બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / ગાંધીનગરના સમાચાર / આગામી 3 દિવસ રેઇનકોટ લઈને જ નીકળજો, અંબાલાલ પટેલે કરી મોટી આગાહી
6 ફોટો ગેલેરી
Last Updated: 03:06 PM, 20 June 2026
FOLLOW ON
શેર કરો
1/6
ગુજરાતમાં લાંબા સમયથી ચોમાસાની રાહ જોવાઈ રહી હતી, ત્યારે હવે રાજ્યના ખેડૂતો અને સામાન્ય લોકો માટે રાહતના સમાચાર સામે આવ્યા છે. હવામાન નિષ્ણાતોના અનુમાન મુજબ આગામી થોડા દિવસોમાં ચોમાસું ગુજરાતમાં સત્તાવાર રીતે પ્રવેશ કરી શકે છે. સાથે જ રાજ્યના અનેક વિસ્તારોમાં પ્રિ-મોન્સૂન ગતિવિધિઓ શરૂ થવાની શક્યતા હોવાથી વરસાદી માહોલ સર્જાવાની આશા વ્યક્ત કરવામાં આવી રહી છે.
આ તસવીર શેર કરો
2/6
જાણો અંબાલાલ પટેલે શું કરી આગાહી ? હવામાન નિષ્ણાત અંબાલાલ પટેલના અનુમાન મુજબ 23થી 25 જૂન વચ્ચે ગુજરાતમાં ચોમાસાનું આગમન થઈ શકે છે. આ પહેલાં રાજ્યના વિવિધ વિસ્તારોમાં પ્રિ-મોન્સૂન વરસાદ શરૂ થશે, જેના કારણે વાતાવરણમાં નોંધપાત્ર ફેરફાર જોવા મળશે. જોકે 21થી 23 જૂન દરમિયાન ભેજનું પ્રમાણ વધવાથી લોકોને ગરમી અને ઉકળાટનો પણ અનુભવ થઈ શકે છે.
આ તસવીર શેર કરો
3/6
દક્ષિણ ગુજરાત અને સૌરાષ્ટ્રના દરિયાકાંઠાના વિસ્તારોમાં વરસાદી પ્રવૃત્તિઓ વધુ સક્રિય રહેવાની શક્યતા છે. કેટલાક વિસ્તારોમાં ગાજવીજ સાથે ભારે વરસાદ પણ નોંધાઈ શકે છે. હવામાનના અંદાજ પ્રમાણે કેટલાક સ્થળોએ ચાર ઇંચથી વધુ વરસાદ પડવાની શક્યતા નકારી શકાય નહીં.
આ તસવીર શેર કરો
4/6
ચોમાસાના આગમન સાથે ખેતી ક્ષેત્રમાં નવી આશા જાગી છે. લાંબા સમયથી વરસાદની રાહ જોઈ રહેલા ખેડૂતો માટે આ સમાચાર રાહતરૂપ બન્યા છે. વરસાદ શરૂ થતાં જ ખરીફ પાકની વાવણીની તૈયારીઓ વધુ વેગ પકડશે અને ખેતીની કામગીરીમાં ગતિ આવશે.
આ તસવીર શેર કરો
5/6
આગામી દિવસોમાં ઉત્તર અને મધ્ય ગુજરાતના વિસ્તારોમાં પણ વરસાદી માહોલ સર્જાવાની સંભાવના વ્યક્ત કરવામાં આવી છે. પાટણ, સમી, હારીજ, મહેસાણા, સાબરકાંઠા અને અરવલ્લી સહિતના વિસ્તારોમાં વરસાદી ઝાપટાં પડી શકે છે. ઉપરાંત પંચમહાલ, મહીસાગર, વડોદરા, અમદાવાદ અને ગાંધીનગર જેવા જિલ્લાઓમાં ગાજવીજ સાથે વરસાદની શક્યતા દર્શાવવામાં આવી છે.
આ તસવીર શેર કરો
6/6
હવામાન નિષ્ણાતોના મતે જૂનના અંતિમ સપ્તાહથી બંગાળના ઉપસાગર તરફથી આવતી ભેજના કારણે ગુજરાતમાં વરસાદની ગતિવિધિઓ વધુ મજબૂત બની શકે છે. જો આગામી દિવસોમાં સારો વરસાદ નોંધાશે તો તળાવો, ચેકડેમ અને જળાશયોમાં પાણીની આવક વધશે, જે ખેડૂતો અને પાણીની જરૂરિયાત માટે લાભદાયી સાબિત થશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
