હેલ્થ ટિપ્સ / કફ હોય કે પછી કબજિયાત, કોઈ દવા કે જડીબુટ્ટી નહીં, પાણીથી જ મળશે રાહત: શિયાળામાં હુંફાળું પાણી પીવાના ફાયદા

• શિયાળામાં કેટલું ગરમ પાણી પીવું જોઈએ
• યોગ્ય તાપમાન તપાસ્યા પછી પાણી પીવું 
• છાતીની અંદર કફ જામી જવો 

ડોક્ટર અને સ્વાસ્થ્ય નિષ્ણાંત પાસેથી ઘણી વાર સાંભળવા મળે છે કે ખાલી પેટ પાણી પીવું જોઈએ. જેનાથી કબજિયાતની સમસ્યાથી છુટકારો મળે છે. હવે પ્રશ્ન એમ છે કે ખાલી પેટ ગરમ, હુંફાળું કે ઠંડુ આમ કયા પાણીનું સેવન કરવું જોઈએ? ઋતુ પ્રમાણે ખોરાકનું પરિવર્તન કરવામાં આવે છે. ઠંડીમાં શરીરને ગરમ રાખવા માટે ગરમ વસ્તુઓ ખાવામાં આવે છે. જ્યારે ઉનાળામાં ગરમીનાં કારણે ઠંડી વસ્તુનું સેવન કરવામાં આવે છે. 

શિયાળામાં કેટલું ગરમ પાણી પીવું જોઈએ 
ઘણા લોકો દરેક મોસમની અંદર ખાલી પેટ ગરમ અથવા હુંફાળું પાણી પીવે છે. શિયાળાની ઋતુમાં ગરમ વસ્તુઓનું સેવન કરવું જોઈએ. જેથી શરીર ગરમ અને હાઇડ્રેટ રહે. શિયાળામાં ઠંડુ પાણી પીવાનાં કારણે પાચન શક્તિ પર ઘણી અસર પડે છે. જાણીશું કે શિયાળામાં કેટલું ગરમ પાણી પીવું જરૂરી છે. આ સાથે એ પણ જાણીશું કે તમારે કેટલું ગરમ પાણી પીવું જોઈએ. 

યોગ્ય તાપમાન તપાસ્યા પછી પાણી પીવું 
નિષ્ણાંતો મુજબ દરેક વ્યક્તિએ તેમના શરીરની ગરમી અનુશાર નવશેકું પાણી પીવું જોઈએ. કારણ કે જે રીતે વધુ ઠંડુ પાણી શરીર માટે નુકસાનકારક હોય શકે એ રીતે વધુ પડતું ગરમ પાણી પણ શરીર માટે નુકસાનકારક હોય થકે છે. શિયાળામાં નવશેકું પાણી પીવું જોઈએ. જેનું તાપમાન 60°F થી 100°F (16°C થી 38°C) અંદર હોવું જોઈએ. 

છાતીની અંદર કફ જામી જવો 
સ્વાસ્થ્ય નિષ્ણાંત મુજબ, જો તમને કફની સમસ્યા હોય તો તમારે એવું પાણી પીવું જોઈએ, જેના કારણે કફ સરળતાથી નીકળી શકે. ન તો વધુ ઠંડુ પાણી પીવું જોઈએ અને ન તો વધુ પડતું ગરમ પાણી પીવું જોઈએ. એક પરફેક્ટ તાપમાન પ્રમાણે ગરમ પાણી પીવું જોઈએ. હુંફાળું પાણી પીવાથી શરીરની ગંદકી બહાર નીકળે છે. 

ઠંડીમાં ગળા અને છાતીમાં બળતરા થાય 
ઠંડીમાં પિત્ત દોષ વધી જાય છે. જેના કારણે કબજિયાત, એસિડિટી, અપચ અને છાતીમાં બળતરા જેવી સમસ્યાઓ થાય છે. તેના કારણે ત્વચા પર ખીલ થાય છે અને ઊંઘ ઓછી આવે છે. જો તમને આ બધી સમસ્યા હોય તો તમે ગરમ પાણીનું સેવન કરી શકો છો. તેનાથી તમને રાહત મળશે.