અમેરિકામાં નવા રાષ્ટ્રપતિ જો બાઇડેનના શપથગ્રહણ બાદ આજે ભારતીય શેરબજારમાં ઐતિહાસિક ઉછાળો જોવા મળ્યો છે. જેમાં પહેલી વખત ભારતીય સેંસેક્સ 50 હજારની ઉપર પહોંચ્યોં છે. જ્યારે નિફ્ટીમાં 14,700ની ઉપર ખુલી જોવા મળી છે.
શેરબજારે રચ્યો નવો ઈતિહાસ
સેન્સેક્સ 50 હજારને પાર પહોંચ્યો
નિફ્ટીએ પણ 14 હજારની સપાટી વટાવી
શેરબજારમાં ગુરુવારે ઐતિહાસિક ઉછાળો જોવા મળ્યો છે. પહેલી વખત ભારતીય સેંસેક્સ 50 હજારના આંકડાને પાર જોવા મળ્યો છે. ગુરુવારે જ્યારે માર્કેટની શરુઆત થઇ ત્યારે સેન્સેક્સ 50 હજાર અને નિફ્ટી 14730 પોઇન્ટ સાથે ખુલેલું જોવા મળ્યું.
Sensex jumps 230.69 pts to cross 50,000-mark for first time; Nifty surges 72.95 pts to record 14,717.65
અમેરિકામાં જો બાઇડેને બુધવારે 46માં રાષ્ટ્રપતિ તરીકે શપથ લીધા. આ સાથે જ અમેરિકામાં બાઇડેન યુગનો પ્રારંભ થઇ ગયો છે. આ સત્તા પરિવર્તન પર દુનિયાની નજર હતી. બાઇડેનના આવાથી ટ્રમ્પની કેટલીક નીતિઓને પલટી નાંખવામાં આવી અને ઐતિહાસિક પગલુ લેવામાં આવ્યું છે. જેને લઇને ભારતીય રોકાણકારોમાં ઉત્સાહ જોવા મળ્યો.
બુધવારે પણ જોવા મળી હતી તેજી
આ સપ્તાહના ત્રીજા કારોબારી દિવસ એટલે કે બુધવારે પણ શેર બજાર ગ્રીન ઝોનમાં બંધ જોવા મળ્યું હતું. કારોબારની શરુઆત સેંસેક્સમાં 110 પોઇન્ટની તેજી સાથે 49,508,79 પર ખુલ્યુ અને સવારે 10 વાગ્યાની આસપાસ 209 પોઇન્ટના ઉછાળા સાથે 49,607 પર પહોંચ્યો હતું.
એ જ રીતે નેશનલ સ્ટોક એક્સચેંજની નીફ્ટી 17 પોઇન્ટની તેજી સાથે 14,538.30 પર ખુલી અને થોડા જ સમયમાં 14,592.40 સુધી પહોંચી ગયા. કારોબારમાં અંતમાં સેંસેક્સ 393.83 પોઇન્ટની તેજી સાથે 49,792.12 બંધ થયું. બીજ તરફ નિફ્ટી 123 પોઇન્ટની તેજી સાથે 14,644.70 પર બંધ થયો.
ક્યારે-ક્યારે તોડ્યો બજારે રેકોર્ડ?
માર્ચમાં નિચલા સ્તર પર પહોંચ્યા પછી 8 ઓક્ટોબરને સેંસેક્સ 40 હજારની પાર 40,182 પર પહોંચ્યો હતો
ત્યાર બાદ 5 નવેમ્બરના રોજ સેંસેક્સ 41,340 પર બંધ થયું
10 નવેમ્બરના રોજ ઇન્ટ્રા ડે ઇંડેક્સનો સ્તર 43,227 પર પહોંચ્યો
18 નવેમ્બરના રોજ 44,180ના સ્તર પર પહોંચ્યો
4 ડિસેમ્બરના રોજ 45,000નો આંકડો પાર કર્યો
11 ડિસેમ્બરે સેંસેક્સ 46 હજારની ઉપર 46,099ના સ્તર પર બંધ થયુ
14 ડિસેમ્બર 46.253.46 પોઇન્ટ પર બંધ થયું આ દરમિયાન નિફ્ટી 13558.15 પોઇન્ટ પર પોતાના સર્વોચ્ચ સપાટી પર પહોંચ્યું હતું.
28 ડિસેમ્બરે સેંસેક્સ ઉછળીને 47353 પર બંધ થયું હતું.
4 જાન્યુઆરીએ સેંસેક્સને નવો રેકોર્ડ બનાવ્યો અને પહેલી વખત 48,000ની ઉપર પહોંચ્યું
11 જાન્યુઆરીએ સેંસેક્સ 49,269.32ના સર્વોચ્ચ સ્તર પર બંધ થયો
21 જાન્યુઆરીના રોજ શેર બજાર ઉચ્ચત્તમ સ્તર પર ખુલ્યો, સેન્સેક્સ 223.17 પોઇન્ટના વધારા સાથે 50,015.29ના સ્તર પર ખુલ્યો. જ્યારે નિફ્ટીની શરુઆત 14,707.70ના સ્તર પર થઇ. આ પહેલી વખત સેંસેક્સ 50,000ના આંકડા ની ઉપર પહોંચ્યો.