કાર્યવાહી / લિહોડા લઠ્ઠાકાંડ: એક્શનમાં આવ્યા ગૃહરાજ્યમંત્રી સંઘવી, આપ્યો કડક આદેશ; અત્યાર સુધીમાં 7ની ધરપકડ

Vishal Khamar

Last Updated: 07:40 PM, 15 January 2024

FOLLOW ON

શેર કરો

દહેગામનાં લીહોડા ગામે ઝેરી દારૂ મામલે 2 વ્યક્તિઓનાં મોત બાદ પોલીસ દ્વારા તાત્કાલીક ધોરણે પગલા ભર્યા છે. ત્યારે પોલીસે કુલ 7 બુટલેગરોની ધરપકડ કરી તેમની પાસેથી ઝડપાયેલ દારૂ જપ્ત કરી તેનાં સેમ્પલને FSL માં મોકલ્યા છે.

દહેગામનાં લીહોડામાં ઝેરી દારૂ મામલે ગૃહમંત્રી હર્ષ સંઘવીનું નિવેદન
આ બાબતે તપાસ ચાલી રહી છેઃ ગૃહમંત્રી
સંપૂર્ણ માહિતી સાંજ સુધીમાં આપવામાં આવશે-સંઘવી

દહેગામનાં લીહોડા ગામે ઝેરી દારૂ પીધા બાદ 2 વ્યક્તિઓનાં મોત નિપજ્યા હતા. જે બાદ લોકોમાં રોષ જોવા મળ્યો હતો. તો બીજી તરફ રાજકીય નેતાઓ દ્વારા પોતાની પ્રતિક્રિયાઓ આપી હતી. ત્યારે પોલીસ દ્વારા આ મામલે તાત્કાલિક પગલા ભરી 7 બુટલેગરોની ધરપકડ કરી છે. જેમાં સાંપા ગામનાં કુંવરજી ડાભી, રાજેશ ઠાકોર, લિહોડા ગામનાં પ્રતાપસિંહ ઠાકોર, દિલીપ ઠાકોર, દીનાજી ઠાકોર, ધીરજ ઠાકોર, કનુજી ઠાકોરની ધરપકડ કરી તેઓની પાસેથી દારૂ જપ્ત કરી તેનાં સેમ્પલ લઈ FSL માં મોકલવાની તજવીજ હાથ ધરી છે.

વધુ વાંચોઃ આખરે સાંઢિયા બ્રિજને તોડવાનો નિર્ણય: હવે બે વર્ષ સુધી આ રસ્તેથી થવું પડશે પસાર

FSlનો પ્રાથમિક રિપોર્ટ આવ્યો છે-સંઘવી
દહેગામનાં લીહોડામાં ઝેરી દારૂને લઈને થયેલા મોત મામલે ગૃહરાજ્ય મંત્રી હર્ષ સંઘવીએ નિવેદન આપ્યું હતું કે આ સમગ્ર મામલે તપાસ ચાલી રહી છે. તેમજ FSL નો પ્રાથમિક રિપોર્ટ આવ્યો છે. રાજનીતિ નહિ સામાજિક દુષણ સામે કડકાઈ પૂર્વક કામગીરી કરી રહ્યા છીએ. સંપૂર્ણ માહિતી સાંજ સુધીમાં આપવામાં આવશે. ઉચ્ચકક્ષાની તપાસ ચાલી રહી છે.

સંકળાયેલા મુદ્દાઓ