તમારા કામનું / વરસાદમાં ભીના કે ધોયેલા કપડાંમાંથી આવી રીતે દુર્ગંધ? આસાન 4 ટિપ્સથી કરો સ્મેલ ફ્રી, ભેજ થઈ જશે છૂમંતર

• ચોમાસાની ઋતુમાં કપડાં સૂકાવું અઘરું
• ભેજનાં લીધે કપડાંમાંથી આવે છે દુર્ગંધ
• તડકો ન મળતાં કપડાંમાં જન્મે છે બેક્ટેરિયા

ચોમાસાની સીઝનમાં ધોવાયેલા કપડાંમાંથી દુર્ગંધ આવવી એ એક સામાન્ય સમસ્યા છે. કપડાં સારી રીતે ધોવાયા હોય તેમ છતાં ભેજની એક સ્મેલ કપડાંમાં બેસી જતી હોય છે.  ઘણીવખત તો આ સ્મેલ એટલી વધુ સ્ટ્રોંગ હોય છે કે કપડાં પહેરવું મુશ્કેલ બની જાય છે.  ભીના કપડાંને તડકો ન મળવાને લીધે તેમાંથી દુર્ગંધ આવતી હોય છે.  જ્યારે કપડાં બરાબર રીતે સૂકાયા ન હોય ત્યારે તેમાં બેક્ટેરિયા પણ જન્મે છે જેના લીધે ઘણીવાર લોકોને સ્કીન સંબંધિત સમસ્યાઓ આવે છે. 

કપડાંમાંથી દુર્ગંધ દૂર કરવાના ઉપાયો

ઈસ્ત્રી કરો
ઘણીવાર કપડાં ધોવાઈ તો જાય છે પરંતુ તે બરાબર રીતે સૂકાઈ શકતાં નથી. આવી સ્થિતિમાં  કપડાંને ઈસ્ત્રી કરવા જોઈએ. કપડાને પ્રેસ કરવાથી તેમા રહેલ ભેજ દૂર થાય છે અને કપડાં ડ્રાય થઈ જાય છે. જેના લીધે કપડાંમાંથી આવતી દુર્ગંધ દૂર થાય છે.
 
કપૂરની ગોળીઓ
ધોવાયેલા કપડાંમાંથી જ્યારે સ્મેલ આવતી હોય છે ત્યારે તેમાં કપૂરની ગોળીઓ મૂકવી જોઈએ. કપૂરની સ્મેલ તેજ હોય છે અને જ્યારે કપડાંની વચ્ચે કપૂરને મૂકીએ છીએ ત્યારે કપડાં પણ મહેકી ઊઠે છે.

સુગંધીદાર ડિટેર્જેંટ
વરસાદની સીઝનમાં કપડાંમાંથી આવતી દુર્ગંધ દૂર કરવા માટે સુગંધીદાર ડિટેર્જેંટ પાઉડરનો ઉપયોગ કરવો જોઈએ.  કપડાં જ્યારે સૂકાઈ જાય છે ત્યારે તેમાંથી સુગંધ આવવા લાગે છે. આ સાથે જ કપડાંને ફેનની નીચે સૂકાવી દેવું જોઈએ જેથી કપડામાં રહેલ ભેજ દૂર થાય.

વૉશિંગ મશીનનાં ડ્રાયરની મદદ
આ સીઝનમાં કપડાં સૂકાયા બાદ પણ ઘણીવાર તેમાં ભેજ રહી જતો હોય છે તેથી તેને વૉશિંગ મશીનનાં ડ્રાયરમાં સૂકાવું જોઈએ. ત્યારબાદ આ કપડાને પંખાની નીચે અથવા ખુલ્લી હવામાં ડ્રાય થવા માટે મૂકવા જોઈએ. આવું કરવાથી તેમાંથી સંપૂર્ણપણે ભેજ દૂર થશે અને દુર્ગંધ પણ આવશે નહીં.