Ind vs Ban / ક્રિકેટમાં હવે કોહલી જ કિંગ: સચિન તેડુલકરનો વર્લ્ડ રેકોર્ડ કર્યો ધ્વસ્ત, બન્યો 26 હજારી, સદીમાં હવે એક ડગલું દૂર

• ભારતીય ટીમના સ્ટાર બેટ્સમેન વિરાટ કોહલીએ ઈતિહાસ રચ્યો 
• આંતરરાષ્ટ્રીય ક્રિકેટમાં સૌથી ઝડપી 26000 રન બનાવનાર બેટ્સમેન 
• આ મામલે વિરાટ કોહલીએ સચિન તેંડુલકરને પાછળ છોડી દીધા

ભારતીય ટીમના સ્ટાર બેટ્સમેન વિરાટ કોહલીએ પુણેના એમસીએ સ્ટેડિયમમાં ઈતિહાસ રચ્યો છે. બાંગ્લાદેશ સામે વર્લ્ડ કપ 2023ની 17મી મેચમાં કિંગ કોહલીએ 103 રન બનાવ્યા હતા. કોહલીએ 77 રન બનાવતાની સાથે જ વર્લ્ડ રેકોર્ડ બનાવ્યો હતો. તમને જણાવી દઈએ કે વિરાટ કોહલી આંતરરાષ્ટ્રીય ક્રિકેટમાં સૌથી ઝડપી 26000 રન બનાવનાર બેટ્સમેન બની ગયો છે. આ મામલે તેણે સચિન તેંડુલકરને પાછળ છોડી દીધા છે. આ સિદ્ધિ મેળવનાર તે બીજો ભારતીય બેટ્સમેન બની ગયો છે. આ સમયગાળા દરમિયાન તેણે ક્રિકેટના ભગવાન સચિન તેંડુલકરનો રેકોર્ડ તોડ્યો હતો.

Another run-chase
Another fifty
Another milestone

King Kohli reaches 𝟮𝟲,𝟬𝟬𝟬 𝗶𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗿𝘂𝗻𝘀! 👑#CWC23 | #TeamIndia | #INDvBAN | #MenInBlue pic.twitter.com/DMkjgc88WT

— BCCI (@BCCI) October 19, 2023

 

511 મેચોની 567 ઇનિંગ્સમાં 26000 રન બનાવ્યા 

સચિન તેંડુલકર સિવાય ઈન્ટરનેશનલ ક્રિકેટમાં માત્ર બે જ ખેલાડી એવા છે જેમણે 26 હજાર રનનો આંકડો પાર કર્યો છે. રન મશાની કોહલીએ આંતરરાષ્ટ્રીય ક્રિકેટમાં તેની 511 મેચોની 567 ઇનિંગ્સમાં 106ના સ્ટ્રાઇક રેટ સાથે 26000 રન બનાવ્યા છે. તમને જણાવી દઈએ કે સચિન તેંડુલકરને આંતરરાષ્ટ્રીય ક્રિકેટમાં 26000 રન બનાવવા માટે કુલ 601 ઈનિંગ્સ રમી હતી.

𝙃𝙐𝙉𝘿𝙍𝙀𝘿!

Number 4⃣8⃣ in ODIs
Number 7⃣8⃣ in international cricket

Take a bow King Kohli 👑🙌#CWC23 | #TeamIndia | #INDvBAN | #MenInBlue pic.twitter.com/YN8XOrdETH

— BCCI (@BCCI) October 19, 2023

આંતરરાષ્ટ્રીય ક્રિકેટમાં સૌથી વધુ રન બનાવનાર બેટ્સમેન

1.સચિન તેંડુલકર – 664 મેચ – 34,357 રન

2. કુમાર સંગાકારા – 594 મેચ – 28,016 રન

3. રિકી પોન્ટિંગ- 560 મેચ - 27,483 રન

4. વિરાટ કોહલી- 511 મેચ - 26000* રન

5. મહેલા જયવર્ધન – 652 મેચ – 25,957 રન

Picture Perfect 📸💯#CWC23 | #TeamIndia | #INDvBAN | #MenInBlue pic.twitter.com/DDWo9uyAfo

— BCCI (@BCCI) October 19, 2023

કોહલી હજુ પણ સચિનથી 22 સદી દૂર 

આંતરરાષ્ટ્રીય ક્રિકેટમાં વિરાટ કોહલીની આ 78મી સદી છે. માસ્ટર બ્લાસ્ટર સચિન તેંડુલકરે તેની કારકિર્દી દરમિયાન કુલ 100 આંતરરાષ્ટ્રીય સદી ફટકારી હતી. આ મામલે વિરાટ કોહલી હજુ પણ સચિનથી 22 સદી દૂર છે. સચિને તેની ODI કરિયરમાં 49 સદી ફટકારી હતી. બીજી સદી ફટકારતા જ વિરાટ આ ફોર્મેટમાં ક્રિકેટના ભગવાન સમાન બની જશે.