વિવાદ / નિત્યાનંદ આશ્રમથી મહિલાઓ ગુમ થવા મામલે ગુજરાત HCનો આદેશ, કહ્યું 'યુવતીઓને હાજર કરો'

• નિત્યાનંદ આશ્રમથી યુવતીઓ ગુમ થવા મામલે હાઈકોર્ટનો આદેશ
• હાઈકોર્ટે તપાસ એજન્સીને બન્ને યુવતીઓને હાજર કરવાનો આપ્યો આદેશ
• આગામી સુનાવણી સમયે યુવતીઓને હાજર કરવાનો આદેશ

નિત્યાનંદ આશ્રમથી યુવતીઓ ગુમ થવા મામલે હાઈકોર્ટે મહત્વનો આદેશ કર્યો છે. હાઈકોર્ટે તપાસ એજન્સીને બન્ને યુવતીઓને હાજર કરવાનો આદેશ આપ્યો છે. આગામી સુનાવણી સમયે યુવતીઓને હાજર કરવાનો આદેશ આપ્યો છે. 2019માં જમૈકાને રાજ્ય સરકારે પત્ર લખ્યો હોવાની પણ કોર્ટમાં રજૂઆત કરાઈ છે.

યુવતીઓ ગુમ થવા મુદ્દે હાઈકોર્ટનો આદેશ
માનવ તસ્કરીના ભાગરૂપે યુવતીઓને લવાઈ હોવાનો પત્રમાં ઉલ્લેખ છે તેમ સરકાર કહ્યું છે જ્યારે અરજદારે જણાવ્યું કે, અનેક રજૂઆતો છતાં તપાસ એજન્સી યુવતીઓને લાવતી નથી. જે સમગ્ર મામલાને લઈ હાઈકોર્ટે આગામી 4 સપ્તાહમાં બન્ને યુવતીઓને હાજર કરવા આદેશ કર્યો છે. માર્ચ મહિનામાં હાઈકોર્ટમાં વધુ સુનાવણી હાથ ધરાશે. 

વકીલનું નિવેદન
ફરીયાદીના વકીલે જણાવ્યું કે, કાર્ટ સમક્ષ અમે માંગ કરી હતી કે, બંન્ને દીકરીઓને કોર્ટ સમક્ષ લાવવામાં આવે અને એમની સેફ્ટી વેરિફાય કરવામાં આવે. કારણ કે, કોરાના સમય લોકડાઉન હતું મોટા ભાગની ફ્લાઈટ્સ બંધ હતી ત્યારે કોર્ટે વીડિયો કોન્ફરેન્સ અલાઉ કરેલા પરંતુ અત્યારે બધુ જ બરાબર થઈ ગયું છે ત્યારે અને એમણે પણ એફિડેવિડમાં જણાવ્યું છે કે, અમને કોર્ટ પ્રોટેક્સન આપશે અને જણાવશે તો અમે ચોક્કસ આવીશું. તમણે કહ્યું કે, કોર્ટે બધુ જ સાંભળીને આદેશ પણ આપ્યો છે.