BIG BREAKING / ભારતીય સેનામાં કર્નલ અને પાકિસ્તાનમાં યુદ્ધ કેદી રહી ચૂકેલા ગુર્જર નેતા કિરોડી સિંહનું જયપુર ખાતે નિધન

• રાજસ્થાનના ગુર્જર નેતા કિરોડી સિંહ બૈંસલાનું નિધન
• રાજસ્થાનમાં ગુર્જર આંદોલનનો મોટો ચહેરો હતાં
• કિરોડી લાલ બૈંસલા ભારતીય સેનામાં કર્નલ રહી ચૂક્યાં છે

કિરોડી લાલ બૈંસલા ભારતીય સેનામાં કર્નલ રહી ચૂક્યાં છે. 2007માં તેમના નેતૃત્વમાં રાજસ્થાનમાં ગુર્જરોએ મોટું આંદોલન કર્યું હતું. રાજસ્થાનમાં ગુર્જરોને અનામત મળે તે માટે આ આંદોલન કરવામાં આવ્યું હતું. જણાવી દઇએ કે, તેઓ ગુર્જર આરક્ષણ સંઘર્ષ સમિતિના વડા હતાં.

Gurjar leader Kirori Singh Bainsla passes away at a Jaipur hospital following prolonged illness, confirms his son Vijay Bainsla pic.twitter.com/ndlUDJwB9I

— ANI MP/CG/Rajasthan (@ANI_MP_CG_RJ) March 31, 2022

ઓમ બિરલાએ શોક વ્યક્ત કર્યો

લોકસભા અધ્યક્ષ ઓમ બિરલાએ કર્નલ કિરોડી સિંહ બૈંસલાના નિધન પર શોક વ્યક્ત કર્યો છે. તેમણે કહ્યું કે, બૈંસલા સામાજિક ચળવળના મજબૂત નેતા હતા. તેઓ સામાજિક અધિકારો માટે જીવનભર લડ્યાં છે. તેઓની ગેરહાજરી હંમેશા અનુભવાશે. ભગવાન દિવંગત તેમની આત્માને શાંતિ આપે. પરિવાર અને ચાહકો પ્રત્યે હું મારી સંવેદના વ્યક્ત કરું છું.

सामाजिक आंदोलन के प्रखर नेतृत्वकर्ता कर्नल किरोड़ी सिंह बैंसला जी के निधन पर शोक व्यक्त करता हूँ। सामाजिक अधिकारों के लिए उन्होंने आजीवन संघर्ष किया। ईश्वर दिवंगत आत्मा को शांति प्रदान करें परिजनों व प्रशंसकों के प्रति मेरी संवेदनाएं।
ॐ शांति!

— Om Birla (@ombirlakota) March 31, 2022

કોરોના સમયગાળા દરમિયાન બે વખત સંક્રમિત થઇ ચૂક્યા હતાં

કિરોડી લાલ ઘણા લાંબા સમયથી બીમાર હતા. આવી સ્થિતિમાં તેમના પુત્ર વિજય બૈંસલા ગુર્જર આરક્ષણ સંઘર્ષ સમિતિના વડા બની ગયા છે. કિરોડી લાલ કોરોના સમયગાળા દરમિયાન બે વખત સંક્રમિત થઇ ચૂક્યા હતાં. 2007માં બૈંસલાના નેતૃત્વમાં ગુર્જરોનું મોટું આંદોલન થયું હતું. એ પછી 2015માં પણ તેમના નેતૃત્વમાં ફરી વાર મોટું ગુર્જર આંદોલન થયું હતું. 25 દિવસના આ આંદોલન બાદ રાજસ્થાનના મુખ્યમંત્રી વસુંધરા રાજે સાથે બૈંસલાના નેતૃત્વમાં ગુર્જર સમુદાયની બેઠક યોજી હતી. જેમાં ગુર્જરોને 5% અનામત આપવાનો નિર્ણય લેવાયો હતો.

જાણો કોણ હતા કિરોડી સિંહ બૈંસલા?

કર્નલ કિરોડી સિંહ બૈંસલાનો જન્મ રાજસ્થાનના કરૌલી જિલ્લાના મુંડિયા ગામમાં થયો હતો. ગુર્જર સમુદાયમાંથી આવતા કિરોડી સિંહે તેમની કારકિર્દી શિક્ષક તરીકે શરૂ કરી હતી, પરંતુ તેમના પિતા આર્મીમાં હોવાને કારણે તેમનો લગાવ આર્મી તરફ હતો. આથી તેઓએ સેનામાં જોડાવાનું મન બનાવી લીધું હતું. બાદમાં તેઓ સૈનિક તરીકે સેનામાં જોડાયા. બૈંસલા સેનાની રાજપૂતાના રાઈફલ્સમાં ભરતી થયા હતાં અને આર્મીમાં હતાં ત્યારે 1962ના ભારત-ચીન યુદ્ધ અને 1965ના ભારત-પાકિસ્તાન યુદ્ધમાં તેમણે પોતાના દેશ માટે બહાદુરી બતાવી હતી.