હેલ્થ / ઘરે બનાવેલું આ પાણી પીવો, પ્રાઈવેટ પાર્ટમાં ખંજવાળથી મળશે મુક્તિ, અન્ય ફાયદા પણ અઢળક

મહિલાઓ ઘણીવાર પ્રાઈવેટ પાર્ટમાં ખંજવાળ અને બળતરાની ફરિયાદ કરે છે. આના માટે તે અનેક પ્રકારની દવાઓ લે છે. પરંતુ આ સમસ્યા ઝડપથી દૂર થતી નથી. મહિલાઓની આવી અનેક સમસ્યાઓ માટે ઘરે બનાવેલું આલ્કલાઇન વૉટર પીવું ફાયદાકારક સાબિત થઈ શકે છે. તેને પીવાથી પીઠના દુખાવાથી લઈને પ્રાઈવેટ પાર્ટમાં ખંજવાળ અને ફેટી લિવર જેવી અનેક બીમારીઓથી રાહત મળે છે. જાણો ઘરે આલ્કલાઇન વૉટર કેવી રીતે બનાવવું અને જાણો આ પાણીના ફાયદા.

ઘરે આલ્કલાઇન વૉટર કેવી રીતે બનાવવું - 

તમે ક્ષારયુક્ત પાણીનું નામ તો સાંભળ્યું જ હશે. તેમજ આ પાણીની કિંમત પણ ઘણી વધારે છે. પરંતુ તેને ઘરે સરળતાથી તૈયાર કરી શકાય છે. આ માટે માત્ર આ વસ્તુઓની જરૂર પડશે.

• એક કાકડી
• ફુદીનાના પાન 
• લીંબુ

એક કાકડીને નાના-નાના ટુકડામાં કાપીને કાચની બરણીમાં ભરો. 10-12 ફુદીનાના પાન પણ લો. એક લીંબુના નાના ટુકડા કરીને તેને પણ આ બરણીમાં ભરો. હવે આ બરણીમાં પાણી ભરીને સાતથી આઠ કલાક રાખો. બીજા દિવસે આ પાણી પીવા માટે તૈયાર છે.

આલ્કલાઇન પાણી કેવી રીતે પીવું -

ઘરે તૈયાર થયેલું આ ક્ષારયુક્ત પાણી 12 કલાકની અંદર પીવાનું હોય છે. દિવસ દરમિયાન થોડી-થોડી માત્રામાં પીવો. આ પાણીની સાથે તમારે સામાન્ય પાણી પણ પીવું પડશે. એટલે કે તમારે આલ્કલાઇન પાણી અને સામાન્ય પાણી બંને પીવું પડશે.

વધુ વાંચો: સ્વસ્થ્ય રહેવા માટે પુરતી ઊંઘ જરૂરી...શું તમે ઊંઘ વિશે આ 10 વાતો જાણો છો?

આલ્કલાઇન પાણીના ફાયદા - 

• આલ્કલાઇન પાણીનું pH સ્તર સામાન્ય પાણી કરતા વધારે હોય છે. તે શરીરમાં વધતા એસિડને ઘટાડવામાં મદદ કરે છે. આ ઉપરાંત તેમાં ઘણા ખનિજો પણ હોય છે. આ પાણી પીવાના ઘણા ફાયદા હોય છે.
• આલ્કલાઇન પાણી પીવાથી પેટમાં બળતરા અને એસિડિટી જેવી સમસ્યાઓથી રાહત મળે છે.
• શરીરનું અવ્યવસ્થિત પીએચ લેવલ ઠીક થાય છે. જેના કારણે ધીમી ચયાપચય પણ ઠીક થાય છે.
• ઉનાળામાં ડિહાઇડ્રેશન જેવી સમસ્યાનો સામનો કરવા માટે દરરોજ આલ્કલાઇન પાણી પી શકાય છે. કાકડી અને ફુદીનો શરીરને ઠંડક આપે છે અને ડિહાઇડ્રેશન અટકાવે છે.
• જો કોઈ મહિલાને યોનિમાર્ગમાં ખંજવાળ અને બળતરા જેવી સમસ્યા હોય તો આ ઘરે બનાવેલું આલ્કલાઈન પાણી પીવાથી આ સમસ્યામાંથી રાહત મળે છે. લગભગ 15 દિવસ સુધી દરરોજ આ પાણી પીવાથી આરામ મળે છે.
• આટલું જ નહીં, આલ્કલાઇન પાણી શરીરમાં વધેલા કોલેસ્ટ્રોલને ઘટાડવામાં પણ મદદ કરે છે.
• જો તમે લીવરને ડીટોક્સ કરવા માંગતા હોવ તો આલ્કલાઇન પાણી મદદરૂપ છે અને ફેટી લીવર જેવી સમસ્યાઓમાં રાહત આપે છે.
• આલ્કલાઇન પાણી પેટની ચરબી ઘટાડવામાં પણ મદદ કરે છે.
• આ ક્ષારયુક્ત પાણી પીવાથી ડાયાબિટીસ, થાઈરોઈડ અને મેનોપોઝ જેવી સમસ્યાઓમાં પણ ફાયદો થાય છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો