BIG NEWS / ગમે તેમ કરી તાત્કાલિક યુક્રેન છોડો: ભારતે ફરી જાહેર કરી એડવાઇઝરી, કોઈ નવા-જૂનીના એંધાણ?

• રશિયા અને યુક્રેન વચ્ચે દુશ્મનાવટ વધતા ભારતીય દૂતાવાસની એડવાઈઝરી જાહેર
• ભારતીય નાગરિકોને તાત્કાલિક યુક્રેન છોડી દેવાની આપી સલાહ
• એક અઠવાડિયાથી પણ ઓછા સમયમાં જારી કરી આ બીજી એડવાઈઝરી

યુક્રેનમાં રશિયા દ્વારા સતત હુમલા કરવામાં આવી રહ્યા છે.  આ વચ્ચે યુક્રેન સ્થિત ભારતીય દૂતાવાસે મંગળવારે એક નવી એડવાઈઝરી જારી કરી છે. જેમાં તમામ ભારતીય નાગરિકોને તાત્કાલિક દેશ છોડી દેવા માટે કહેવામાં આવ્યું છે. 

એક અઠવાડિયાથી પણ ઓછા સમયમાં આ બીજી એડવાઈઝરી જારી કરી
દૂતાવાસે રશિયા અને યુક્રેન વચ્ચે વધી રહેલી દુશ્મનાવટને ધ્યાનમાં રાખીને આ એડવાઈઝરી જારી કરી છે. યુક્રેનમાં બગડતી સુરક્ષા સ્થિતિ બાદ આ એડવાઈઝરી જારી કરવામાં આવી છે. તમને જણાવી દઈએ કે, દૂતાવાસે એક અઠવાડિયાથી પણ ઓછા સમયમાં આ બીજી એડવાઈઝરી જારી કરી છે.

Advisory for Indian Nationals@MEAIndia @DDNewslive @DDNational @PIB_India @IndianDiplomacy pic.twitter.com/bu4IIY1JNt

— India in Ukraine (@IndiainUkraine) October 19, 2022

 

તાત્કાલિક યુક્રેન છોડવાની આપી સલાહ
ભારતીય દૂતાવાસે કહ્યું, '19 ઓક્ટોબરના રોજ દૂતાવાસ દ્વારા જારી કરવામાં આવેલી એડવાઈઝરીના આગામી આદેશ હેઠળ, યુક્રેનમાં તમામ ભારતીય નાગરિકોને ઉપલબ્ધ માધ્યમો દ્વારા તાત્કાલિક યુક્રેન છોડવાની સલાહ આપવામાં આવે છે.'

Advisory to Indian Nationals in Ukraine@MEAIndia @DDNewslive @DDNational @PIB_India @IndianDiplomacy @eoiromania @IndiainPoland @IndiaInHungary @IndiaInSlovakia pic.twitter.com/kFR3qJKlJR

— India in Ukraine (@IndiainUkraine) October 25, 2022

કેટલાક ભારતીયો છોડી ચૂક્યા છે યુક્રેન
દૂતાવાસે કહ્યું કે, અગાઉની એડવાઈઝરીને અનુસરીને કેટલાક ભારતીય નાગરિકો યુક્રેન છોડી ચૂક્યા છે. દૂતાવાસે ભારતીય નાગરિકોને દેશમાંથી બહાર જવા માટે યુક્રેની સરહદ સુધીની મુસાફરી માટે કોઈપણ માર્ગદર્શન અથવા સહાયતા માટે તેમનો સંપર્ક કરવા જણાવ્યું છે.