- ભારતીય નૌસેનામાં ઓફિસર બનવા માટે શાનદાર તક
- અધિકૃત વેબસાઈટ પરથી અરજી કરો અરજી
- 56,000 સુધીનો મળશે માસિક પગાર
જે યુવાઓ ભારતીય નૌસેનામાં ઓફિસર બનવા માંગતા હોય તે લોકો માટે એક શાનદાર તક છે. ભારતીય નૌસેનાએ એક્ઝીક્યુટીવ બ્રાંચમાં શોર્ટ સર્વિસ કમિશન હેઠળ અપરિણીત પુરુષ અને અપરિણીત મહિલા ઉમેદવાર માટે ભરતી બહાર પાડી છે. આ પોસ્ટ માટે અરજી પ્રક્રિયા શરૂ થઈ ગઈ છે. ઈચ્છુક અને પાત્રતા ધરાવનાર ઉમેદવાર ભારતીય નૌસેનાની અધિકૃત વેબસાઈટ પરથી અરજી કરી શકે છે.
આ ભરતી પ્રક્રિયા હેઠળ જે ઉમેદવારોની પસંદગી થાય તે તમામ ઉમેદવારને ઓફિસરના પદ પર નિયુક્ત કરવામાં આવશે. ભારતીય નૌસેના ભરતી 2024ની મદદથી કુલ 4 પોસ્ટ પર ભરતી કરવામાં આવી રહી છે. આ પોસ્ટ માટે 20 જાન્યુઆરીથી અરજી કરવાની શરૂઆત થઈ ગઈ છે, આ પોસ્ટ પર 4 ફેબ્રુઆરી સુધી અરજી કરી શકાશે. જો તમે પણ નૌસેના અધિકારી બનવા માંગો છો, તો તમારે આ તમામ માહિતી જાણવી જરૂરી છે.
ભારતીય નૌસેનામાં આ પોસ્ટ પર ભરતી-
ભારતીય નૌસેનામાં શોર્ટ સર્વિસ કમિશન હેઠળ અપરિણીત પુરુષ અને અપરિણીત મહિલા ઉમેદવાર માટે એક્ઝીક્યુટીવ બ્રાંચમાં ભરતી કરવામાં આવી રહી છે.
- SSC એક્ઝીક્યુટીવ (લીગલ)- 2 પોસ્ટ
- SSC એક્ઝીક્યુટીવ (સ્પોર્ટ્સ)- 2 પોસ્ટ
વયમર્યાદા અને પાત્રતા-
- SSC એક્ઝીક્યુટીવ (લીગલ)- જે ઉમેદવાર આ પોસ્ટ પર નોકરી મેળવવા માંગે છે, તે ઉમેદવારની ઉંમર 26 વર્ષથી વધુ ના હોવી જોઈએ. અરજી કરનાર ઉમેદવારે 55 ટકા સાથે લૉની ડિગ્રી મેળવેલી હોવી જોઈએ.
- SSC એક્ઝીક્યુટીવ (સ્પોર્ટ્સ)- જે ઉમેદવાર આ પોસ્ટ પર નોકરી મેળવવા માંગે છે, તે ઉમેદવારની ઉંમર 26 વર્ષથી વધુ ના હોવી જોઈએ. અરજી કરનાર ઉમેદવારે BE/B.techની ડિગ્રી મેળવેલી હોવી જોઈએ. ઉપરાંત નેશનલ ગેમ્સમાં એથ્લેટિક્સ, ફૂટબોલ, સ્વિમિંગ તથા અન્ય સ્પોર્ટ્સની ડિગ્રી હોવી જોઈએ.
વધુ વાંચો: 'એવું લાગ્યું કે જાણે મારો સમય પૂરો થઇ ગયો', અકસ્માત બાદ પ્રથમવાર ઋષભ પંતે સંભળાવી આપવિતી
પગારધોરણ- જે ઉમેદવારની આ પોસ્ટ પર ભરતી કરવામાં આવશે. તે ઉમેદવારને 7માં પગારપંચ અનુસાર માસિક 56,000નો પગાર આપવામાં આવશે.
