બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / તમારા કામનું / EPFO એ અટકાવી દીધું તમારું પેન્શન? ગભરાશો નહીં... ઘેરબેઠા આ સરળ સ્ટેપ્સથી ફરી ચાલુ કરો !
5 ફોટો ગેલેરી
Last Updated: 05:42 PM, 22 July 2026
FOLLOW ON
શેર કરો
1/5
શું કર્મચારી ભવિષ્ય નિધિ સંગઠન (EPFO) દ્વારા તમારી પેન્શન અચાનક રોકી દેવામાં આવી છે? જો હા, તો ગભરાવાની જરૂર નથી. તેનું એક સંભવિત મોટું કારણ તમારા દ્વારા જીવન પ્રમાણપત્ર એટલે કે લાઈફ સર્ટિફિકેટ જમા ન કરાવવું હોઈ શકે છે. પેન્શન પુનઃ શરૂ કરવા માટે તમારે હવે કોઈ સરકારી કચેરીઓના ધક્કા ખાવાની જરૂર નથી. તમે ઘેરબેઠા જ ઓનલાઈન ડિજિટલ લાઈફ સર્ટિફિકેટ (DLC) જમા કરાવીને તમારી પેન્શન ફરી ચાલુ કરાવી શકો છો.
આ તસવીર શેર કરો
2/5
EPFO ના પ્રાદેશિક PF કમિશનર આલોક યાદવે જણાવ્યા અનુસાર, દરેક EPFO પેન્શનરને વિના કોઈ અડચણે સતત પેન્શન મળતી રહે તે માટે દર વર્ષે ડિજિટલ જીવન પ્રમાણપત્ર જમા કરાવવું અનિવાર્ય છે. આ પ્રમાણપત્ર પેન્શનર જીવિત હોવાનો પુરાવો છે અને તે જમા કરાવ્યાની તારીખથી 1 વર્ષ સુધી માન્ય ગણાય છે. તમારું લાઈફ સર્ટિફિકેટ હજુ માન્ય છે કે નહીં તે ચકાસવા માટે પેન્શનર્સ EPFO ની અધિકૃત વેબસાઈટ પર જઈને 'પેન્શનર પોર્ટલ' પર તેની માન્યતા ચકાસી શકે છે. આનાથી આગામી જીવન પ્રમાણપત્ર ક્યારે જમા કરાવવાનું છે તેની ચોક્કસ માહિતી મળી રહે છે.
આ તસવીર શેર કરો
3/5
EPFO એ સ્પષ્ટ કર્યું છે કે પેન્શનરો પોતાના સ્માર્ટફોન વડે નીચે મુજબના સરળ સ્ટેપ્સ અનુસરીને આ પ્રક્રિયા પૂરી કરી શકે છે. સૌપ્રથમ સ્માર્ટફોનમાં UMANG અને Aadhaar Face RD એપ ડાઉનલોડ કરો. હવે ઉમંગ (UMANG) એપ ખોલીને 'Life Certificate' સેક્શન પર ક્લિક કરો. 'Generate Certificate' વિકલ્પ પસંદ કરો અને 'Face Authentication' પર ક્લિક કરો. તમારો આધાર નંબર અને મોબાઈલ નંબર દાખલ કરીને પ્રાપ્ત થયેલો OTP સબમિટ કરો. તમારો PPO નંબર, મંજૂરી આપનાર ઓથોરિટીનું નામ અને બેંક વિગતો ભરો. ત્યારબાદ સ્ક્રીન પર દર્શાવેલ સંબંધિત ચેકબોક્સ પર ક્લિક કરો. Aadhaar Face RD એપ દ્વારા કેમેરાથી ચહેરાને સ્કેન કરો. ચહેરો સફળતાપૂર્વક સ્કેન થતાં જ તમારું ડિજિટલ લાઈફ સર્ટિફિકેટ જમા થઈ જશે.
આ તસવીર શેર કરો
4/5
જે પેન્શનરો વયમર્યાદા કે અન્ય કારણોસર જાતે ઓનલાઈન પ્રક્રિયા કરવા માટે અસમર્થ છે, તેમના માટે EPFO એ ઈન્ડિયા પોસ્ટ પેમેન્ટ્સ બેંક (IPPB) ના સહયોગથી ફ્રી ડોરસ્ટેપ સર્વિસ શરૂ કરી છે.
આ તસવીર શેર કરો
5/5
આ સેવાનો લાભ લેવા માટે પેન્શનર્સે પોતાના રજિસ્ટર્ડ મોબાઈલ નંબર પરથી ટોલ-ફ્રી નંબર 0000 202 9000 પર કોલ કરવાનો રહેશે. કોલ કર્યા બાદ IPPB નો ટપાલી (પોસ્ટમેન) તમારા ઘરે આવશે અને ડિજિટલ લાઈફ સર્ટિફિકેટ જમા કરાવવામાં તમારી સંપૂર્ણ મદદ કરશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
