ભેટ / રેલવે મુસાફરો માટે મોટા સમાચાર, હવે મળશે 20 ટકા ડિસ્કાઉન્ટ, મોદી સરકારનું મોટું એલાન

તહેવારો દરમ્યાન મુસાફરોને વધુ સારી સુવિધાઓ પૂરી પાડવા માટે રેલવેએ 'રાઉન્ડ ટ્રીપ પેકેજ' યોજનાની જાહેરાત કરી છે. આ યોજના હેઠળ, જે મુસાફરો નિર્ધારિત સમય મર્યાદામાં તેમની પરત યાત્રા બુક કરાવશે તેમને પરત ટિકિટના મૂળ ભાડા પર 20% ડિસ્કાઉન્ટ મળશે.

આ યોજના ૧૪ ઓગસ્ટ ૨૦૨૫ થી શરૂ થશે. આ અંતર્ગત જવાની મુસાફરી માટે ટિકિટ ૧૩ ઓક્ટોબર ૨૦૨૫ થી ૨૬ ઓક્ટોબર ૨૦૨૫ ની વચ્ચેની તારીખ માટે બુક કરાવવાની રહેશે. આવવાની ટિકીટ એટલે કે રિટર્ન ટિકીટ ૧૭ નવેમ્બર ૨૦૨૫ થી ૧ ડિસેમ્બર ૨૦૨૫ ની વચ્ચેની તારીખ માટે કનેક્ટિંગ જર્ની ફિયર દ્વારા બુક કરાવવાની રહેશે.

આ યોજનામાં ડિસ્કાઉન્ટ ફક્ત ત્યારે જ મળશે જો બંને બાજુની ટિકિટ કન્ફર્મ હોય અને તે જ મુસાફરોના નામે હોય. રિટર્ન ટિકિટ બુક કરાવવા માટે એડવાન્સ રિઝર્વેશન સમયગાળો લાગુ થશે નહીં. રિટર્ન મુસાફરીના મૂળ ભાડા પર જ ડિસ્કાઉન્ટ આપવામાં આવશે.

આ પણ વાંચોઃ ભાડાની આવક લઈ રહેલા લોકો માટે મોટા સમાચાર, સરકાર કરી રહી છે આ કામ, સાવધાન!

રેલવેએ જણાવ્યું હતું કે આ યોજના હાલમાં પ્રાયોગિક ધોરણે લાગુ કરવામાં આવી છે, જેથી તહેવારો દરમિયાન બંને બાજુ ટ્રેનોનો વધુ સારી રીતે ઉપયોગ કરી શકાય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ