રનોનું વાવાઝોડું / VIDEO: 4,6,4,4... બાઉન્ડ્રી પર બાઉન્ડ્રી, ફિલ્ડર્સ હાંફી ગયા, રહાણેએ એક ઓવર કર્યા એટલા રન કે બની ગયો રેકૉર્ડ

• અજિંક્ય રહાણેને મુંબઈ ઈન્ડિયન્સ સામે રમાયેલી મેચમાં તક આપવામાં આવી
• રહાણેએ એક ઓવરમાં ચાર ચોગ્ગા ફટકાર્યા 
• એક ઓવરમાં તેને કુલ 23 રન બનાવ્યા હતા

અજિંક્ય રહાણે છેલ્લા કેટલાક સમયથી પોતાના ખરાબ ફોર્મના કારણે ટીમ ઈન્ડિયાની બહાર ચાલી રહ્યો છે પણ એવું લાગી રહ્યું છે કે કેપ્ટન મહેન્દ્ર સિંહ ધોનીએ પોતાની કારકિર્દી બચાવી લીધી છે. જણાવી દઈએ કે રવિવારે મુંબઈ ઈન્ડિયન્સ સામે રમાયેલી મેચમાં તક આપવામાં આવી હતી, જ્યાં તેને ખૂબ સારું પ્રદર્શન કર્યું હતું. તેની બેટિંગનો એક વીડિયો વાયરલ થઈ રહ્યો છે. જેમાં તેણે યુવા ફાસ્ટ બોલર અરશદ ખાનની એક ઓવરમાં ચાર ચોગ્ગા સહિત 23 રન ફટકાર્યા હતા. 

.@ajinkyarahane88 came out all guns blazing with the bat tonight in Mumbai and he becomes our 🔝 performer of the second innings of the #MIvCSK clash in the #TATAIPL 👏🏻👏🏻

A look at his batting summary 🔽 pic.twitter.com/ZZQ9iC0UfV

— IndianPremierLeague (@IPL) April 8, 2023

અજિંક્ય રહાણેએ એક ઓવરમાં ચાર ચોગ્ગા ફટકાર્યા 
રહાણે મેદાન પર આવતાની સાથે જ મેદાન પર સિક્સર અને ફોરનો વરસાદ કર્યો હતો. આ દરમિયાન તેણે પોતાની અડધી સદી પણ તોફાની રીતે પૂરી કરી હતી.  અજિંક્ય રહાણે એ ફાસ્ટ બોલર અરશદ ખાનનો ઓવરમાં આ કામ કર્યું હતું.  આ ફાસ્ટ બોલરના પહેલા બોલ પર સૌથી પહેલા સિક્સર ફટકારી હતી. આ પછી તેણે મેદાનની આસપાસ સતત ચાર ચોગ્ગા ફટકાર્યા હતા અને અંતે એક રન સાથે ઓવર સમાપ્ત કરી હતી. એટલે કે આ ઓવરમાં તેને કુલ 23 રન બનાવ્યા હતા. 

Fastest Fifty of IPL 2023 belongs to Ajinkya Rahane in just 19 balls. CSK CSK 🙌🔥#CSKvsMI #MIvsCSKpic.twitter.com/jvZHaGniG0

— ɅMɅN DUВΞY (@imAmanDubey) April 8, 2023

અજિંક્ય રહાણેએ ધમાકેદાર ઇનિંગ રમી 
બેટ્સમેન અજિંક્ય રહાણે મેદાન પર બેટિંગ કરવા આવ્યો  જે બાદ તેને ક્રીઝ પર આવતાની સાથે જ મુંબઈના બોલરો પર ભારી પડવાનું શરૂ કરી દીધું હતું. જણાવી દઈએ કે  ગઇકાલેની આ મેચમાં રહાણે એ IPL 2023ની સૌથી ઝડપી અડધી સદી માત્ર 19 બોલમાં ફટકારી હતી. રહાણેએ મેચમાં 27 બોલમાં 283ના સ્ટ્રાઈક રેટથી બેટિંગ કરતા 61 રનની ઈનિંગ રમી હતી જેમાં તેને 7 ચોગ્ગા અને 3 છગ્ગા માર્યા હતા.