ખાખી પર ડાઘ / ચાર પોલીસકર્મીઓ જુગાર રમતા ઝડપાતા મચી ઉઠ્યો હડકંપ, તાબડતોબ તેમની સામે કરવામાં આવી આ કાર્યવાહી

• મધ્યપ્રદેશમાં ચાર પોલીસકર્મી જુગાર રમતા ઝડપાયા 
• ચાર પોલીસ કર્મીઓમાં એક સબ ઈન્સપેક્ટર પણ શામેલ 
• પોલીસ કર્મીઓ જુગાર રમતા ઝડપાતા ઉઠ્યા ગંભીર સવાલો 

મધ્યપ્રદેશના હોશંગાબાગ જિલ્લામાં 4 પોલીસ કર્મીઓ જુગાર રમતા ઝડપાયા છે. જેથી તે તમામ પોલીસ કર્મીઓને સસ્પેન્ડ કરવામાં આવ્યા છે. જેમા એક કોન્સેટેબલને પણ સસ્પેન્ડ કરવામાં આવ્યો હોવાની માહિતી સામે આવી છે. ત્રણેય પોલીસ કર્મચારીઓ પોલીસ પ્રશિક્ષણ સ્કૂલમાં હતા. જોકે હાલ ત્રણેયને તેમની કરતૂતને કારણે સસ્પેન્ડ થવાનો વારો આવ્યો છે.

હોટલમાં 10 લોકો જુગાર રમતા હતા 

સમગ્ર મામલે સ્થાનિક પોલીસે જણાવ્યું કે એક સબ ઈન્સપેક્ટર, એક કોન્સ્ટેબલ અને અન્ય એક પોલીસ કર્મી જુગાર રમતા ઝડપાયા છે. સાથેજલ તેમણે કહ્યું કે હોટલના રૂમમાં કુલ 10 લોકો જુગાર રમી રહ્યા હતા. જે પૈકી ચાર પોલીસ કર્મીઓ હતા. 

અઠવાડિયા પહેલા એક કોન્સ્ટેબલ જુગાર રમતા ઝડપાયો હતો 

ઉપરાંત સ્થાનિક પોલીસે કહ્યું કે અગાઉ એક અઠવાડિયા પહેલા પણ જુગાર રમતા ઝડપાયો હતો જેથી તેને પહેલાથી સસ્પેન્ડ કરી દેવામાં આવ્યો હતો. જોકે જે ચાર પોલીસ કર્મીઓ જુગાર રમતા ઝડપાયા છે. તેમા તે કોન્સ્ટેબલ પણ શામેલ હતો કે જેને અગાઉ જુગાર રમવાને કારણે પહેલાથી સસ્પેન્ડ કરી દેવામાં આવ્યો હતો.

સમગ્ર મુદ્દો બન્યો ચર્ચાનું કેન્દ્ર 

ઉલ્લેખનીય છે કે ચાર  પોલીસ કર્મચારીઓ જુગાર રમતા ઝડપાયા હોવાને કારણે આ મુદ્દો હાલ ચર્ચાનું કેન્દ્ર બન્યો છે. ત્રણેય પોલીસ કર્મીઓ સામે ગુનો નોંધીને તેમની સામે કાયદેસરની કાર્યવાહી કરવામાં આવી રહી છે. જોકે કાયદાનું પાલન કરવાનારાએજ અહીયા કાયદાના ધજાગરા ઉડાવ્યા છે. જેના કારણે ઘણા સવાલો ઉભા થઈ રહ્યા છે.