બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / તમારા કામનું / એક ભૂલમાં પાનકાર્ડ બંધ થઇ ગયું? તો અપનાવો આ પ્રોસેસ, થઇ જશે ચાલુ
7 ફોટો ગેલેરી
Last Updated: 05:12 PM, 8 July 2026
FOLLOW ON
શેર કરો
1/7
શું તમે હજુ સુધી તમારું પાન કાર્ડ અને આધાર કાર્ડ આપસમાં લિંક નથી કર્યું? જો આ બેદરકારીના કારણે તમારો પરમેનન્ટ એકાઉન્ટ નંબર (PAN) નિષ્ક્રિય થઈ ગયો હોય, તો એ જાણી લો કે તમે નવું પાન કાર્ડ કઢાવી શકતા નથી. આવકવેરાના નિયમો અનુસાર, એક વ્યક્તિ માત્ર એક જ પાન કાર્ડ રાખવાનો અધિકાર ધરાવે છે. જોકે, ગભરાવાની કોઈ જરૂર નથી. તમે ઘરે બેઠા જ માત્ર 1,000 રૂપિયાની નિયત ફી ચૂકવીને ઓનલાઈન PAN-આધાર લિંક કરવાની પ્રક્રિયા પૂરી કરી શકો છો અને તમારા બંધ થઈ ગયેલા પાન કાર્ડને ફરીથી સક્રિય કરી શકો છો.
આ તસવીર શેર કરો
2/7
આજના સમયમાં આધાર કાર્ડ જ્યાં ઓળખનો સૌથી મહત્વનો દસ્તાવેજ છે, ત્યાં દરેક પ્રકારના નાણાકીય (Financial) વ્યવહારો માટે પાન કાર્ડ અનિવાર્ય છે. ઇનકમ ટેક્સ એક્ટ, 1961 ની કલમ 139AA હેઠળ, પાત્ર કરદાતાઓ માટે આ બંને દસ્તાવેજોને લિંક કરવાનું કાયદાકીય રીતે ફરજિયાત કરવામાં આવ્યું છે.
આ તસવીર શેર કરો
3/7
પાન કાર્ડ નિષ્ક્રિય થઈ જવાને કારણે માત્ર ટેક્સ સંબંધિત કાર્યો જ નહીં, પરંતુ તમામ મોટા નાણાકીય વ્યવહારો અટકી પડે છે. પાન કાર્ડ 'ઇનઓપરેટિવ' થવાથી કરદાતાઓનો આવકવેરા રિફંડ (Income Tax Refund) અટકી જાય છે અને વિલંબિત રિફંડ પર કોઈ વ્યાજ પણ મળતું નથી. આ ઉપરાંત, બેંકિંગ વ્યવહારોમાં ઉચ્ચ દરે ટીડીએસ અને ટીસીએસનો સામનો કરવો પડી શકે છે.
આ તસવીર શેર કરો
4/7
જે લોકો નવા પાન કાર્ડ માટે અરજી કરે છે, તેમની લિંકિંગ પ્રક્રિયા ઓટોમેટિક થઈ જાય છે. પરંતુ, જેમને 1 જુલાઈ 2017 કે તે પહેલાં પાન કાર્ડ ફાળવવામાં આવ્યું છે, તેમણે ઇનકમ ટેક્સના ઈ-ફાઈલિંગ પોર્ટલ પર જઈને આ કામ જાતે કરવું પડે છે. હવે તેની સત્તાવાર ડેડલાઈન પૂરી થઈ ગઈ હોવાથી, 1000 રૂપિયાનો વિલંબ શુલ્ક ચૂકવીને જ તેને એક્ટિવ કરી શકાય છે. આ નિયમ એવા કાર્ડ ધારકો પર પણ લાગુ થાય છે જેમણે શરૂઆતમાં આધાર એનરોલમેન્ટ આઈડીનો ઉપયોગ કરીને પાન મેળવ્યું હતું.
આ તસવીર શેર કરો
5/7
પાન-આધાર લિંક કરવા માટે તમારે પાન નંબર, આધાર નંબર અને આધાર સાથે રજિસ્ટર્ડ હોય તેવો મોબાઈલ નંબર જોઈશે, જેના પર વન ટાઈમ પાસવર્ડ (OTP) આવશે. આ કામ માટે ઈ-ફાઈલિંગ પોર્ટલ પર 1000 રૂપિયાની લેટ ફી ચૂકવવી પડશે.
આ તસવીર શેર કરો
6/7
ઇનકમ ટેક્સના ઈ-ફાઈલિંગ પોર્ટલ પર જાઓ અને 'Quick Links' સેક્શનમાં 'Link Aadhaar' વિકલ્પ પર ક્લિક કરો. તમારો પાન નંબર અને આધાર નંબર દાખલ કરીને વેરિફાય કરો. ત્યારબાદ e-Pay Tax ના માધ્યમથી 'Continue to Pay' નો ઓપ્શન પસંદ કરો. તમારા રજિસ્ટર્ડ મોબાઈલ નંબર પર આવેલો OTP દાખલ કરો, જેથી તમે પેમેન્ટ પેજ પર રીડાયરેક્ટ થશો. ચાલુ નાણાકીય વર્ષ પસંદ કરો અને 'Fee for delay in linking PAN-Aadhaar' વિકલ્પ પર ક્લિક કરો. તમારી અનુકૂળતા મુજબ ઓનલાઈન મોડથી 1000 રૂપિયાનું પેમેન્ટ પૂર્ણ કરો.
આ તસવીર શેર કરો
7/7
પેમેન્ટ સફળ થયા પછી, કરદાતાએ ફરીથી પોર્ટલ પર 'Link Aadhaar' પર ક્લિક કરવાનું રહેશે. ત્યાં પાન અને આધાર નંબર નાખી પેમેન્ટ વેરિફાય કરો અને OTP ઓથેન્ટિકેશન પૂરું કરીને વિનંતી સબમિટ કરો. તમારું એકાઉન્ટ લિંક થયું છે કે નહીં તે તપાસવા માટે ઈ-ફાઈલિંગ પોર્ટલ પર ઉપલબ્ધ 'Link Aadhaar Status' પર ક્લિક કરો. ત્યાં પાન અને આધાર નંબર દર્જ કરીને તમે તમારું લિંકિંગ સ્ટેટસ સરળતાથી જોઈ શકો છો.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
