની જીત બાદ શ્રીનગર શહેરના ઘણા વિસ્તારોમાં ઉજવણી પણ કરવામાં આવી હતી, જેમાં કેટલીક જગ્યાની ફટાકડાની તસવીરો પણ સોશિયલ મીડિયા પર પોસ્ટ કરવામાં આવી હતી.