અણધાર્યું મોત / VIDEO : કચરાં-પોતાએ જીવ લીધો, ભીની ફર્શ પર ચાલતાં ઊંધે માથે પટકાયો, હૃદયદ્રાવક વીડિયો વાયરલ

• પોતું મારેલા ભીના ફ્લોર પર ચાલવું પણ આપી શકે મોતને આમંત્રણ
• મધ્યપ્રદેશના ઈન્દોરની રેસ્ટોરન્ટમાં બની હૃદયદ્રાવક ઘટના
• ભીની ટાઈલ પર ચાલવા જતા લપસતાં કર્મચારીનું મોત 

કચરા-પોતા કરેલા ફ્લોર પર ચાલવું પણ ખતરાથી ખાલી નથી અને આવી રીતે ચાલવામાં ક્યારેક મોત પણ મળી શકે છે. માટે ફ્લોર સુકાઈ ગયા બાદ ચાલવું વધારે હિતાવહ છે. મધ્યપ્રદેશના ઇન્દોરથી એક ચોંકાવનારો મામલો સામે આવ્યો. અહીં એક રેસ્ટોરન્ટનો કર્મચારી પગ લપસી જવાને કારણે જમીન પર પટકાતા ગંભીર ઈજા પહોંચી હતી આથી તેને તાબડતોબ નજીકની હોસ્પિટલમાં લઈ જવામાં આવ્યો હતો. ત્યાંના ડોક્ટરોએ તેને મૃત જાહેર કર્યો હતો. આ ઘટનાના સીસીટીવી ફૂટેજ સોશિયલ મીડિયા પર વાયરલ થયા છે. આ જોઈને લોકો આશ્ચર્યચકિત થઈ ગયા છે.

इंदौर के एक रेस्टोरेंट में 18 साल का लड़का अपना काम कर रहा था, अचानक पैर फिसला युवक की मौत |#Indore pic.twitter.com/LtCOwOACTZ

— poonam singh (@Poonamsingh2015) September 11, 2023

રેસ્ટોરન્ટમાં ભીની ટાઈલે યુવાનનો લીધો જીવ 
ઈન્દોરની મિસ્ટર હોટલમાં કામ કરતો કર્મચારી રવિ શનિવારે રાત્રે લગભગ 11.00 વાગ્યે રેસ્ટોરન્ટ બંધ કરવા માટે સામાન હટાવી રહ્યો હતો. આ દરમિયાન એક ટેબલ હટાવતી વખતે તે ઊંઘા માથે પડ્યો હતો અને બેભાન થઈ ગયો હતો. કચરા-પોતા કર્યાં હોવાથી ફ્લોર ભીનો હતો અને તેની પર ચાલવાં જતા તે ઊંધા માથે લપસી પડ્યો હતો. 

મૃતક માતાપિતાનો એકનો એક પુત્ર 
પરિવારનો આરોપ છે કે રેસ્ટોરન્ટની પાસે બોમ્બે હોસ્પિટલ છે, પરંતુ મેનેજમેન્ટ તેને બીજી હોસ્પિટલમાં લઈ ગયા. જો તેને ત્યાં લઈ જવામાં આવ્યો હોત તો તેનો જીવ બચી જાત. રવિ તેના માતા-પિતાનો એકનો એક પુત્ર હતો. તેને ત્રણ બહેનો છે, જેમાંથી બેના લગ્ન થઈ ગયા છે. વિજયનગર પોલીસના જણાવ્યા મુજબ રવિ સ્કીમ નંબર 54માં આવેલી મિસ્ટર હોટેલમાં થોડા મહિનાથી કામ કરતો હતો. પોલીસ તેને અકસ્માત માની રહી છે. મૃતકના સાળા નરેન્દ્રએ જણાવ્યું કે, રેસ્ટોરન્ટ સંચાલકે પરિવારને જાણ કરી ત્યાં સુધીમાં રવિનું મોત થઈ ગયું હતું.