ઉપયોગી / આખી જિંદગી યુવાન રહેવું હોય તો આ ચીજ ખાવાનું શરૂ કરી દો, PM મોદીએ પણ કર્યા હતા વખાણ

• સરગવાનો ફાયદો જાણીને તમે પણ રોજ કરશો તેનું સેવન 
• સરગવામાં એન્ટીફંગલ, એન્ટિવાયરલ, એન્ટી-ડિપ્રેસન્ટ અને એન્ટિ-ઇન્ફ્લેમેટરી ગુણધર્મો
• સરગવાનો ઉપયોગ સૂપ અને કરીમાં પણ થઈ શકે છે

વડાપ્રધાને પણ ફિટ ઇન્ડિયામાં સરગવાના કર્યા વખાણ. 
વડા પ્રધાન નરેન્દ્ર મોદીએ ફિટ ઇન્ડિયા ડાયલોગમાં સરગવો  અથવા  Drumstick વિશે વાત કરી હતી. આ શાક તમે પણ ઘણીવાર તમારા ઘરમાં બનાવશો. તે ઘણા ઔષધીય ગુણોથી ભરપૂર  છે, જેનો ઉપયોગ સદીઓથી રોગોની સારવાર માટે કરવામાં આવે છે. વિશેષજ્ઞોનું માનીએ તો સરગવોનું  થડ, પાન, છાલ, ફૂલ, ફળ અને સરગવાના બીજા ઘણા ભાગોનો ઉપયોગ અલગ અલગ રીતે કરી શકાય છે, આ વૃક્ષ મૂળથી ફળ સુધી ખૂબ જ લાભકારી હોય છે. સરગવામાં એન્ટીફંગલ, એન્ટિવાયરલ, એન્ટી-ડિપ્રેસન્ટ અને એન્ટિ-ઇન્ફ્લેમેટરી ગુણધર્મો પણ છે.આ ઉપરાંત સરગવો  અનેક રીતે મિનરલ્સથી ભરપૂર છે. તેમાં કેલ્શિયમ, પોટેશિયમ, જસત, મેગ્નેશિયમ, આયર્ન, કોપર, ફોસ્ફરસ અને ઝીંક જેવા ઘણા પોષક તત્વો પણ હોય છે, જે આપણા શરીરને માત્ર તંદુરસ્ત જ નથી રાખતા પરંતુ યોગ્ય વિકાસમાં પણ મદદ કરે છે.

સરગવાને આહારમાં કેવી રીતે સામેલ કરવું ?
સરગવાની સિંગ  અને પાનનો ઉપયોગ અલગ અલગ રીતે કરી શકાય છે. પાંદડાને કાચા, પાવડર અથવા રસ કરીને વાપરી શકાય છે. સરગવાના પાનને પાણીમાં ઉકાળીને મધ અને લીંબુ સાથે મિક્સ કરી પીવું  જોઈએ .સરગવાનો ઉપયોગ સૂપ અને કરીમાં પણ થઈ શકે છે. વ્યક્તિએ નિયમિતપણે એક ચમચી અથવા લગભગ ૨ ગ્રામ સરગવાનો સપ્લિમેન્ટ્સ લેવા જોઈએ. દર્દીઓએ યોગ્ય માત્રા માં સેવન કરવા માટે ડોક્ટરની સલાહ લેવી. ઔષધીય ગુણોથી ભરપૂર સરગવો બ્લડ શુગરના સ્તરને નિયંત્રિત કરે છે. ડાયાબિટીસના દર્દીઓએ તેનું નિયમિત સેવન કરવું જોઈએ. તે જુદા જુદા પ્રદેશોમાં જુદા જુદા નામથી ઓળખાય છે. ક્યાંક તેને સરગવો  કહેવામાં આવે છે, ક્યાંક મોરિંગા, ક્યાંક સૂરણની પોડ તો મુંગા.

સરગવાને અમૃત કેમ કહેવામાં આવે છે ?
સરગવાને અમૃત સમાન માનવામાં આવે છે કારણ કે સરગવો ને ૩૦૦ થી વધુ રોગોની દવા માનવામાં આવે છે. તેથી આયુર્વેદમાં તેને અમૃત માનવામાં આવે છે. તેના નરમ પાંદડા અને સિંગ (ફળ) બંનેનો ઉપયોગ શાકભાજી તરીકે થાય છે. સરગવાની શીંગો, લીલા પાંદડા અને સૂકા પાંદડા કાર્બોહાઇડ્રેટ, પ્રોટીન, કેલ્શિયમ, પોટેશિયમ, આયર્ન, મેગ્નેશિયમ, વિટામિન-એ, સી અને બી કોમ્પ્લેક્સથી ભરપૂર હોય છે.

સરગવાના સેવનનું મહત્વ 

• સરગવો તમારી રોગપ્રતિકારક શક્તિ વધારવામાં પણ મદદ કરે છે. 
• કેલ્શિયમથી ભરપૂર હોવાના કારણે સાયટિકામાં ખૂબ ફાયદાકારક છે.
• લીવરને સ્વસ્થ રાખવામાં પણ ખૂબ જ અસરકારક છે.
• પેટમાં દુખાવો કે પેટને લગતી સમસ્યાઓ જેવી કે ગેસ,અપચો અને કબજિયાતમાં સરગવાના  ફૂલનો રસ  અથવા સિંગનું શાક ખાવું.
• જે લોકોને આંખોની રોશની કમજોર છે તેને રોજ સરગવાના ફૂલનો ઉપયોગ કરવો જોઈએ. 
• સરગવો કાનના દુખાવામાં રાહત આપવામાં પણ ખૂબ ઉપયોગી છે. આ માટે તેના તાજા પાન તોડીને તેના રસના થોડા ટીપા કાનમાં નાખશો એટલે આરામ મળશે. 
• જેમને પથરીની સમસ્યા હોય તેમણે સિંગનું શાક અથવા  સરગવાનો સૂપ જરૂર પીવું જોઈએ. જેના કારણે પથ્થરી બહાર નીકળી જશે.
• નાના બાળકોના પેટમાં કૃમિ હોય તો તેમણે સરગવાના પાનનો રસ આપવો જોઈએ.
• જો દાંતમાં સડો હોય તો તેની છાલનું કાકડુ પીવુ જોઈએ. 
• સરગવો  બ્લડ પ્રેશરને નોર્મલ કરે છે.
• તે હૃદય રોગમાં પણ ખૂબ ફાયદાકારક છે. કોલેસ્ટ્રોલને પણ ઘટાડે છે. આ રીતે સરગવો  તમારા સ્વાસ્થ્ય માટે લાભદાયી સાબિત થઇ શકે છે. જો કે, તમારે ડોક્ટરની સલાહ પણ લેવી જોઈએ.
   

સરગવાના ફૂલોના ફાયદાઓ :-

• સરગવાના ફૂલોમાં પ્રોટીન અને વિવિધ પ્રકારના વિટામિન્સની સાથે ઘણા પોષક તત્વો પણ હોય છે.
• સ્ત્રીઓમાં યુરિનરી ઇન્ફેક્શનની સમસ્યા ખૂબ જ સામાન્ય છે. તેને દૂર કરવા માટે સરગવાના ફૂલોની ચા બનાવીને તેનું સેવન કરવું જોઈએ.
• જે પ્રસૂતિ માતાને  દૂધ ઓછું બનવાની તકલીફ પડતી હોય છે, તેમને સરગવાનાં ફૂલોને સૂકવીને કે તેનો ઉકાળો બનાવીને  પીવાનું શરૂ કરી દેવું જોઈએ.તેની અસર ઝડપી દેખાશે.
• ઈમ્યુનિટી વધારવા માટે તમે સરગવાના  ફૂલોને રોજના ડાયટમાં શાક, ચા કે કોઈ પણ રીતે સામેલ કરી શકો છો. તેમાં રહેલા એન્ટિઓક્સિડન્ટ્સ હાનિકારક ફ્રી-રેડિકલ્સની અસરોને રોકવામાં મદદ કરે છે.
• પાચનક્રિયાને સ્વસ્થ રાખવા માટે સરગવાના ફૂલોનું સેવન કરવું પણ વધુ સારું છે. આ ફૂલોમાં પુષ્કળ પ્રમાણમાં ફાઇબર હોય છે, જે તમારા પાચનતંત્રને સ્વસ્થ રાખવામાં મદદ કરે છે.
• સરગવાના ફૂલો વજન ઘટાડવામાં પણ મદદ કરે છે. આ ફૂલોમાં ક્લોરોજેનિક એસિડ નામનું એન્ટિઓક્સિડેન્ટ હોય છે, જે શરીરમાં હાજર વધારાની ચરબીને બાળવામાં મદદ કરે છે.
• સરગવાના ફૂલોના સેવનથી વાળ ખરતા અટકે છે. વાળનો વિકાસ થાય છે અને રફનેસ સમાપ્ત થયા પછી તેની ચમક વધે છે.
• પુરુષોમાં તાકાત વધારવા માટે સરગવો ના ફૂલોનું સેવન પણ કરી શકાય છે. ફૂલોના સેવનથી થાક અને નબળાઇ દૂર થશે અને શક્તિનો વિકાસ થશે.

સરગવાના પાનમાં આયુર્વેદનો ખજાનો હોય છે.

• તેના પાનમાં પ્રોટીન, બીટા કેરોટીન, પોટેશિયમ, એન્ટિઓક્સિડેન્ટ, એસ્કોર્બિક એસિડ, ફોલિક અને ફિનોલિક હોય છે જે ઘણા રોગોના ઉપચારમાં ઉપયોગી છે.
• સરગવાના પાનમાં એસ્કોર્બિક એસિડ, ફોલિક અને ફિનોલિક હોય છે અને તેમાં 40થી વધુ એન્ટીઓક્સીડેન્ટ હોય છે. તેના પાનના અર્કમાં એન્ટિ-ડાયાબિટીક અને એન્ટિઓક્સિડેન્ટ ગુણ હોય છે જેના કારણે તે ડાયાબિટીસના દર્દીના લક્ષણોને ઘટાડવામાં મદદરૂપ થાય છે. તે ઇન્સ્યુલિનનું સ્તર અને સંવેદનશીલતા પણ વધારી શકે છે, જે ડાયાબિટીસના દર્દીને ફાયદો કરે છે.
• સરગવાના પાનનો ઉપયોગ તમારા હૃદયને ખરાબ કોલેસ્ટ્રોલની અસરોથી બચાવી શકે છે. આ પાનમાં ઓમેગા-3 ફેટી એસિડ સારી માત્રામાં હોય છે જે કોલેસ્ટ્રોલના સ્તરને ઓછું કરી શકે છે.
• સરગવાના પાનમાં પોટેશિયમ સારી માત્રામાં હોય છે જે બ્લડ પ્રેશર ઘટાડવામાં કારગર છે. પોટેશિયમ વાસોપ્રેસિનને નિયંત્રિત કરે છે અને આ હોર્મોન રક્ત વાહિનીઓની કામગીરીને અસર કરે છે.
• સરગવાના પાનનો ઉપયોગ કેન્સરના લક્ષણોને ઘટાડવા માટે કરી શકાય છે. સરગવાના પાંદડામાં વિવિધ પ્રકારના એન્ટીઓકિસડન્ટો અને અન્ય સક્રિય ઘટકો હોય છે જે કેન્સરના કોષો અને મુક્ત રેડિકલની અસરો ઘટાડવામાં મદદ કરે છે.
• સરગવાના પાંદડાના રસમાં સિલિમરીન જેવા ઘટકો હોય છે જે યકૃતના એન્ઝાઇમની કામગીરીમાં વધારો કરે છે. આ ઘટક યકૃતના શરૂવાતી નુકસાનથી પણ સુરક્ષિત કરે છે.
• 100 ગ્રામ સરગવાના પાનના પાવડરમાં ઓછામાં ઓછું 28 મિલિગ્રામ આયર્ન હોય છે જે અન્ય ખોરાક કરતા ઘણું વધારે હોય છે, તેથી તે એનિમિયાને દૂર કરે છે.
• તેમાં આયર્ન, ઝિંક, ઓમેગા -3 ફેટી એસિડ્સ અને અન્ય પદાર્થો હોય છે જે મગજની તંદુરસ્તી વધારવામાં મદદ કરે છે. ઓમેગા-3 મગજની યાદશક્તિ સુધારવામાં મદદ કરે છે.