IND vs ENG / રાજકોટ ટેસ્ટમાં આ ખેલાડીએ ટીમ ઈન્ડિયામાં કર્યું ડેબ્યૂ, ધ્રુસકે ધ્રુસકે રડી પડ્યા પિતા, ભાવુક કરી દે તેવો વીડિયો વાયરલ

• ભારત અને ઈંગ્લેન્ડ વચ્ચે ટેસ્ટ સીરિઝની ત્રીજી મેચ આજે રમાઈ રહી છે. 
• ત્રીજી ટેસ્ટમાં સરફરાઝ ખાન અને ધ્રુવ જુરેલને ડેબ્યૂ કેપ મળી હતી.
• સરફરાઝ ખાનના પિતા પુત્રની ગર્વની ક્ષણ જોઈને ભાવુક થયા હતા. 

ભારત અને ઈંગ્લેન્ડ (IND vs ENG) વચ્ચેની પાંચ મેચોની ટેસ્ટ સીરિઝની ત્રીજી મેચ આજે રમાઈ રહી છે. ઈંગ્લેન્ડ સામેની ત્રીજી, ચોથી અને પાંચમી ટેસ્ટ મેચ માટે જ્યારે ટીમ ઈન્ડિયાની જાહેરાત કરવામાં આવી ત્યારે શ્રેયસ અય્યરને ટીમમાંથી બહાર કરી દેવામાં આવ્યો હતો. તે જ દિવસે રાજકોટમાં રમાનારી ત્રીજી ટેસ્ટમાં સરફરાઝ ખાનનું ટેસ્ટ ડેબ્યૂ નિશ્ચિત હોવાનું પુષ્ટિ મળી હતી. 

Say hello to #TeamIndia's Test Debutants 👋

Congratulations Dhruv Jurel & Sarfaraz Khan 👏👏

Follow the match ▶️ https://t.co/FM0hVG5X8M#TeamIndia | #INDvENG | @IDFCFIRSTBank pic.twitter.com/OVPtvLXH0V

— BCCI (@BCCI) February 15, 2024

સરફરાઝ ખાને ફર્સ્ટ ક્લાસ ક્રિકેટમાં ધૂમ મચાવીને ટેસ્ટ ટીમમાં સ્થાન મેળવ્યું હતું પરંતુ તેને બીજી ટેસ્ટમાં તક મળી ન હતી. પણ આખરે રાહ પૂરી થઈ અને ઉત્તર પ્રદેશના વિકેટકીપર બેટ્સમેન ધ્રુવ જુરેલને ત્રીજી ટેસ્ટમાં સરફરાઝ ખાન સાથે ડેબ્યૂ કેપ મળી હતી. સરફરાઝ ખાનના પિતા સ્ટેડિયમમાં હાજર હતા અને આ દ્રશ્ય જોઈને તેઓ ભાવુક થઈ ગયા હતા. જેની તસવીરો અને વિડીયો હાલ વાયરલ થઈ રહ્યા છે. 

Sarfaraz Khan's father kissing the Indian cap of his son.

- He worked really hard so his son could play for India, finally the day is here. What a proud day for him! ❤️🇮🇳 pic.twitter.com/H4uDmSmaJy

— Mufaddal Vohra (@mufaddal_vohra) February 15, 2024

Goosebumps 🥹
Go well do well ❣️#SarfarazKhan pic.twitter.com/aPJINVyQFd

— 🔸Divyanshu🔸 (@ORANGUTANo_o) February 15, 2024

સરફરાઝ ખાનને ભૂતપૂર્વ ભારતીય લેગ સ્પિનર ​​અનિલ કુંબલેએ ટેસ્ટ કેપ આપી હતી. જેને લઈને તે સીધો તેના પિતા નૌશાદ ખાન પાસે ગયો. નૌશાદ ખાન અને સરફરાઝ ખાનની પત્ની મેચ માટે સ્ટેડિયમમાં હાજર હતા. તેના પિતાએ કેપને ચુંબન કર્યું અને રડવા લાગ્યા હતા. જે બાદ ત્રણેય એ કેપ સાથે પોતાનો ફોટો ક્લિક કરાવ્યો હતો. આ સાથે જ સરફરાઝ ખાનની પત્ની પણ આ ક્ષણની ખુશીમાં પોતાની લાગણીઓને કાબૂમાં રાખી શકી નહીં અને રડવા લાગી હતી. 

વધુ વાંચો: 'ઇંગ્લેન્ડને હરાવવું મુશ્કેલ નથી પરંતુ...', IND vs ENG ત્રીજી ટેસ્ટ મેચ પહેલા રવિન્દ્ર જાડેજાનું નિવેદન

નોંધનીય છે કે ભારતીય કેપ્ટન રોહિત શર્માએ ગુરુવારે અહીં ઇંગ્લેન્ડ સામેની ત્રીજી ટેસ્ટ ક્રિકેટ મેચમાં ટોસ જીતીને પ્રથમ બેટિંગ કરવાનો નિર્ણય કર્યો હતો. પાંચ મેચની સિરીઝ હાલમાં 1-1થી બરાબર છે. ઈંગ્લેન્ડના કેપ્ટન બેન સ્ટોક્સની આ 100મી ટેસ્ટ મેચ છે. ભારતે મિડલ ઓર્ડર બેટ્સમેન સરફરાઝ ખાન અને વિકેટકીપર બેટ્સમેન ધ્રુવ જુરેલને ડેબ્યૂ કરવાની તક આપી છે. ઈંગ્લેન્ડે સ્પિનર ​​શોએબ બશીરની જગ્યાએ માર્ક વૂડને ટીમમાં સામેલ કરવામાં આવ્યો છે.