Ind Vs Pak / મહિલા T20 World Cupમાં ભારત-પાકિસ્તાન મેચ બાદ ખેલાડીઓએ દિલ જીતી લીધું, કર્યું એવું કે બંને દેશમાં ભરપેટ વખાણ

• ભારત-પાકિસ્તાન મેચ બાદ બંને ટીમોના ખેલાડીઓએ કરી મુલાકાત
• બંને ટીમની મહિલા ખેલાડીઓએ કરી મોજમસ્તી
• ઑટોગ્રાફ કરવામાં આવેલી ટી-શર્ટ પણ એક્સચેન્જ કરી

ભારત-પાકિસ્તાનની મહિલા ખેલાડીઓએ મોજમસ્તી કરી

ટી20 વર્લ્ડ કપ 2023માં ભારતીય ટીમની શરૂઆત આક્રમક રહી છે. ભારતે રવિવારે આ મેચમાં પાકિસ્તાનને 7 વિકેટથી હરાવીને કમાલ કરી દીધી. જેમિમા રોડ્રિગેજની તોફાની અર્ધસદીના સથવારે ભારતે 150ના લક્ષ્યને પ્રાપ્ત કર્યુ. આ મેચ બાદ પાકિસ્તાન ક્રિકેટે એક વીડિયો શેર કર્યો છે, જેમાં બંને ટીમોના ખેલાડીઓ મોજમસ્તી કરી રહ્યાં છે. આ વીડિયોને સોશિયલ મીડિયામાં વધુ પસંદ કરાઈ રહ્યો છે. વીડિયોમાં જોઇ શકાય છે કે ભારત-પાકિસ્તાનની મહિલા ખેલાડીઓ મોજમસ્તી કરી રહી છે અને મેચ અંગે વાતચીત કરી રહી છે. વીડિયોમાં ભારતીય ટીમની કેપ્ટન હરમનપ્રીત કૌર, વાઈસ કેપ્ટન સ્મૃતિ મંધાના, સ્ટાર ખેલાડી શેફાલી વર્મા સહિત અન્ય ખેલાડીઓ દેખાઈ રહ્યાં છે. 

બંને ટીમોના ખેલાડીઓએ એકસાથે ગ્રુપ ફોટો ખેંચાવ્યો

બંને ટીમોના ખેલાડીઓએ એકસાથે ગ્રુપ ફોટો ખેંચાવ્યો. આ સાથે ઑટોગ્રાફ કરવામાં આવેલી ટી-શર્ટ પણ એક્સચેન્જ કરી. ભારત-પાકિસ્તાન વચ્ચે ઘણી ઓછી મેચ રમાય છે, પરંતુ આ મેચ બાદ આ પ્રકારના દ્રશ્યોએ સૌ કોઈનુ દિલ જીતી લીધુ. 

📸 A #SpiritOfCricket moment following the #T20WorldCup clash 🤝#BackOurGirls | #INDvPAK pic.twitter.com/jcI8OI2Cwg

— Pakistan Cricket (@TheRealPCB) February 13, 2023

છેલ્લે-છેલ્લે રોમાંચક થઇ હતી મેચ 

જો ટી20 વર્લ્ડ કપ 2023માં થયેલ મેચની વાત કરીએ તો પાકિસ્તાને અહીં પ્રથમ બેટીંગ કરીને 149 રન બનાવ્યાં હતા. પાકિસ્તાન તરફથી કેપ્ટન બિસ્માહ મારૂફે 68 રનની ઈનિંગ રમી હતી. જવાબમાં ટીમ ઈન્ડિયાએ માત્ર ત્રણ વિકેટ ગુમાવીને આ લક્ષ્યને પ્રાપ્ત કર્યુ. જો કે, મેચમાં વચ્ચે ભારતીય ટીમ નબળી પડી હતી. પરંતુ જેમિમા રોડ્રિગેજે તોફાની 53 રનની ઈનિંગ રમી. જેણે પાકિસ્તાનના સપનાને તોડી નાખ્યું. જેમિમાનો સાથ રિચા ઘોષે આપ્યો. જેણે માત્ર 20 બોલમાં 5 ચોગ્ગાની મદદથી 31 રન બનાવ્યાં. આ બંને ઈનિંગના કારણે ભારતીય ટીમે છેલ્લી 4 ઓવરમાં 41 રન બનાવ્યાં અને પાકિસ્તાનના મોંઢામાંથી જીતનો કોળીયો છીનવી લીધો.