IND vs AFG / હાર્દિક અને સૂર્યા ઘાયલ, સ્વસ્થ નહીં થાય તો કોણ કરશે T20માં ટીમની કેપ્ટનશીપ? કોનું પલડું ભારે?

• ટીમ ઈન્ડિયા અફઘાનિસ્તાન સામે ત્રણ મેચની ટી20 સીરિઝ રમશે. 
• અફઘાનિસ્તાન સામે ભારતીય ટીમનું નેતૃત્વ કોણ કરશે?
• શું રોહિત શર્મા બનશે અફઘાનિસ્તાન સામેની ટી20 સિરીઝના કેપ્ટન? 

સાઉથ આફ્રિકા સામે ટી20, વનડે અને ટેસ્ટ સીરિઝ રમીને ટીમ ઈન્ડિયા હાલ ભારત પાછી ફરી છે. હવે ટીમ ઈન્ડિયા અફઘાનિસ્તાન સામે ત્રણ મેચની ટી20 સીરિઝ રમશે અને એ બાદ ઈંગ્લેન્ડ સામે પાંચ મેચની ટેસ્ટ સીરિઝ રમશે. ભારત-અફઘાનિસ્તાન વચ્ચે ટી20 સીરિઝ 11 જાન્યુઆરીથી શરૂ થશે તો  ઈંગ્લેન્ડ સામેની ટેસ્ટ સીરિઝ 25 જાન્યુઆરીથી રમવામાં આવશે. 

🗣️🗣️ We can take a lot of pride from this series.#TeamIndia Captain Rohit Sharma talks about the importance of bouncing back hard and winning their first ever Test in Cape Town 👌👌#SAvIND | @ImRo45 pic.twitter.com/JFB5wr27xs

— BCCI (@BCCI) January 4, 2024

અફઘાનિસ્તાન સામે ભારતીય ટીમનું નેતૃત્વ કોણ કરશે?
હવે દરેક ક્રિકેટ ફેન્સના મનમાં સૌથી મોટો પ્રશ્ન એ છે કે અફઘાનિસ્તાન સામે ભારતીય ટીમનું નેતૃત્વ કોણ કરશે? કારણ કે હાર્દિક પંડ્યા અને સૂર્યકુમાર યાદવ ઈજાગ્રસ્ત છે. તેથી તે બંને અફઘાનિસ્તાન સામે રમે તેવી શક્યતા ઓછી છે. આ બંને ખેલાડીઓની ગેરહાજરીએ ટીમ સિલેક્ટર્સ માટે મૂંઝવણ ઊભી કરી છે. 

આગામી પાંચ મહિના ખૂબ જ મહત્વપૂર્ણ
સિલેક્ટર્સ માટે આગામી પાંચ મહિના ખૂબ જ મહત્વપૂર્ણ છે, કારણ કે ટીમ ઈન્ડિયાએ ટી20 વર્લ્ડ કપ પણ રમવાનો છે. આવી સ્થિતિમાં હવે અફઘાનિસ્તાન સામેની મેચમાં ટીમ ઈન્ડિયાની ટી20 કમાન કોને સોંપે એ નિર્ણય ખૂબ મહત્વનો છે. સિલેક્ટર્સ ભવિષ્યને ધ્યાનમાં રાખીને કોઈ યુવા ખેલાડી ભારત પર દાવ લગાવે છે કે ફરી ટીમ ઈન્ડિયાના રેગ્યુલર કેપ્ટન રોહિત શર્માને કેપ્ટનશિપ સોંપે છે.  

Any changes you would like to see in the Squad? 🤔#INDvsAFG #IndianCricketTeam #T20Is #BCCI #RohitSharma #CricketTwitter pic.twitter.com/XJnSUtNBFY

— InsideSport (@InsideSportIND) January 5, 2024

શું રોહિત શર્મા બનશે ટી20 સિરીઝના કેપ્ટન? 
મળતી માહિતી મુજબ, આ નિર્ણય પસંદગીકારો માટે ખૂબ જ પડકારજનક સાબિત થવાનો છે, કારણ કે રોહિત શર્મા અને વિરાટ કોહલી પહેલા જ બોર્ડને કહી ચૂક્યા છે કે તેઓ T20 સીરિઝમાં હાજર રહેશે નહીં. બંને દિગ્ગજ બેટ્સમેનોએ 2022માં વર્લ્ડ કપ પછી એક પણ T20 ઈન્ટરનેશનલ મેચ રમી નથી. જો રોહિત અફઘાનિસ્તાન સામે વાપસી કરશે તો ટીમ ઈન્ડિયા ચોક્કસપણે તેની કેપ્ટનશીપમાં રમશે પરંતુ રોહિતના પુનરાગમનની શક્યતાઓ નહિવત છે.

વધુ વાંચો: અટકળોનો અંત...! આ સ્ટાર ખેલાડી કરશે T20 વર્લ્ડકપમાં ભારતની કેપ્ટનશીપ, લાંબા સમય બાદ કરશે કમબેક

જો રોહિત શર્મા ટી20માં પાછા નહીં ફરે તો શુભમન ગિલ, રવિન્દ્ર જાડેજા અને શ્રેયસ ઐયરના નામ પર વિચાર કરવામાં આવી શકે છે. છેલ્લા T20 વર્લ્ડ કપ બાદથી હાર્દિક પંડ્યાએ મોટાભાગની મેચોમાં ટીમ ઈન્ડિયાની કેપ્ટનશીપ કરી છે. T20 વર્લ્ડ કપ 2022 થી ભારતીય ટીમે કુલ 26 મેચ રમી છે. આ સમયગાળા દરમિયાન સિલેક્ટર્સ 3 વખત કેપ્ટન બદલ્યા.

T20 વર્લ્ડ કપ બાદ હાર્દિક પંડ્યાને કેપ્ટન બનાવવામાં આવ્યો હતો, જસપ્રીત બુમરાહને આયર્લેન્ડ પ્રવાસ પર કેપ્ટનશિપ આપવામાં આવી હતી. ત્યારપછી એશિયન ગેમ્સમાં ઋતુરાજ ગાયકવાડ કેપ્ટન હતા, જ્યારે સૂર્યકુમાર યાદવને ઓસ્ટ્રેલિયા અને સાઉથ આફ્રિકા સામેની સીરિઝ માટે કમાન સોંપવામાં આવી હતી.