દેશ / 15 મહિના સુધી હજુ પણ ખાઓ સસ્તું તેલ, લોકસભા ચૂંટણી પહેલા ગરીબ-મધ્યમ વર્ગ માટે મોદી સરકારે લીધો મોટો નિર્ણય

ચૂંટણી પહેલા કેન્દ્ર સરકારનો વધુ એક મોટો નિર્ણય
ખાદ્ય તેલોનાં આયાત પરનાં ઘટેલા દરોને 2025 સુધી લંબાવાશે
માર્ચ 2024માં સમાપ્ત થવાનો કોન્ટ્રાક્ટ માર્ચ 2025 સુધી જારી રહેશે

દેશમાં ખાદ્ય તેલોની કિંમતોને વધવાથી અટકાવવા માટે કેન્દ્ર સરકારે તેના પર લાગૂ ઘટેલી ઈમ્પોર્ટ ટ્યૂડીને માર્ચ 2025 સુધી લંબાવી દીધી છે. નાણામંત્રાલય દ્વારા કહેવામાં આવ્યું કે ઘટેલી ડ્યૂટી માર્ચ 2024માં સમાપ્ત થવાની હતી પણ હવે તેને માર્ચ 2025 સુધી જારી રાખવામાં આવશે. સરકારનાં આ નિર્ણયથી ખાદ્ય તેલોની કિંમતો પર સ્થિર રહેશે અને લોકોનું બજેટ પણ નહીં બગડે. મોદી સરકારે મોંઘવારીને કંટ્રોલમાં રાખવા માટે આ નિર્ણય લીધો છે.

ઘટેલા દરો 2025 સુધી લાગૂ
નાણામંત્રાલયે જણાવ્યું કે રિફાઈંડ સોયાબીન તેલ અને સૂર્યમુખી તેલ પર મૂળ આયાત ડ્યૂટી 17.5%થી ઘટાડીને 12.5% કરવામાં આવી હતી. ઘટેલા આ દરોને હવે માર્ચ 2025 સુધી લાગૂ રાખવામાં આવશે. આયાત ડ્યૂટી ઘટવાથી ખાદ્ય તેલોની દેશમાં લાવવાનો ખર્ચ ઓછો થાય છે. બેસિક ઈમ્પોર્ટ ડ્યૂટી કોઈપણ વસ્તુની કિંમત નક્કી કરવામાં મહત્વપૂર્ણ ભાગ ભજવે છે.

ખાદ્ય તેલોનો આયાતકાર ભારત
ભારત દુનિયાનો દ્વિતીય સૌથી મોટો ખાદ્ય તેલ ઉપભોક્તા છે. સાથે જ ખાદ્ય તેલોનાં આયાતમાં આપણે દુનિયામાં પહેલા નંબર પર આવીએ છીએ. દેશની કુલ જરૂરિયાતનો 60% હિસ્સો ભારત આયાત કરે છે. પામ ઓઈલનો મોટો હિસ્સો ઈંડોનેશિયા અને મલેશિયાથી આયાત કરવામાં આવે છે. ભારતમાં સૌથી વધારે ખપત સરસવ તેલ, સોયાબિન તેલ, સૂર્યમુખી તેલની હોય છે.