આરોગ્ય ટિપ્સ / જો તમે પણ છો હાઇ કોલેસ્ટ્રોલના દર્દી, તો દિવસમાં એક વાર જરૂરથી Oats ખાવા જોઇએ, જાણો ફાયદા

• બીમારીઓ વધારે છે હાઈ કોલેસ્ટ્રોલ
• દિવસમાં એક વાર જરૂર ખાઓ Oats
• હાઈ કોલેસ્ટ્રોલના દર્દીઓ માટે છે ફાયદાકારક

આજકાલ હાર્ટની બીમારીઓ ઝડપથી વધી રહી છે. નસોમાં ફેટના ખરાબ કણો જમા થઈ જવાના કારણે બ્લડ સર્કિલેશન પ્રભાવિત થાય છે. તેનાથી બીપી વધવા લાગે છે અને હાર્ટની બીમારીઓનો ખતરો વધવા લાગે છે. 

એવામાં કોલેસ્ટ્રોલ ઓછુ કરવા માટે તમે ઓટ્સને પોતાની ડાયેટમાં શામેલ કરી શકો છો. હકીકતે આ એક એવું અનાજ છે જે કોલેસ્ટ્રોલ ઓછુ કરવામાં મદદ કરવાની સાથે હાર્ટની બીમારીઓથી બચવામાં મદદ કરે છે. તેના ઉપરાંત પણ હાઈ કોલેસ્ટ્રોલમાં ઓટ્સ ખાવાના ફાયદા ઘણા છે. જાણો તેના વિશે વિસ્તારમાં..

હાઈ કોલેસ્ટ્રોલમાં ઓટ્સ ખાવાના ફાયદા 
ફેટ્સના કણોને જમા થવાથી રોકે છે ઓટ્સ 
તમારૂ લિવર પિત્તનું ઉત્પાદન કરે છે અને તેને પિત્તાશયમાં સંગ્રહીત કરે છે. આ પિત્તમાં ફેટના કણ પણ શામેલ હોય છે. જ્યારે તમે ઓટ્સ ખાઓ છો તો તેનું બીટા ગ્લૂકેન પિત્ત અને ફેટના કણોને બાંધી લે છે અને તેને પોતાની સાથે ફસાવીને મળ દ્વારા બહાર કરવામાં મદદ કરે છે. આ પ્રકારથી કોલેસ્ટ્રોલને વધવાથી રોકી શકાય છે. 

LDL કોલેસ્ટ્રોલને ઓછુ કરે છે 
દ્રાવ્ય ફાઇબર તમારા રક્ત પ્રવાહમાં કોલેસ્ટ્રોલના કણોને ઓછુ કરી શકે છે. દરરોજ પાંચથી 10 ગ્રામ કે વધારે દ્રાવ્ય ફાઇબર તમારા LDLને ઓછો કરે છે. આ નસોમાં ફેટના આ કણોને જમા થવાથી રોકે છે જેના કારણે બ્લોકનો ખતરો ઓછો થાય છે. સાથે જ ગુડ કોલેસ્ટ્રોલ વધવામાં મદદ મળે છે. 

હાર્ટના દર્દીઓ માટે ફાયદાકારક 
જેવું કે અમે તમને જણાવ્યું કે દ્રાવ્ય ફાઇબર લોહીમાં કોલેસ્ટ્રોલને શોષીને ઓછુ કરે છે અને લોહીને જાડુ થવાથી બચાવે છે. તેનાથી હાર્ટ પર પ્રેશર નથી પડતુ અને હાઈ બીપીની સમસ્યા નથી વધતી. આ રીતે હાર્ટની બીમારીઓથી બચી શકાય છે. તો આ તમામ કારણોથી તમને હાઈ કોલેસ્ટ્રોલને ઓછુ કરવા માટે ઓટ્સનું સેવન કરવું જોઈએ.