બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / મહેસાણા, ગાંધીનગર સહિત 23 જિલ્લામાં હળવોથી મધ્યમ વરસાદની આગાહી, 1 જુલાઈ સુધી વરસાદી માહોલ રહેશે
6 ફોટો ગેલેરી
Last Updated: 06:42 AM, 26 June 2026
FOLLOW ON
શેર કરો
1/6
ગુજરાતમાં ગત 24 કલાક દરમિયાન એકાદ-બે સ્થળોએ હળવા વરસાદી ઝાપટાં નોંધાયા હતા, જ્યારે રાજ્યના મોટાભાગના વિસ્તારોમાં વાતાવરણ કોરું રહ્યું હતું. હવે ચોમાસું ધીમે ધીમે રાજ્યના મધ્ય ભાગ તરફ આગળ વધી રહ્યું છે અને આગામી બેથી ત્રણ દિવસમાં ગુજરાતના અન્ય વિસ્તારોમાં પણ ચોમાસું પહોંચી શકે તેવી શક્યતા હવામાન વિભાગે વ્યક્ત કરી છે. આ સાથે જ 1 જુલાઈ સુધી રાજ્યના અનેક જિલ્લાઓમાં હળવોથી મધ્યમ વરસાદની આગાહી કરવામાં આવી છે.
આ તસવીર શેર કરો
2/6
આજે એટલે કે 26 જૂન 2026ના રોજ કચ્છ, વાવ-થરાદ, બનાસકાંઠા, પાટણ, મહેસાણા, સાબરકાંઠા, અરવલ્લી, મહીસાગર, ગાંધીનગર, ભરૂચ, છોટા ઉદેપુર, નર્મદા, સુરત, તાપી, નવસારી, ડાંગ, વલસાડ, મોરબી, સુરેન્દ્રનગર, બોટાદ, રાજકોટ, ભાવનગર, અમરેલી અને ગીર સોમનાથ જિલ્લામાં છૂટાછવાયા સ્થળોએ હળવોથી મધ્યમ વરસાદ થવાની શક્યતા છે. આ વિસ્તારોમાં દિવસ દરમિયાન વાદળછાયું વાતાવરણ પણ રહેવાની સંભાવના છે.
આ તસવીર શેર કરો
3/6
હવામાન વિભાગના અનુમાન મુજબ 27થી 30 જૂન 2026 દરમિયાન ગીર સોમનાથ, અમરેલી, ભાવનગર, મહીસાગર, પંચમહાલ, દાહોદ, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ અને વલસાડ જિલ્લામાં છૂટાછવાયા સ્થળોએ હળવોથી મધ્યમ વરસાદ થઈ શકે છે. આ જ વિસ્તારોમાં 1 જુલાઈ 2026ના રોજ પણ વરસાદની શક્યતા વ્યક્ત કરવામાં આવી છે.
આ તસવીર શેર કરો
4/6
હાલ ચોમાસું સુરત, ઇન્દોર, મંડલા, ડાલ્ટનગંજ અને મોતિહારીમાંથી પસાર થઈ રહ્યું છે. આગામી બેથી ત્રણ દિવસમાં ઉત્તર અરબ સાગર, ગુજરાત, મધ્ય પ્રદેશ, છત્તીસગઢ, ઝારખંડ, બિહાર, ઉત્તર પ્રદેશ અને ઉત્તરાખંડના કેટલાક વિસ્તારોમાં ચોમાસું આગળ વધે તેવી શક્યતા છે. હવામાન નિષ્ણાતોના જણાવ્યા મુજબ અઠવાડિયા દરમિયાન નીચા સ્તરના સોમાલી જેટ વધુ મજબૂત બનવાની શક્યતા છે. તેના કારણે દક્ષિણ અરબી સમુદ્ર પર ક્રોસ-ઇક્વેટોરિયલ પવનમાં વધારો થશે. તેની અસરથી આગામી 2થી 8 અઠવાડિયા દરમિયાન ગુજરાત સહિત દરિયાકાંઠાના વિસ્તારોમાં છૂટાછવાયા સ્થળોએ હળવોથી ભારે વરસાદ પડી શકે છે.
આ તસવીર શેર કરો
5/6
અમદાવાદમાં આજે વાદળછાયું વાતાવરણ રહેવાની શક્યતા છે. શહેરમાં મહત્તમ તાપમાન આશરે 41 ડિગ્રી સેલ્સિયસ અને લઘુત્તમ તાપમાન 30 ડિગ્રી સેલ્સિયસ આસપાસ રહી શકે છે. ગત 25 જૂનના રોજ શહેરમાં મહત્તમ 40.5 ડિગ્રી અને લઘુત્તમ 29 ડિગ્રી તાપમાન નોંધાયું હતું. રાજકોટમાં આજે વાદળછાયું વાતાવરણ સાથે છૂટાછવાયા સ્થળોએ હળવોથી મધ્યમ વરસાદ થઈ શકે છે. સુરતમાં આજે વાદળછાયું વાતાવરણ રહેવાની સાથે છૂટાછવાયા સ્થળોએ હળવોથી મધ્યમ વરસાદની શક્યતા છે. સાથે વડોદરામાં પણ આજે વાદળછાયું વાતાવરણ રહેવાની શક્યતા છે. શહેરમાં મહત્તમ તાપમાન 39 ડિગ્રી અને લઘુત્તમ તાપમાન 30 ડિગ્રી આસપાસ રહી શકે છે. ગત 25 જૂનના રોજ મહત્તમ 38.8 ડિગ્રી અને લઘુત્તમ 29.8 ડિગ્રી તાપમાન નોંધાયું હતું.
આ તસવીર શેર કરો
6/6
હવામાન વિભાગના જણાવ્યા મુજબ ઉત્તર રાજસ્થાનથી બિહાર સુધી હરિયાણા અને ઉત્તર પ્રદેશમાં મોસમી ટ્રફ સક્રિય છે, જે સરેરાશ સમુદ્ર સપાટીથી 0.9 કિમી સુધી વિસ્તરેલી છે. મધ્ય પાકિસ્તાન અને નજીકના ઉત્તર રાજસ્થાન ઉપર 1.5 કિમીની ઊંચાઈએ અપર એર સાઇક્લોનિક સર્ક્યુલેશન સક્રિય છે. ઉપરાંત મધ્ય મધ્ય પ્રદેશના ઉત્તર ભાગો અને દક્ષિણપૂર્વ મધ્ય પ્રદેશ તેમજ ઉત્તર મહારાષ્ટ્ર ઉપર પણ અપર એર સર્ક્યુલેશનની અસર જોવા મળી રહી છે. આ સાથે દક્ષિણ-પશ્ચિમથી પશ્ચિમ દિશાના પવનો સક્રિય હોવાથી આગામી દિવસોમાં ગુજરાતમાં વરસાદી પ્રવૃત્તિમાં વધારો થવાની સંભાવના વ્યક્ત કરવામાં આવી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
