બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / અન્ય જિલ્લા / ગાંધીનગરના સમાચાર / રાજ્યમાં છેલ્લા 24 કલાકમાં 29 તાલુકામાં મેઘમહેર, આજે આ વિસ્તારોમાં થશે વરસાદ
6 ફોટો ગેલેરી
Last Updated: 11:00 AM, 24 June 2026
FOLLOW ON
શેર કરો
1/6
રાજ્યમાં છેલ્લા 24 કલાક દરમિયાન વરસાદી ગતિવિધિઓમાં વધારો નોંધાયો છે. કુલ 29 તાલુકાઓમાં વરસાદ પડતા અનેક વિસ્તારોમાં વાતાવરણમાં ઠંડક પ્રસરી છે અને ખેડૂતો સહિત સામાન્ય નાગરિકોને ગરમીમાંથી રાહત મળી છે. ખાસ કરીને દક્ષિણ ગુજરાતમાં મેઘમહેર વધુ અસરકારક રીતે જોવા મળી રહી છે.
આ તસવીર શેર કરો
2/6
સૌથી વધુ વરસાદ વલસાડ જિલ્લાના ઉમરગામ વિસ્તારમાં નોંધાયો, જ્યાં અંદાજે 4.33 ઈંચ વરસાદ વરસ્યો હતો. જ્યારે ડાંગ અને આહવા વિસ્તારમાં લગભગ 3.07 ઈંચ વરસાદ નોંધાતા નદી-નાળાઓમાં પાણીની આવક વધી છે. ઉપરાંત ગોંડલમાં 2.13 ઈંચ અને કપરાડામાં 1.46 ઈંચ વરસાદ નોંધાયો છે. વાપીમાં 1.42 ઈંચ અને ઉકાઈ વિસ્તારમાં 1.10 ઈંચ વરસાદથી વરસાદી માહોલ વધુ સક્રિય બન્યો છે.
આ તસવીર શેર કરો
3/6
આ તરફ હવે જો આપણે અન્ય વિસ્તારોની વાત કરીએ તો કોટડા સાંગાણી વિસ્તારમાં અંદાજે 20 MM સાગબારામાં 19 MM વરસાદ નોંધાતા સ્થાનિક વાતાવરણમાં ફેરફાર અનુભવાયો હતો.
આ તસવીર શેર કરો
4/6
હવામાન વિભાગે આગામી કલાકોમાં પણ વરસાદી સ્થિતિ યથાવત રહેવાની શક્યતા દર્શાવી છે. ખાસ કરીને દક્ષિણ ગુજરાતના તાપી, નર્મદા, ડાંગ અને છોટાઉદેપુર જેવા વિસ્તારોમાં ગાજવીજ સાથે ભારે વરસાદી ઝાપટાં પડી શકે છે. કેટલીક જગ્યાએ પવનની ગતિમાં પણ વધારો થવાની સંભાવના વ્યક્ત કરવામાં આવી છે.
આ તસવીર શેર કરો
5/6
આ ઉપરાંત વલસાડ, સુરત, નવસારી, ભરૂચ, વડોદરા, પંચમહાલ અને દાહોદ જેવા જિલ્લાઓમાં હળવાથી મધ્યમ વરસાદ રહેવાની શક્યતા છે. સૌરાષ્ટ્રના કેટલાક વિસ્તારોમાં પણ ભેજનું પ્રમાણ વધતા વરસાદી માહોલ સર્જાઈ શકે છે.
આ તસવીર શેર કરો
6/6
અમદાવાદમાં આજે વાદળછાયું વાતાવરણ રહેવાની શક્યતા છે અને કેટલાક વિસ્તારોમાં હળવા વરસાદી ઝાપટાં જોવા મળી શકે છે. રાજકોટ, સુરત અને વડોદરા જેવા શહેરોમાં પણ વરસાદી વાતાવરણ સક્રિય રહે તેવી સંભાવના વ્યક્ત કરવામાં આવી રહી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
