અભ્યાસ / લશ્કરી પાયલોટ અને ગ્રાઉન્ડ ક્રૂ મેમ્બરમાં સૌથી વધારે કેન્સરનું જોખમ, પેન્ટાગોનના રિસર્ચમાં ચોંકાવનારો ખુલાસો

• પેન્ટાગોનના અભ્યાસમાં લશ્કરી પાઇલોટ્સમાં કેન્સરનું ઊંચો દર જોવા મળ્યું
• રિપોર્ટમાં પ્રથમ વખત દર્શાવ્યું કે, ગ્રાઉન્ડ ક્રૂ પણ પડી રહ્યા છે બીમાર 
• એર ક્રૂના સભ્યોમાં મેલાનોમાનો દર 87% અને થાઈરોઈડ કેન્સરનો 39% વધુ દર

પેન્ટાગોનના અભ્યાસમાં લશ્કરી પાઇલોટ્સમાં કેન્સરનું ઊંચો દર જોવા મળ્યું છે. આ સાથે અને પ્રથમ વખત દર્શાવ્યું છે કે, ગ્રાઉન્ડ ક્રૂ જે તે વિમાનોને ઇંધણ, જાળવણી અને લોન્ચ કરે છે તેઓ પણ બીમાર પડી રહ્યા છે. વાત જાણે એમ છે કે, આ ડેટા લાંબા સમયથી નિવૃત્ત લશ્કરી વિમાનચાલકો દ્વારા માંગવામાં આવ્યો હતા. જેઓ જાણતા હતા કે તેમને કેન્સર છે. તેમને કહેવામાં આવ્યું હતું કે, અગાઉના સૈન્ય અભ્યાસમાં જાણવા મળ્યું હતું કે, તેઓ સામાન્ય યુએસ વસ્તી કરતાં વધુ જોખમમાં નથી.
  
પેન્ટાગોનને 1992 અને 2017ની વચ્ચે લશ્કરી એરક્રાફ્ટ પર ઉડાન ભરી અથવા તેના પર કામ કરનારા લગભગ 9 મિલિયન સેવા સભ્યોના વર્ષભરના અભ્યાસમાં જાણવા મળ્યું કે, એર ક્રૂના સભ્યોમાં મેલાનોમાનો દર 87% અને થાઈરોઈડ કેન્સરનો 39% વધુ દર હતો. આ સાથે જ્યારે પુરુષો પ્રોસ્ટેટ કેન્સરનો 16% વધુ દર અને સ્ત્રીઓમાં સ્તન કેન્સરનો 16% વધુ દર જોવા મળ્યો હતી. આ સાથે એર ક્રૂમાં તમામ પ્રકારના કેન્સરનો દર 24% વધુ હતો.

શું દર્શાવે છે અભ્યાસ ? 
અભ્યાસ દર્શાવે છે કે, ગ્રાઉન્ડ ક્રૂમાં મગજ અને નર્વસ સિસ્ટમના કેન્સરનો દર 19% વધુ હતો.  આ સાથે થાઈરોઈડ કેન્સરનો 15% વધુ દર અને કિડની અથવા રેનલ કેન્સરનો 9% વધુ દર હતો. આ તરફ સ્ત્રીઓમાં સ્તન કેન્સરનો દર 7% વધુ હતો. તમામ પ્રકારના કેન્સરનો એકંદર દર 3% વધારે હતો. જોકે કેટલાક સારા સમાચાર પણ મળ્યા હતા. ગ્રાઉન્ડ અને એર ક્રૂ બંનેમાં ફેફસાના કેન્સરનો દર ઘણો ઓછો હતો અને એર ક્રૂમાં પણ મૂત્રાશય અને આંતરડાના કેન્સરનો દર ઓછો હતો. ડેટાએ સેવા સભ્યોની ઉંમર, લિંગ અને જાતિને સમાયોજિત કર્યા પછી યુએસની સામાન્ય વસ્તી સાથે સરખામણી કરી હતી. 

શું કહ્યું પેન્ટાગોને ? 
આ તરફ પેન્ટાગોને કહ્યું કે, નવો અભ્યાસ અત્યાર સુધીનો સૌથી મોટો અને સૌથી વ્યાપક અભ્યાસ છે. અગાઉના અભ્યાસમાં માત્ર એરફોર્સના પાઇલોટ્સ પર જ નજર કરવામાં આવી હતી અને તેમાં કેન્સરના કેટલાક ઊંચા દરો જોવા મળ્યા હતા. જોકે આ એક તમામ સેવાઓમાં અને બંને એર અને ગ્રાઉન્ડ ક્રૂ પર જોવામાં આવ્યું હતું. પરંતુ પેન્ટાગોને ચેતવણી આપી હતી કે, ડેટાને કારણે કેન્સરના કેસોની વાસ્તવિક સંખ્યા વધુ હોવાની સંભાવના છે, જે તેણે કહ્યું હતું કે, તે ઉપાય કરવા માટે કામ કરશે.
 
સેવાનિવૃત વાયુસેના કર્નલે કહ્યું કે , અભ્યાસ સાબિત કરે છે કે, આ નેતાઓ અને નીતિ નિર્માતા માટે સંદેહથી વિશ્વાસ અને સક્રિય સહાયતા તરફ વધવાનો સારો સમય છે. મહત્વનું છે કે, 2021ના સંરક્ષણ બિલમાં કોંગ્રેસ માટે અભ્યાસની આવશ્યકતા હતી. આ તરફ હવે પેન્ટાગોને એ સમજવાની કોશિશ કરવા માટે વધુ એક અભ્યાસ કરવો પડશે કે , કર્મચારી બીમાંર કેમ પડી રહ્યા છે ?