ક્રિકેટ / ટીમ ઈન્ડિયાએ અઢી જ દિવસમાં ટેસ્ટ મેચ જીતી, જાડેજાએ તો દિલ જીતી લે તેવું પ્રદર્શન કર્યું, સીરિઝમાં ભારત 2-0થી આગળ

• ભારત vs ઓસ્ટ્રેલિયામાં ભારતે ફરી મેળવી જીત
• દિલ્હીમાં થયેલ ટેસ્ટની દ્વિતીય મેચમાં વિજય
• 6 વિકેટથી ઑસ્ટ્રેલિયાને આપી માત

બોર્ડર-ગાવસ્કર ટ્રોફી 2023ની બીજી ટેસ્ટ મેચમાં પણ ઑસ્ટ્રેલિયાને હારનો સામનો કરવો પડ્યો છે. દિલ્હીમાં રમવામાં આવેલી આ મેચમાં ભારતીય ટીમ 6 વિકેટથી જીતી ગયેલ છે. આ ટેસ્ટનાં બીજા દિવસે ઑસ્ટ્રેલિયાએ પોતાની સ્થિતિ મજબૂત તો કરી હતી પરંતુ ત્રીજા દિવસે પહેલો સેશન તેના માટે ઘણો ખરાબ સાબિત થયો છે. હવે ચાર મેચોની આ ટેસ્ટ સીરિઝમાં ભારતીય ટીમ 2-0થી લીડ કરી રહી છે. 

The Border-Gavaskar Trophy stays with India 🏆

The hosts go 2-0 up against with a comprehensive win in Delhi 👊#WTC23 | #INDvAUS | 📝 https://t.co/HS93GIyEwS pic.twitter.com/xI0xvh2vOm

— ICC (@ICC) February 19, 2023

અઢી જ દિવસમાં ટીમ ઈન્ડિયાએ ખેલ કર્યો ખતમ 
ત્રીજા દિવસની ટેસ્ટ મેચમાં ઓસ્ટ્રેલીયાએ 61 રન અને એક વિકેટના નુકસાન પર રમવાનું શરૂ કર્યું પણ પછી ભારતના બોલર્સની જાળમાં એવા ફસાયા કે 113 રને તો આખે આખી ટીમ જ પવેલીયન ભેગી થઈ ગઈ. ઓસ્ટ્રેલિયાના બીજા સેશનમાં એકલા રવીન્દ્ર જાડેજાએ જ 7 વિકેટ લીધી અને અશ્વિને 3 વિકેટ ખેરવી હતી, જ્યારે પહેલા સેશનમાં ઓસ્ટ્રેલીયાએ માંડ 52 રન બનાવ્યા હતા.

ભારતે કેવી કરી બેટિંગ? 
જાડેજા અને અશ્વિનની જોરદાર બોલિંગ કારણે ટીમ ઈન્ડિયાને માત્ર 115 રનનું જ લક્ષ્ય મળ્યું હતું. જોકે ટીમ ઈન્ડિયાની બેટિંગની શરૂઆત તો ખરાબ જ થઈ હતી, રાહુલ તો માત્ર એક જ રન બનાવી શક્યો. રોહિત શર્માએ સારી ઈનિંગ રમી પણ 31 રનમાં જ આઉટ થઈ ગયા. બાદમાં 21 પર વિરાટ કોહલી અને 12 રને શ્રેયસ અય્યર પણ ચાલતો થઈ ગયો. પૂજારાએ 31` રન જ્યારે KS ભરતે 23 રન મારીને ભારતને જીત અપાવી હતી.