- બિપરજોય વાવાઝોડાને અંગે AMC એલર્ટ
- અટલ બ્રિજ અને સાબરમતી રિવરફ્રન્ટ બંધ
- વાવાઝોડાને લઇ 2 દિવસ બંધ રહશે
બિપોરજોય વાવાઝોડાને અંગે AMC દ્વારા તકેદારીના પગલાં લેવામાં આવ્યાં છે. સંભવિત વાવાઝોડાને પગલે 15 અને 16 જૂન બે દિવસ અટલ બ્રિજ અને સાબરમતી રિવરફ્રન્ટનો લોઅર પ્રોમીનાડ લોકોની અવરજવર માટે બંધ રાખવાનો નિર્ણય કરવામાં આવ્યો છે. ભારે પવન અને વરસાદની આગાહીને પગલે શહેરમાં જ્યાં પણ ભયજનક મકાનો, હોર્ડિંગસ તેમજ ઘટાદાર વૃક્ષો હોય તેને ઉતારી લેવાની સૂચના આપી દેવાઈ છે. 1000 થી વધુ ઝાડ ટ્રીમગ કરવામાં આવ્યા. 44 ભયજનક મકાન ઉતારવામાં આવ્યા છે. મ્યુનિસિપલ કોર્પોરેશન દ્વારા વધુ પાણી ભરાવાની સમસ્યા સર્જાય ત્યારે તેના નિકાલ માટે હેવી પંપ પણ મૂકવામાં આવ્યા છે.
તંત્ર દ્વારા કરાયેલી કામગીરી
મ્યુનિસિપલ કોર્પોરેશન દ્વારા વધુ પાણી ભરાવાની સમસ્યા સર્જાય ત્યારે તેના નિકાલ માટે હેવી પંપ મૂકવામાં આવ્યા છે. તેમજ ભય જનક એવા 154 ફ્લેક્સ બેનર..૨૮ હોડિગ્સ.દૂર કરવામાં આવ્યા છે. ખાનગી સોસાયટી એપાર્ટમેન્ટના રહીશોને જરૂર પડે ઝાડનું ટ્રેનીંગ કરાવવા સૂચના આપવામાં આવી છે. ઈમરજન્સી વખતે નાગરિકોને બલ્ક મેસેજ દ્વારા જાણ કરવામાં આવશે. ઈમરજન્સી વખતે પાણી નો સપ્લાય મળી રહે તે માટેની વ્યવસ્થા કરવામાં આવી છે. જરૂર પડે લોકોને કૉર્પોરેશન ની સ્કૂલમાં આશ્રય આપવામા આવશે.
ભયજનક મકાનો ઉતારવા માટેની પણ નોટીસો આપી દેવામાં આવી છેઃ ડેપ્યુટી મ્યુનિસિપલ કમિશનર
આ બાબતે ડેપ્યુટી મ્યુનિસિપલ કમિશનર સી આર ખરસાણે જણાવ્યું હતું કે, બિપોરજોય વાવાઝોડાને લઈને મ્યુનિસિપલ કોર્પોરેશન દ્વારા સાવચેતીનાં ભાગરૂપે પગલા ભરવામાં આવ્યા છે. જેમાં ઈલેક્ટ્રીક પોલની ચકાસણીની સંખ્યા વધી છે. તેમજ ઝાડ પડવાથી નુકશાન ન થાય તે માટે ટ્રીમીંગની સંખ્યા પણ એક હજારથી વધારે છે. તેમજ હજુ ટ્રીમીંગની કામગીરી પણ બાકી છે. વરસાદી પાણી ન ભરાય તે માટે પણ વ્યવસ્થા કરવામાં આવી છે. તેમજ ભયજનક મકાનો ઉતારવા માટેની પણ નોટીસો આપી દેવામાં આવી છે.
AMC અંતર્ગતના જાહેર સ્થળો નાગરિકોના પ્રવેશ માટે બંધ કરવામાં આવ્યા
વાવાઝોડાની સંભવિત અસરને લઈને AMCનો મહત્વનો નિર્ણય કરવામાં આવ્યો છે. AMC અંતર્ગતના જાહેર સ્થળો નાગરિકોના પ્રવેશ માટે બંધ કરવામાં આવ્યા છે. જેમાં કિડ્સ સિટી, પ્રાણીસંગ્રહાલય, બાલવાટીકા, નગીનાવાડી બંધ રહેશે. બટરફલાય પાર્ક, રિક્રીએશન એક્ટિવીટીઝ સહિત કાંકરિયા લેક ફ્રન્ટ પરિસર બંધ રહેશે. તેમજ સાબરમતી રિવરફ્રન્ટના વોક વે પણ મુલાકાતીઓ માટે બંધ રહેશે. નાગરિકોની સલામતી માટે AMCએ નિર્ણય લીધો છે.
