શૉકિંગ ન્યૂઝ / આ ખરેખર ચમત્કાર જ છે! બાળકનું માથું ધડથી અલગ થઈ ગયું પણ ડૉક્ટરોએ ફરી જોડીને કર્યો કમાલ, મળી નવી જિંદગી

• ઈઝરાયેલમાં બની ચોંકાવનારી ઘટના
• અકસ્માતમાં બાળકનું  માંથું ગરદનથી થયું હતું અલગ
• ડોક્ટર્સે સર્જરી કરીને ફરી માંથું જોડી દીધું

ઈઝરાયેલનાં ડોક્ટર્સે હાલમાં એવું કંઈક કર્યું જેને દુનિયા ચમત્કાર કહી રહી છે. ડોક્ટર્સે એક એવા 12 વર્ષનાં છોકરાની અસામાન્ય અને જટિલ સર્જરી કરી છે જેનું માંથુ ગરદનથી અલગ થઈ ગયું હતું. ઈઝરાયેલનાં મીડિયા રિપોર્ટ અનુસાર આ છોકરો સાયકલ ચલાવતાં સમયે કાર સાથે અથડાયો હતો જેના લીધે તેનું માંથુ ગરદનથી અલગ થઈ ગયું હતું જેને ડોક્ટર્સે ફરી જોડી દીધું છે.

ઈમેરજન્સી સર્જરી કરવામાં આવી
રિપોર્ટ અનુસાર સુલેમાન હસન નામનાં 12 વર્ષીય બાળકનું કરોડરજ્જુનું હાડકું માથા બાજુની કરોડરજ્જુથી અલગ થઈ ગયું હતું. આ સ્થિતિને સાયન્સની ભાષામાં 'Bilateral Atlanto Occipital Joint Dislocation'  કહેવામાં આવે છે. અકસ્માત બાદ બાળકને ફ્લાઈટ મારફતે હાદાસાહ મેડિકલ સેંટર લઈ જવામાં આવ્યું જ્યાં તેની ઈમેરજન્સી સર્જરી કરવામાં આવી. ડોક્ટરો અનુસાર તેની ગરદનનો બેઝ સંપૂર્ણપણે અલગ થઈ ગયો હતો.

બચવાની 50% જ આશા હતી
ઓર્થોપેડિક સર્જન ડો.ઓહદ ઈનાવે મીડિયાને જણાવ્યું કે તેની સર્જરીમાં ઘણાં કલાકો લાગ્યાં અને ક્ષતિગ્રસ્ત ભાગમાં નવી પ્લેટ અને ફિક્સેશન લગાવવા પડ્યાં. તેમણે કહ્યું કે અમે અમારી નોલેજ અને ઓપરેટિંગ રૂમમાં હાજર આધુનિક ટેકનિકને લીધે બાળકનો જીવ બચાવી શક્યાં. સર્જનોએ કહ્યું કે બાળકને ઠીક કરવું એ ચમત્કાર જેવું જ હતું કારણકે તેના બચવાની સંભાવના માત્ર 50% હતી.

બાળક સંપૂર્ણપણે સામાન્ય અને સ્વસ્થ સ્થિતિમાં
આ સર્જરી ગયા મહિને કરવામાં આવી હતી પરંતુ ડોક્ટરોએ જૂલાઈ સુધી આ માહિતી સાર્વજનિક નહોતી કરી. હવે આ બાળકને હોસ્પિટલમાંથી રજા આપી દેવામાં આવી છે.  ડો. ઈનાવે જણાવ્યું કે'બાળકમાં કોઈ ન્યૂરોલોજિકલ ઊણપ કે મોટર ડિસફંક્શન નથી અને તે સામાન્યરૂપે કામ કરી રહ્યો છે. તે વગર કોઈ મદદ પોતાની રીતે ચાલી શકે છે, આ નાની વાત નથી.'