પૂછ આતંકી હુમલો / આ ટેણિયા પરથી ઉઠ્યો પિતાનો સાયો ! બર્થડેના એક દિવસ પહેલા શહીદ, હૈયુ વલોવી નાખશે

જમ્મુ કાશ્મીરના પૂંછ આતંકી હુમલામાં શહીદ થયેલા ઈન્ડીયન એરફોર્સના જવાન વિક્કી પહાડની કહાની હૈયુ વલોવી નાખે તેવું છે. વિક્કી પહાડની શહાદતથી માત્ર તેમનો પરિવાર જ નહીં પરંતુ આખો દેશ શોકમય છે. માતાથી લઈને પત્ની સુધી, બાળકો અને બહેન પણ હૈયાફાટ રુદન કરી રહ્યાં છે. કરુણતાં એ છે કે વિક્કી પહાડ એક દિવસ બાદ પોતાના પુત્રનો બર્થડે મનાવવા ઘેર આવવાના હતા પરંતુ તે પહેલાં કુદરતે તેમને ઉપાડી લીધાં.

કોણ હતા વિકી પહાડે

મધ્ય પ્રદેશના છિંદવાડામાં રહેતા વિકી પહાડેએ પોતાનો અભ્યાસ પૂરો કર્યા બાદ સેનામાં જોડાવાનું સપનું જોયું હતું. 2011માં તેમણે સપનું સાકાર કર્યું હતું. 2011માં ભારતીય વાયુસેના (આઈએએફ)માં જોડાયા હતા. વિકી પરિણીત હતા અને તેમને હાર્દિક નામનો 5 વર્ષનો એક પુત્ર પણ છે.

પુત્રને સરપ્રાઈઝ આપવા માગતા હતા

વિકી પહાડેની નાની બહેનની થોડા દિવસ પહેલા જ સગાઈ થઈ હતી. એક મહિનાની લાંબી રજા ગાળ્યા પછી, વિકી 18 એપ્રિલે ફરજ પર પાછા ફર્યાં હતા. 7 મેના દિવસે તેઓ ફરી છીંદવાડા આવવાના હતા. બે દિવસ બાદ 9 મેના દિવસે વિકીના પુત્ર હાર્દિકનો જન્મદિવસ છે. આથી વિક્કીએ રજા માટે અરજી કરી જ દીધી હતી અને તે 7 મેના રોજ છિંદવાડા પહોંચીને પોતાના પુત્રને સરપ્રાઈઝ આપવા માગતાં હતા.

વધુ વાંચો : 'કસાબ નહીં પોલીસ ગોળીથી મોત', હેમંત કરકરે ફરી ચર્ચામાં કોણ હતા, કેવી રીતે ખપી ગયાં?

ગઈ કાલે પૂછમાં થયો હતો આતંકી હુમલો

ઉલ્લેખનીય છે કે ગઈ કાલે જમ્મુ કાશ્મીરના પૂછમાં પાકિસ્તાની આતંકવાદી સંગઠન લશ્કર-એ-તોયબાના આતંકવાદીઓએ ઈન્ડીયન એરફોર્સના કાફલા પર ગોળીબાર કર્યો હતો જેમાં વિકી પહાડે શહીદ થયા હતા અને 4 જવાનો ઘાયલ થયાં હતા.