'ગુલાબ'ની અસર / ગુજરાતના માથે આજથી પાંચ દિવસ 'અતિભારે': આ શહેરોમાં થશે મેઘ તાંડવ

• રાજ્યમાં અતિભારે વરસાદની આગાહી
• આજથી 5 દિવસ અતિભારે વરસાદની આગાહી 
• સાઇક્લોનિક સર્ક્યુલેશનને લીધે પડશે ભારે વરસાદ

સાઇક્લોનિક સર્ક્યુલેશનને લીધે રાજ્યમાં આજથી 5 દિવસ અતિભારે વરસાદની આગાહી કરાઇ છે, ગુલાબ વાવાઝોડું નબળું પડતા તેના અસરના ભારે રૂપે ઉત્તર ગુજરાત અને મધ્ય ગુજરાતમાં વરસાદ પડી શકે છે તો રાજ્યના મોટા શહેરો અમદાવાદ, ગાંધીનગર, વડોદરામાં પણ વરસાદની આગાહી કરાઈ છે, આ તરફ વાવાઝોડાની અસરના કારણે, સુરત, ભરૂચ, વલસાડમાં અતિભારે વરસાદ પડી શકે છે તો જામનગર, પોરબંદર, ગીર સોમનાથ સહિતના પથંકમાં પણ ભારેથી અતિભારે વરસાદની આગાહી કરાઈ છે. 

રાજ્યમાં અતિભારે વરસાદની આગાહી

અમદાવાદ અને ગાંધીનગરમાં મુશળધાર વરસાદ શરૂ થયો છે. વરસાદને કારણે નોકરીએ જતાં લોકોને ભારે હાલાકીનો સામનો કરવો પડ્યો છે. ઠેર ઠેર પાણી ભરાઈ જવાને કારણે ટ્રાફિક જામના દ્રશ્યો સર્જાયા છે. બીજી તરફ અમદાવાદમાં રાજપથ ક્લબની પાછળના રોડ પર પણ પાણી ભરાઈ જતા લોકોને હાલાકીનો સામનો કરવો પડી રહ્યો છે. શહેરમાં વરસાદને કારણે ઠેર ઠેર પાણી ભરાતા AMCની પ્રી-મોન્સૂન કામગીરી પર અનેક સવાલો ઉઠી રહ્યા છે.

સાઇક્લોનિક સર્ક્યુલેશનને લીધે પડશે ભારે વરસાદ

વસ્ત્રાપુર નિરમા સ્કૂલ પાસે પાણી ભરાતા સ્થાનિકોને પણ અવરજવર માટે મુશ્કેલીનો સામેનો કરવો પડી રહ્યો છે. દર વર્ષે પાણી ભરાવાની સમસ્યા-સ્થાનિક હેરાન પરેશાન થતા હોય છે ત્યારે શહેરમાં પડેલા વરસાદ બાદ પાણી ભરાવવાની સમસ્યા સર્જાઈ છે. મહેત્વનું છે કે ગુલાબ વાવાઝોડાને પગલે સર્જાયેલા સાઇક્લોનિક સર્ક્યુલેશનની અસરથી ગુજરાતમાં ફરી વરસાદની શક્યાતા સેવાઈ રહી છે, તેની અસરના ભાગ રૂપે આજે સવારથી વરસાદ પડી રહ્યો છે. 

ગુજરાતમાં ભારેથી અતિભારે વરસાદની આગાહી

આજે પડેલા ભારે વરસાદને કારણે શહેરના વસ્ત્રપુર, સેટેલાઈટ, જજીસ બંગ્લો, SG હાઈવે સહિતના વિસ્તારોમાં ધમાકેદાર વરસાદ શરૂ થતા પાણી પાણી છવાઈ ગયા છે, તો આ તરફ બોડકદેવ માનસી ચાર રસ્તા, હેલ્મેટ સર્કલ, નહેરુનગર, બોપલ, શ્મામલ ચાર રસ્તામાં વરસાદને કારણે રોડ રસ્તા પર પાણી ભરાતા વાહન ચાલકોને હાલાકી ભોગવવાનો વારો આવ્યો છે.